بِسْمِ اللهِ الرَّحْمٰنِ الرَّحِيمِ

Америка Туркияни Аё София масжидини музейлигича қолдиришга чақиряпти

«Туркия ҳадас» веб-сайти (ҳижрий 1441 йил 5 зул-қаъда, милодий 2020 йил 26 июн жума куни) нашр қилган хабарда қуйидаги сўзлар келади:

«Туркия Ташқи ишлар вазири ўринбосари Ёвуз Салим Кирон Туркия ўзининг маданий ва диний меросларини ҳимоя қилишда давом этажагини, «Аё София» билан боғлиқ ҳар қандай қарор Туркиянинг ички иши эканини таъкидлади.

Унинг бу сўзлари АҚШ Давлат департаментидаги диний ишлар бўйича элчи Сэм Браунбэкнинг Аё София тўғрисида берган баёнотига жавобан жума куни унинг твиттердаги саҳифасида пайдо бўлди.

«Браунбэк хавотирланманг, Туркия ўзининг маданий ва диний меросларини ҳимоя қилишдан тўхтамайди, чунки «Аё София» билан боғлиқ ҳар қандай қарор Туркиянинг ички ишидир», деди у.

Сал аввалроқ Браунбэк Аё София дунё бўйлаб турли динларга мансуб имонли кишилар учун маънавий ва маданий аҳамиятга эга эканини таъкидлаб, Аё Софияни ҳамма зиёрат қилиш имконига эга ҳолидаги музей сифатида сақлаб қолишга чақирди».

Роя газетаси шарҳи:

Бундан беш асрча муқаддам испан миллатчилари томонидан Испаниядаги минглаб масжидларда қирғинлар, вайронагарчиликлар ва тинтувлар содир этилганда, Америка уларни ҳимоя қилиш тўғрисида лом-мим демаган. Бироқ Туркияга бугунги кунгача Аё София тўғрисидаги талабларини канда қилмаяпти.

Буларнинг барчасига сабаб бугунги рувайбизалар ҳамда Америка ва бошқа мустамлакачи Ғарб давлатларининг малайлари асрида исломий юртларни эгаллаб олган заифликдир. Шунинг учун Америка қўпол-такаббурлик билан муносабат билдириб, сурбетларча талаб қилишда давом этмоқда. Бироқ у Ислом Умматининг бутун мусулмон юртларида ҳукмдорларга қарши бош кўтараётганини, Америка ва Ғарбга тобеликдан қутулмоққа аҳд қилганини гўё билмайдигандек.

Роя газетасининг 2020 йил 8 июл чоршанба кунги 294-сонидан