Амир Темурга олтиндан ҳайкал, Мирзиёевга орден!

بسم الله الرحمن الرحيم

Маълумки, Мирзиёев давлат ташрифи билан 11-13 март кунлари Францияда бўлди ва Макрон билан музокаралар олиб борди. Ташрифда эътиборни тортган яна бир ҳолат шу бўлди-ки, Франция президенти Макрон Мирзиёевни кам сонли шахсларга бериладиган Франция Республикасининг олий мукофоти – “Фахрий легион” ордени билан тақдирлади. Бу ҳолат эса ОАВларда кенг ёритилди ва кўкларга кўтариб мақталди.

Тарих фанлари доктори Раҳмон Фармонов Qalampir.uz билан суҳбатдаги сўзларига кўра, ушбу орден 1799 йилда биринчи консул сифатида Францияда ҳокимият тепасига келган ва 1804 йили император бўлган Наполеон томонидан 1802 йили таъсис этилган.

Тарихдан маълумки, Франция Европанинг кўплаб давлатлари каби Халифалик давлатининг – Ислом умматининг ашаддий думшани бўлиб келган. У мусулмонларни энг кўп қирғин қилган давлатлардан бири ҳисобланади. Мисол учун, “Инсон музейи” деган нарса дунё бўйича фақат Франция пойтахтида бор. У ўн саккиз минг мусулмоннинг калласини кесиб, бош чаноқларини ўша музейда сақлаб келяпти. Шунинг ўзи бу давлат қанчалик даражада мусулмонлардан нафратланишига етарли далилдир.

Бундан ташқари, Францияда тарихан бизнинг минтақа билан боғлиқ ҳайкал ҳам мавжуд. Бу олтиндан ясалган Амир Темурнинг ҳайкалидир. Уни нафақат Франция, балки бутун Европа ўзларининг халоскори деб билишади. Нимага дейсизми? Пайғамбаримиз ﷺ: “Албатта, Константинопол фатҳ қилинади, унинг амири нақадар яхши амир ва унинг қўшини нақадар яхши қўшин”, – деган эдилар. Ушбу ҳадисда мақталган амир бўлиш илинжида кўплаб саркардалар ўз қўшинлари билан Константинополни фатҳ қилишга уринганлари маълум ва машҳур. Мўғуллар ва салибчилар босқини туфайли тўхтаб қолган ушбу уринишларни, Усмонийлар даврида Султон Боязид I бошлаб берди. У деярли Константинополни забт этишга муваффақ бўлиб турган бир пайтда, Амир Темур қўшини юриши уни шаҳар блокадасини олиб ташлашга ва ўз кучларини уларга қарши курашишга мажбур қилди. Маълумки, Амир Темур ва Султон Боязид I ўртасидаги жанг тарихда “Анкара жанги” номи билан тилга олинади. Ушбу жангда султон Боязид I мағлуб бўлади ва ушбу мағлубият туфайли Усмонийларнинг Европага бўлган жиҳодий юришлари бир неча йилга орқага сурилади. Усмонийларнинг бу мағлубиятини Европа қироллари ўзлари учун катта ёрдам сифатида баҳолайди. Айниқса, ундан қаттиқ шодланган Франция қироли Карл VI, Англия қироли Генрих IV Амир Темурни ғалаби билан қутлашади. Бу борада ishonch.uz’да чоп этилган “Франция Амир Темурни нега ўз халоскори деб билади ёки икки давлатнинг тарихий муносабатларига назар” номли мақоласида ҳам ёритилган. Унда айтилишича, Амир Темур Йилдирим Боязидни мағлуб этганидан сўнг, айнан французлар Амир Темурнинг олтиндан ҳайкалчасини қуйдириб, остига “Европа халоскорига” деб ёздирадилар. Эҳтимол, шу сабабдан Европада Амир Темурни рамзий маънода Наполеоннинг устози, дея таърифлашади. Албатта, биз Амир Темур бу урушни Европага ёрдам бериш учун қилди, демоқчи эмасмиз. Бу уруш туфайли Еропага Усмонийларнинг жиҳодий юришлари бир неча муддатга кечикканига урғу бермоқчимиз, холос. Шунинг учун ҳам, юқорида айтилганидек, Амир Темурга “Европа халоскори” дея ном берилган. Хуллас, бу ҳодисада Франция каби Аллоҳ ва Росули ﷺнинг душманлари, мусулмонларнинг қотиллари шодланганлари аниқ.

Таъкидлаш лозимки, Амир Темур давлатни Аллоҳнинг қонунлари – шариат аҳкомлари билан бошқарган. Унинг ёнида аллома Тафтазоний каби буюк олимлар бўлиб, Амир Темур ҳар бир нарсада улардан шаръий кўрсатмалар олиш орқали  иш кўрар эди. Шундай бўлса-да, биз унинг Анқара жангидаги ғолиблигини асло маъқулламаймиз, бироқ Мирзиёев каби мусулмонлар юртларининг бугунги раҳбарлари Темур уловининг чангига ҳам тенг келолмаслиги бор гап ва аччиқ ҳақиқат. Сабаби, Мирзиёев Ғарбнинг капиталистик демократия қонунлари билан ҳукм юргизяпти. Аллоҳ таоло дейди:

أَلَمۡ تَرَ إِلَى ٱلَّذِينَ أُوتُواْ نَصِيبٗا مِّنَ ٱلۡكِتَٰبِ يُؤۡمِنُونَ بِٱلۡجِبۡتِ وَٱلطَّٰغُوتِ وَيَقُولُونَ لِلَّذِينَ كَفَرُواْ هَٰٓؤُلَآءِ أَهۡدَىٰ مِنَ ٱلَّذِينَ ءَامَنُواْ سَبِيلًا

– “Китобдан насибадор бўлганларнинг ботилга ва тоғутга иймон келтиришларини ва куфр келтирганларни (кўрсатиб): “Анавилар, иймон келтирганлардан кўра ҳидоятлироқ йўлдалар”, дейишларини кўрмайсанми?!”  (Нисо:51)

Ушбу оятдаги “тоғут” – Аллоҳнинг шариатидан бошқа шариат ва Аллоҳнинг шариатига асосланмаган ҳукмдир. Яъни Аллоҳнинг ҳукми билан ҳукм қилмаган ҳар қандай ҳукмдор тоғутдир. Демак, Мирзиёев ва у каби куфр демократик қонунлари билан сиёсат юритаётган раҳбарлар аслида тоғутлар ҳисобланиб, улар юртни сиёсий-иқтисодий жиҳатдан кофирларга мустамлака бўлишида асосий малайлик ролини бажарадилар. Бунинг эвазига эса, раҳбарлик курсиларида умрларини охиригача ўтиришлари учун Россия каби мустамлакачи давлатларнинг қўлловига эришадилар.

Энди Мирзиёевни Франция Республикасининг олий мукофоти – “Фахрий легион” ордени билан тақдирланганига келсак, қандай хизматлари учун, деган саволлар туғилиши табиий? Аввало, шуни таъкидлаш лозимки, Франциянинг асосий сиёсати буюклик сиёсатидир. Мана шу омил Франциянинг барча сиёсий ишлари учун асосдир. Бинобарин, у олиб бораётган сиёсий ишлар ушбу буюклик асосига қурилади. Унинг мустамлакачилик фаолиятини буюклик сиёсати ҳаракатга келтиради. У мустамлака қилиш ва босиб олишга киришган вақтида буюклик сиёсати асосида ҳаракат қилади. Яъни Ўзбекистон каби учинчи олам давлатини Франция ўзи билан тенг кўрмайди. Ўзбек ҳукуматига қилаётган хушмуомаланинг замирида, албатта, манфаат ётгани аниқ. Буни ўзбек ҳукумати билан уран борасида келишувлари ҳам тасдиқлаб турибди. Бироқ Франциядек Аллоҳнинг душманини хурсанд қиладиган ўзбек режимининг яна бир муҳим жиҳати – Ўзбекистон золим Каримов давридан буён МОда сиёсий Исломга қарши курашда лидерлик қилиб келаётганидир. Ўзбекистон қамоқларида лаъанати Каримов даврида қамоққа ташланган, Исломий ҳаётни қайта бошлаш учун Халифаликни тиклаш зарур, деб билган ва шу йўлда фикрий ва сиёсий ҳаракат олиб борган сиёсий маҳбуслар ҳозир ҳам мавжуд. Улардан кўплари шаҳид қилинди ва ҳозирги кунда ҳам шаҳидлар карвонига қўшилишда давом этаётганлари бор. Мирзиёев режими улардан 20 йиллаб панжара ортида ўтирганларини озод қилиб, яна қайта узоқ йилларга қамоққа ташламоқда. Халифаликнинг воқесини эса, Франция каби кофир давлатлар тарихдан жуда яхши билади. Мирзиёев каби қўрқоқ раҳбарлар аслида Халифаликка қарши курашиб, кофир давлатларнинг умрларини узайтиришга хизмат қилмоқда холос. Албатта, бундан кофирлар шодланмай ким шодлансин! Бундан ташқари, Мирзиёев шогирд устоздан ўтибди қабилида иш қилиб, бу йилги Рамазонда ёш болаларни масжидга киритмасликдек жирканч ишларни ҳам қилмоқда. Хуллас, Мирзиёев халқимизнинг Исломга қизиқишига қарши шундай курашмоқдаки, унга Франция каби мустамлакачи кофирлар бир эмас, балки бир нечта орденлар берса ҳам “арзийди”.

Сиёсий жиҳатдан қараганда, Ўзбекистон МОда геосиёсий жойлашуви, аҳоли сони, табиий бойликларнинг кўплиги, транспорт коридорлик салоҳиятига эга эканлиги боис муҳим стратегик мамлакатдир. Ушбу омилларга кўра, Франция ўзбек режими билан алоқаларни мустаҳкамлашга ҳаракат қилмоқда. Оғиз кўпиртириб мақталаётган орден эса, мустамлакачи Франциянинг Ўзбекистон раҳбарини ўзига мойил қилишдаги маккарона услубларидан бошқа нарса эмас. Аллоҳ таоло дейди:

يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ

– “Эй иймон келтирганлар! Ўзингиздан бошқадан сирдош тутманг. Улар сизга парокандалик келтиришда бўшашмаслар. Машаққатда қолишингизни хоҳлайдилар. Нафратлари оғизларидан кўриниб бўлди. Кўкслари махфий тутгани яна ҳам каттароқ. Батаҳқиқ, сизларга оят(белги)ларни баён қилдик, агар ақл юритсангиз.  (Оли Имрон:118)

Аслида, кофирнинг мукофоти ва мақтовига сазовор бўлиш ҳар қандай мусулмон учун жоиз эмас. Балки ўта кетган шармандалик ва хоинлик белгисидир. Чунки кофир мусулмонни мукофотлаяптими, мақтаяптими, демак, ўша мусулмон Ислом ва мусулмонлар зарарига иш қиляпти. Шу ўринда тарихдан бир буюк мисол келтирсак: Византия императоридан Муовия абу Суфёнга:

“Бизга сиз ва Али ибн Абу Толиб ўртасида бўлган иш етиб келди. Биз шак-шубҳасиз сизнинг ҳукмдор эканлигингизни эътироф этамиз ва Алини ноҳақ деб биламиз. Агар буюрсангиз сизга дўстлик рамзи сифатида қўшин юборамиз ва Алини бошини сизга тортиқ қиламиз”. Шунда Муовия унга ёзди:

“Муовия Абу Суфёндан Византия кўппагига жавоб:

Икки биродарнинг ўзаро тортишиб қолиши билан сени нима ишинг бор? Агар ифлос оғзингни ёпмайдиган бўлсанг, Аллоҳга қасамки, боши сенинг остонангда ва охири менинг олдимда бўладиган қўшин жўнатаман. Уларга сени бошингни олишни буюраман ва биродарим Алига тортиқ қиламан”.

Кофирнинг мақтови ва мукофотига жавобан ялтоқланиш ёки ундан ёрдам кутиш эмас, балки ҳазрат Муовия р.а.дек Исломий позицияни эгаллаш лозим. Афсуски, бугунги кундаги мусулмон юртларининг раҳбарлари кофирлардан олинган мукофотлар билан фахрланадиган даражада тубанлашиб кетишди. Ваҳоланки, ҳақиқий азизлик Исломда ва уни маҳкам ушлашдадир. Аллоҳ таоло дейди:

وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَٰكِنَّ الْمُنَافِقِينَ لَا يَعْلَمُونَ

– “Ҳолбуки, куч-қудрат Аллоҳники, Унинг пайғамбариники ва мўминларникидир. Лекин мунофиқлар (буни) билмаслар”.  (Мунафиқун:8)

Ҳизб ут-Таҳрир Ўзбекистон матбуот бўлими аъзоси Салоҳиддин

24.03.2025й