بِسْمِ اللهِ الرَّحْمٰنِ الرَّحِيمِ

Агар Ислом Уммати ёрдамга шошилмаса, Ғазо шафқатсиз қирғин ва қаттиқ қамал остида қолади

Ғазо қирғин ва вайронагарчиликнинг янги босқичига кирмоқда. Қонхўр яҳудий вужуди вазирларининг қисқартирилган таркибдаги кабинети 2025 йил 8 август жума куни эрталаб «Ғазо шаҳрини тўлиқ эгаллаш мақсадида амалга оширилаётган ҳарбий операцияларни кенгайтириш тўғрисида» қарор қабул қилди. Мазкур қарор АҚШнинг бевосита қўллови остида, Трамп, Рубио ҳамда «Қора уй»даги бошқа сиёсий шахсларнинг баёнотлари орқали оммага эълон қилинди.

Ишғолчи маъмуриятнинг мазкур янги қарори янада кўпроқ қирғин, янада кўпроқ очлик ва янада кўпроқ мажбурий кўчиришни англатади. Бу, агар Ғазода ҳаёт учун бирор имконият қолган бўлса, уни ҳам буткул йўққа чиқаришга қаратилган. Натижада, Ғазо аҳолиси икки оғир танлов – ўлим ёки кўчирилиш – олдида қолмоқда. Шунингдек, Ғазо аҳолиси бу иккиси ичида ўлимга яқинроқ турибди.

Асир Фаластиннинг бошқа тарафида эса, жиноятчи яҳудий вужуди сўзда ҳам, амалда ҳам Ғарбий соҳилда зўрлик билан ўз ҳукмронлигини ўрнатишга қатъий киришган. Мазкур мақсад йўлида у қирғин уюштирмоқда, қамоққа олмоқда, уй-жойларни вайрон қилмоқда, ерларни тортиб олиб, хавфли саратон каби келгинди яҳудийларнинг янги тураржойларини кенгайтирмоқда. Шу билан бирга, шаҳар ва қишлоқларнинг кириш йўлларига назорат постларини ўрнатиб, уларни қамоқхоналарга айлантирмоқда. Бу ҳолат Американинг қизилтанли ҳиндуларни жойлаштирган қамоқхоналарини ва Ғарбнинг Африкадаги мустамлакачилик даврида ташкил этган изоляция ҳудудларини эслатади.

Эй мусулмонлар!

Агар Америка ва Ғарб давлатлари, шунингдек, исломий юртлардаги уларнинг гумашта ва малайлари ёрдам арқонини узатмаганида, Аллоҳнинг ғазабига учраган яҳудийлар бу жиноятларни амалга ошира олмас эди. Бу давлатлар томонидан эълон қилинаётган Ғазо аҳлига ҳамдардлик баёнотлари ёки ёрдам киритишга оид ожиз чақириқлар эса халқларни алдаш ва чалғитишдан бошқа нарса эмас. Зеро, яҳудий вужудини қурол билан таъминлаётган ҳам, унинг жиноятларига сиёсий қалқон бўлаётган ҳам айнан шу давлатлардир. Америка ташкил этган ёрдам марказлари эса ўлим ва қатл тузоқларига айланди. Уларнинг бутун фаолияти инсон оғзидан ўтадиган луқмани қонга булғашдан бошқа нарса бўлмади.

Бундай хаос ва тартибсизлик шароитида Фаластин маъмуриятининг роли яққол намоён бўлди. Улар Ғазода яҳудийлар томонидан содир этилган жиноятлар учун айбни мужоҳидлар зиммасига юклаб, уларни қуролларини топширишга чақирмоқда. Афтидан, айнан шу шармандалик ва хорлик эвазига қоғоздаги «бир давлат» сифатида тан олинишини умид қилаётгандир. Бироқ Америка ўз сўзлари билан Фаластин маъмуриятининг орзу-умидларини ер билан яксон қилмоқда, яҳудий вужуди эса амалда қабул қилаётган суверенитетга оид қарорлари орқали уларни парчаламоқда. Шунча воқеадан кейин ҳам Маҳмуд Аббос ҳали ҳам Ғазодан бир қисм ҳудудни бошқаришни орзу қилмоқда, ҳатто у шаҳар ҳокимлиги ёки маҳаллий маъмурият даражасида бўлса ҳам, рози бўлишга тайёр. Аммо, агар ҳақиқатда маҳаллий маъмуриятга айланса, у яҳудий вужуди манфаатларига хизмат қилувчи ёлланма аскарлар отрядидан бошқа нарса бўлмайди.

Фаластин ва Ғазо масаласида ҳеч қандай шубҳа ёки ноаниқлик мавжуд эмас. Унинг сабаби ҳам равшан, ечими ҳам аниқ. Бироқ Ислом Уммати алдов ва ёлғон тарғибот кампаниялари таъсирида Ғазо аҳлига озуқа киритишни ҳам ютуқ сифатида кўрадиган аҳволга туширилди. Илгари эса ўт очишни тўхтатишни ютуқ деб билар эди. Кўриниб турибдики, яҳудий вужуди, бутун дунё ва малай ҳукмдорлар Умматни мана бундай хулосага етаклашни мақсад қилган: «Ғазо аҳолисининг йўқ бўлиб кетишидан кўра таслим бўлиб, юртни тарк этиши яхшироқ, ёки Ғазо аҳли бутунлай йўқ қилиниши ўрнига ярмининг ҳалок бўлиши енгилроқ». Бироқ Уммат иллатнинг асл сабабини яхши билади: бу – яҳудийларнинг Фаластинни ишғол қилиб туриши ҳамда уларни ҳимоя қилаётган ва бутун Умматни Ғазога ёрдам беришдан тўсиб қўяётган малай режимлардир. Шунингдек, Уммат ечим Фаластинни бутунлай – денгизидан то дарёсигача – озод қилишда эканини ҳам англаб етган. Демак, Ислом Уммати ўз биродарларига нусрат-ёрдам бериш учун улкан армияларни ҳаракатга келтириши шарт. Шу йўлда ожизлик ва ҳимматсизлик руҳини мерос қилиб қолдирганларни ҳам, Умматни сунъий чегаралар билан бўлиб, ҳар томондан парчалаган тузум ва ҳукмдорларни ҳам бутунлай йўқ қилиши лозим.

Эй Муҳаммад ﷺ Уммати! Эй инсонлар учун чиқарилган энг яхши Уммат!

Фаластин масаласи бугун мисли кўрилмаган даражада оғир аҳволга дуч келди. Ақсо масжидида яҳудийлар ўз ибодат ва маросимларини ўтказмоқда, Ғазо аҳли қонга беланиб, очликка маҳкум этилмоқда, Ғарбий соҳил аҳли эса изоляцияда ҳаёт кечирмоқда. Агар Аллоҳнинг раҳмати ва нусрати нозил бўлмаса, Ғарбий соҳил Ғазода кечаётган фожиадан ҳам даҳшатлироқ мусибатга учрайди. Бугун Ислом Уммати агар ҳукмдорларни ағдариш, чегараларни очиш ва Ақсо масжидини озод қилиш учун Аллоҳ йўлида жиҳодга қадам қўймаса, унда ҳар бир кечиккан қадами аллақачон қонга ботган, оч қолган ва қамал остида яшашга мажбур бўлган Ғазо аҳлининг азоб-уқубатларини янада оғирлаштиради. Умматнинг олими ҳам, оммаси ҳам, зиёлиси ҳам, элитаси ва армияси ҳам «Ла илаҳа иллаллоҳ, Муҳаммадун Росулуллоҳ» байроғи остида, Пайғамбарлик минҳожи асосидаги Халифалик соясида бирлашиб, Аллоҳ йўлида жиҳод қилмас экан, хусусан Ғазода ва умуман бутун Фаластинда қатли ом янада авж олади. Қилган амалларингиз учун, шубҳасиз, ҳисоб берасиз.

﴿يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ + إِلَّا تَنفِرُواْ يُعَذِّبۡكُمۡ عَذَابًا أَلِيمٗا وَيَسۡتَبۡدِلۡ قَوۡمًا غَيۡرَكُمۡ وَلَا تَضُرُّوهُ شَيۡ‍ٔٗاۗ وَٱللَّهُ عَلَىٰ كُلِّ شَيۡءٖ قَدِيرٌ﴾

«Эй мўминлар, сизларга нима бўлдики, Аллоҳ йўлида (жиҳодга) чиқинглар, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?! Агар (жиҳодга) чиқмасангизлар, (Аллоҳ) сизларни аламли азоб билан азоблар ва ўрнингизга бошқа бир қавмни келтирур. Сизлар эса У зотга бирон зиён етказа олмайсиз. Аллоҳ ҳамма нарсага қодирдир»  [Тавба 38-39]

Ҳизб ут-Таҳрир                                                                 14 сафар 1447ҳ

Муборак Фаластин замини                                            8 август 2025м