بسم الله الرحمن الرحيم

Роя газетаси:

Америка: Ироқ Форс Кўрфази давлатларининг ҳарбий ва иқтисодий ёрдамларига муҳтож

Америка мудофаа вазири Эштон Картернинг билдиришича, у келаси ҳафтада Форс Кўрфази давлатларидан Ироқнинг «Давлат» ташкилотига қарши урушда вайрон бўлган минтақаларини қайта қуриш ишларига ҳисса қўшишларини талаб қилмоқчи.

Америка мудофаа вазири олти кунлик сафари чоғида Бирлашган Араб Амирлиги пойтахти Абу-Дабига етиб келди. Айни сафарини эртага пайшанба куни Риёзда Барак Обама билан биргаликда Форс Кўрфази давлатлари саммитида ҳозир бўлиш билан тамомлайди.

Форс Кўрфази давлатлари саммитида Обама Саудия қироли Салмон билан учрашади.

Картер бундай деди: «Ироқ ва Сурияда ИШИДни мағлуб этиш учун қаттиқ зарар кўрган бинолар яъни, айни ташкилот вайрон этган, талон-тарож қилган ва ёмон муносабатда бўлган бинолар қайта тикланади». У «Ироқ тўла соғайиши учун иқтисодий, сиёсий ва ҳарбий ёрдамларга муҳтож бўлади», дея қўшимча қилди.

Кейин у «Биз ушбу уч соҳада ўз ҳиссамизни қўшиш сари интилишимиз баробарида Форс Кўрфази давлатлари ҳам ўз ҳиссаларини қўшишлари мумкин. Бу борада улар билан албатта суҳбатлашамиз», дея таъкидлади. (Халиж онлайн).

Роя газетаси шарҳи:

Исломий юртларда мана шундай малай ҳукмдорлар бор экан, кофир Ғарб давлатлари Ислом ва мусулмонларга қарши сиёсатларини ўшалар ёрдамида ҳамда исломий юртлар бойликлари эвазига амалга ошираверадилар. Натижада мусулмонлар ўз юртларидаги вайронагарчилик, қашшоқлик ва ўрталаридаги мазҳабпарастлик, ирқчилик ва тоифачилик низолари бадалини ўз чўнтакларидан тўлайдилар… Айни ҳақиқат, Картернинг Форс Кўрфази давлатларидан Ироқдаги вайроналарни қайта тиклашга ҳисса қўшиш талабида ўз ифодасини топмоқда. Ваҳоланки, Ироқда содир этилаётган ҳар бир уруш, қирғин, фитна ва вайронагарчилик… ортида АҚШ турибди. Буларнинг барчасига мана шу давлат жавобгардир. Чунки – Ироқдаги администратори Бремер орқали хоҳ бевосита бўлсин ёки Эрон ҳукмдорлари ва уларга эргашувчи ироқлик сиёсатчилар орқали хоҳ билвосита бўлсин – 2003 йилда Ироқни босиб олган ва юртнинг амалий ҳукмдорига айланган мана шу Қўшма Штатлардир.

Роя газетасининг 2016 йил 20 апрел чоршанба кунги 74-сонидан

0

0

Related posts:

Туркия ўз кучларини Ироқ шимолидан кўчирмоқчи эканини билдирди Ироқ F-16 учоқларидан фойдаланиш учун Америка розилигига муҳтож Ироқ: технократларни қўшиш учун ҳукуматда юз бераётган ўзгаришлар Залмай Халилзод: Америка Ироқни Эрон фойдасига бой бергани йўқ!!!