Матбуот баёноти

Американинг мусулмон юртлари устидан яҳудий вужудини ҳукмрон қилиш кампаниясининг навбатдаги бўлими

Эроннинг ҳизбининг минглаб аъзолари шу ҳафта Ливанда бир қатор ўта мураккаб махфий операцияларда нишонга олинди. «Моссад» бошчилигидаги разведкага мансублиги айтилаётган бу ҳужумлар яҳудийлар урушининг янги босқичидан дарак бермоқда. Дарҳақиқат, ўтган сешанба куни минтақа қатор портлашлардан титради. Унда Эрон ҳизби аъзолари қўлидаги пейжерлардан минглаби портлади, эртасига чоршанба куни портлашларнинг иккинчи босқичи юз бериб, унда ҳам симсиз алоқа воситаси (рация)дан юзлаби портлатилди. Бу ҳужумлар одамларнинг танасини тилка-пора қилиб, катта йўқотишларга олиб келди, масалан, пейжерлар портлашида ҳалок бўлганлар 12 нафарга етди, жароҳатланганлар 2000дан ошди, рация портлашида 20 шахс ҳалок бўлди, камида 450 шахс жароҳатланди.

Яҳудий вужуди бу ҳужумлар ҳақида ҳеч нарса демади, расмий изоҳ ҳам бермади. Бироқ чоршанба куни яҳудий мудофаа вазири Йоаф Галантнинг «урушнинг янги босқичи»ни эълон қилганлиги уларнинг ҳарбий позициясида стратегик ўзгаришлар бўлишига далолат қилмоқда. Бу Эрон ҳизбининг жанговар салоҳиятини фалажлашга ва Ливан шимолидаги ўзининг чегаралари хавфсизлигини таъминлашга қаратилган.

Шунча вақт яҳудий вужуди йирик давлатлар, минтақавий давлатлар ва маҳаллий томонларнинг қўллаб-қувватлови билан Ғазо ва Ғарбий Соҳилда ваҳший операцияларини тугатгач, навбат Ливан ва унинг қаршилик ҳаракатига келди. Эрон ҳизби яҳудий вужуди хавфсизлиги учун шимолда доим таҳдид бўлиб келди. Афтидан, энди у ўз диққат-эътиборини янги ҳужумга, яъни Эрон ҳизби аъзолари қўллаган алоқа қурилмаларини нишонга олиш орқали партия раҳбарияти устидан ўз назоратини ўрнатишга ва унинг инфратузилмасини тугатиб, демонтаж қилишга қаратган кўринади. Эрон ҳизбининг алоқа тизимига нисбатан бундай стратегик диққат-эътибор яҳудий вужуди учун янада кенгроқ операциялар ўтказишига муқаддима бўлиши мумкин. Шундай қилинса, Эрон ҳизбининг ҳужумлар уюштириш қобилияти ёки Эронининг минтақадаги агентлари билан мувофиқлашуви заифлашади ва яҳудий вужуди минтақада ҳеч қандай низо ёки ғалвасиз яккаҳоким бўлиб олади.

Яҳудий вужудининг мақсади аниқ. У Эрон ҳизбининг уруш бошлаш қобилиятини заифлаштиришни ҳамда шимолдан қочиб кетган яҳудийларнинг қайтишини осонлаштириш учун хавфсизроқ муҳит яратишни хоҳлаяпти. Зотан, доимий низо сабабли (Исроил)дан қочиб чиққан яҳудийлар сони бир миллиондан ошмоқда. Ушбу ҳужумлар аниқлик билан, кенг кўламда олиб борилди ва бу яҳудий вужуди ўзининг шимолий чегарасига бўлган таҳдидларни йўқ қилишга қаратилган улкан жанговар кампанияга тайёргарлик кўраётганидан далолат бермоқда.

Бу вужуднинг Ғарб билан тили бирлигини ва разведка ҳамкорлигини эътиборга олганда, мазкур операциянинг кўлами ва техник пухталиги уларни ёлғиз ўзи бажармаганига далолат қилади. Гарчи Моссад узоқ йиллик ифлос разведка операцияларига эга бўлса-да, алоқа воситаларининг кенг кўламда портлатилиши ушбу операцияда, айниқса, зарур технологик тажрибаларни тақдим этишда Ғарб разведка агентликлари ҳам иштирок этганини кўрсатади. Бундай мураккаб технологиянинг Эрон ҳизбининг алоқа тизимларига жойлаштирилиши Ғарб давлатлари томонидан етказиб берилган ёки сотилган ушбу ускуналар манипуляция қилинган ёки бузиб кирилганини кўрсатади. Яҳудий вужуди Эрон ва унинг ҳизбига қарши ҳар сафар жиноят содир этиб, сўнг Эрондан арзимас-заиф жавоб олишга ўрганиб қолган. Шу сабабдан мазкур жиноятларни кўпроқ қилишга журъат қилмоқда.

Исломий юртлардаги ҳарбий технологияларга шу каби бузиб кириш ҳолатларида илоннинг боши Америка рол ўйнаб келган. Мисол учун, 2010 йилда АҚШ ва яҳудий вужуди томонидан ишлаб чиқилган «Stuxnet» вируси Эрон ядровий иншоотларини нишонга олган эди. 2003 йилда Ироққа бостириб кириш пайтида Америка Франция томонидан қурилган Ироқ ҳаво мудофаа тизимини манипуляция қилган. Мисрда Америка томонидан етказиб берилган Ғ-16 самолётлари ҳам 2013 йилдаги қўзғолон пайтида хакерлик ҳужумига учрагани гумон қилинади. Саудия ҳам 2019 йилда ўзининг нефть обьектларига ҳужумларни олдини олишда Америка томонидан етказиб берилган ракеталарга қарши мудофаа тизими «Patriot»ни ишга тушира олмаган. Бу ўз навбатида, Ғарб технологиясига бўлган ишончни шубҳа остига қўйган.

Бу ҳодиса, айниқса, Ислом Уммати ва унинг армияларига Ғарб технологиясига таяниш икки қиррали қилич бўлиши мумкинлигини аниқ эслатади. Ҳаётий инфратузилма ва алоқа учун бўладими ёки ҳарбий мақсадлар учунми Ғарб томонидан тақдим этилаётган ускуналарга таянувчи давлатлар ўша жиҳозларининг хакерлик ҳужуми ёки ўзларига қарши ишлатилиши хавфига тобора кўпроқ дучор бўлмоқдалар. Эрон ҳизбини нишонга олган яқиндаги портлашлар ҳам бундай мураккаб саботажлар узоқдан ҳамда катта ҳалокатли таъсирлар билан амалга оширилиши мумкинлигини кўрсатди.

Бу ерда олинадиган сабоқ аниқ. У ҳам бўлса, ўз суверенлигини ҳимоя қилишга интилаётган давлатлар энди Ғарб технологиясига, ҳар қанча тараққий топган технология бўлмасин, ишониши ёки таяниши ножоиз бўлиб қолди. Айниқса, мусулмон юртлар хорижда ишлаб чиқарилган ва ажнабий разведка идоралари фойдаланиши мумкин бўлган ускуналарга таянишда давом этаверишдан сақланмоқлари керак. Чунки уларга сизиб кириш ёки манипуляция қилиш хавфи мавжуд бўлиб, ҳалокатдан огоҳлантирмоқда.

Агар мусулмон юртларидаги мавжуд давлатлар мустақил бўлганларида эди, муқобил технологик кластерларни ривожлантиришга интилган ёки ўз маҳаллий имкониятларини яратишга сармоя ётқизган бўлур эдилар. Агар уларда ўз ҳарбий алоқа-воситаларини, разведка инфратузилмасини ва фуқаролик тармоқларини таъминлаш истаги бўлганда эди, ғарблик етказиб берувчилардан узоқроққа кўз тикиб, ўзини ташқи таҳдидлардан, айниқса бу турдаги разведка таҳдидларидан ҳимоя қилишган бўларди. Маҳаллий технологияларни ишлаб чиқариш катта ресурсларни талаб қилса-да, айниқса, маълумотлар уруши аҳамият касб этаётган бугунги кунда хавфсизлик ва ўз-ўзига таяниш каби стратегик мақсадларга эришиш муҳим аҳамият касб этади. Шунинг учун исломий юртлар армиялари Ғарбга таянишдан халос бўлишлари керак. Улар ўзларининг жанговар қудратини хавф остида қўймасликлари лозим. Ливандаги бу ҳужум фақатгина Эрон ҳизби билан боғлиқ эмас. Балки у исломий юртлардаги ҳар қандай ҳарбий кучни уларнинг технологияларидаги заиф томонлардан фойдаланган ҳолда мунтазам равишда заифлаштириш билан боғлиқ масаладир. Ҳа, мусулмон армиялари Ғарбга бўлган ҳар қандай қарамлик кишанидан қутулмоқлари вақти келди. Улар ўз суверенлик ва хавфсизликларини таъминлаш учун хорижий технологияга қарамликни рад этмоқлари ва ўз ҳарбий тизимларини ва алоқа воситаларини ривожлантириб, келажакдаги ажнабийлар манипуляцияси ва ҳукмронлигидан ўзларини ҳимоя қилмоқлари даркор. АҚШ ва унинг минтақадаги иттифоқчиларига қарамликдан холи бир давлатсиз на иқтисод гуллаб-яшнайди, на армия ва на мустақил технология. Албатта, бу мусулмон юртларидаги мавжуд зараркунанда режимлар бор экан, ҳаргиз амалга ошмайди. Чунки улар Ғарбга малай ва тобедирлар. Ушбу юртлардаги рувайбиза ҳукмдорларнинг асосий вазифалари мусулмонларга қарши жосуслик қилиш ва уларга зиён етказишдан иборат. Шунинг учун фақат Пайғамбарлик минҳожи асосидаги рошид Халифалик соясидагина Ғарб ва унинг саноатидан қутулиш мумкин. Шу сабабдан биз мусулмон армияларидаги холис инсонларни ўз ишларини тўғрилаб олишга ва малай ҳукмдорларни ағдариб, Халифалик давлатини барпо этиш учун Ҳизб ут-Таҳрирга нусрат-ёрдам беришга даъват қиламиз. Ушбу давлатимизгина мустақил сиёсий, иқтисодий, ҳарбий ва технологик қудрат яратади ва бу билан Ғарбнинг гегемонлик қилишига, уларга хакерлик қилишига йўл бермайди.

﴿لِمِثۡلِ هَٰذَا فَلۡيَعۡمَلِ ٱلۡعَٰمِلُونَ﴾

«Амал қилгувчилар мана шундай (мангу бахт саодат) учун амал қилсинлар!»                                                                                                  [Соффат 61]

Ҳизб ут-Таҳрирнинг марказий матбуот бўлими