بِسْـــمِ اللهِ الرَّحْمٰـــنِ الرَّحِيـــم

Роя газетаси:

Американинг Фаластин аҳлига «ёрдам»ларини қайта йўлга қўйиш учун уларнинг юрт ва муқаддас ерлардан воз кечишлари шарт қилинган!

Ҳижрий 1439 йил 22 жумодул-аввал, милодий 2018 йил 8 феврал пайшанба куни «Хабар» Фаластин матбуот агентлиги ўзининг электрон сайтида қуйидаги хабарни нашр қилди:

«Иорданияда чиқадиган «Ғод» газетасининг чоршанба кунги сонида хабар қилинишича, АҚШ «Ёрдам» ва «UNRWA» (БМТга қарашли Яқин Шарқдаги Фаластин қочқинларига ёрдам бериш ва иш билан таъминлаш агентлиги) фаолиятини қайта бошлаш ҳамда уларни Сурия ва Ливандан ташқари, Иордания ва Фаластин ерларида ҳам иш билан таъминлаш учун ўз шартларини белгилади.

Газетанинг «UNRWA»даги ўз манбаига таянган ҳолда маълум қилишича, АҚШ маъмурияти агентликка белгилаб берган шартлари икки пунктдан иборат.

«Қуддусни Фаластин давлати пойтахти сифатидаги моҳиятини йўқ қилиш ва яҳудийлар вужудига қарши кураш ёки жангни, ёки бўлмасам, Фаластин интифозасини бекор қилиш».

Америка шартлари доирасида «Фаластин масаласи билан боғлиқ, масалан, Бальфур декларацияси, Фаластин фалокати, 1967 йилги «Исроил» адовати каби фаолият ва ҳаракатларни бекор қилиш ҳамда ҳеч қандай сиёсий фаолият билан шуғулланмаслик», ҳам айтилган.

Маълумки, ўтган ойда президент Дональд Трамп Фаластинга молиявий ёрдамларни тўхтатиш тўғрисидаги таҳдидли баёноти ортидан бир неча соат ўтиб, Вашингтон «UNRWA»га бериладиган ёрдамлардан 65 миллион долларни музлатиб қўйиш тўғрисида қарор чиқарган эди».

Роя газетаси шарҳи:

Бу хабардан кўриниб турибдики, АҚШнинг Фаластин аҳлига тақдим этган пуллар, ўзи даъво қилгандек инсонпарварлик ёрдамлари эмас, аксинча, заҳриқотил пуллардир. Бу пулни беришдан Фаластин аҳли ва улар ортидаги барча мусулмонларни ўз ерларини сотишга тайёр ҳамда Фаластин, Қуддус, муборак Ақсо масжидидан воз кечиб, яҳудийлар вужудига, уларнинг босқинчилигига рози кимсаларга айлантириш кўзланган. Алҳол, Америка мусулмонларнинг Форс Кўрфази давлатларидаги, хусусан, Саудия Арабистонидаги молларини талон-тарож қилмоқда… Биргина мисол, Саудия ҳукмдорлари 2017 йил 20 май куни емирилиб бораётган АҚШ ғазнасига 460 миллиард доллар тўкишга ваъда берди. Мана шундай бир пайтда, Америка Фаластин аҳлига миннат қиляпти ва аслида ўзлариники бўлган моллар билан уларни провокация қиляпти. Бироқ бу мустамлакачи давлат билиб қўйсин: Фаластин аҳли миннатга кўнсалар-да, аммо хорликка ҳаргиз рози бўлмайдилар, улар исломий юртлари ва у ерлардаги муқаддас нарсалардан ҳаргиз воз кечмайдилар, билъакс – Аллоҳнинг изни ила, яқинда йўқ бўлиб кетажак анави Фаластин режимидаги хоин раҳбарлар ушбу заминдан воз кечишаётган бир пайтда – Фаластин аҳли уни муробитлик билан ҳимоя қилиб, унинг йўлида жонларини фидо этмоқдалар.

Роя газетасининг 2018 йил 14 феврал чоршанба кунги 169-сонидан