Матбуот баёноти

Қандай қилиб, одамлар хавфсизлигига масъул бўлган шахснинг ўзи хавфсизлик излаб қочиб қолиши мумкин?!

Судан янгиликлари (Sudanakhbar) «Дарфур 24» агентлигига таяниб, «Мувофиқлаштирилган чекинишми ёки қулаш?! Фашир қулашидан икки кун олдин армия ва бирлашган кучлар қўмондонлари ҳамда бир қатор расмийлар шаҳарни тарк этди» сарлавҳали хабарни нашр қилди. Хабарда бундай дейилади: (Шимолий Дарфурдан икки манба «Дарфур 24» сайтига шуни маълум қилганки, Тезкор қўллаб-қувватлаш кучлари 6-чи пиёдалар дивизияси қароргоҳи устидан тўлиқ назорат ўрнатганини эълон қилишидан икки кун аввал армия қўмондонлари, қўшма кучлар унсурлари, шунингдек, Шимолий Дарфур волийси Ҳофиз Бахит ва унинг маъмуриятининг бир қатор аъзолари Фашир шаҳрини тарк этган). Бу хабарни Бурҳоннинг қуйидаги баёноти ҳам тасдиқлаб турибди: «Фаширда содир бўлган воқеаларни ҳамма кузатиб бормоқда. Шаҳар мунтазам вайронгарчиликларга юз тутаётгани ва тинч аҳолининг мунтазам қирғинга учраётгани сабабли, у ердаги қўмондонлик, хусусан, хавфсизлик қўмитаси, шаҳарни тарк этиш керак, деган хулосага келди. Улар ушбу қадам орқали аҳолининг омон қолган қисмини ва шаҳарнинг ҳали вайрон бўлмаган ҳудудларини ҳалокатдан асраб қолиш мақсадида, шаҳарни тарк этиш ва хавфсиз ҳудудга боришни маъқул кўрдилар.

Хўш, натижа нима бўлди?! Мазкур чекиниш орқали раҳбарият аҳолини мунтазам қирғиндан ҳимоя қила олдими? Бу саволларга Тезкор қўллаб-қувватлаш кучлари томонидан ҳужжатлаштирилган ва бутун дунё гувоҳ бўлган видеодалиллар жавоб беради: асл мунтазам қирғин айнан армия қўмондонлари, қўшма кучлар ва масъул шахслар ҳудудни тарк этганидан сўнг бошланган! Фаширдан келаётган ва бир-бирини тасдиқловчи хабарларга кўра, Тезкор қўллаб-қувватлаш кучлари, Судан ушбу лаънати уруш мобайнида гувоҳ бўлаётган энг йирик қасос амалиётларидан бири сифатида, кенг кўламли оммавий қатлиомларни ошкора амалга оширган. Энг ачинарлиси, ушбу ваҳшийликдан ҳатто аёллар ва кекса эркаклар ҳам омон қолмаган.

БМТнинг инсон ҳуқуқларига доир ҳисоботларида Шимолий Дарфурда тахминан 1850 нафар тинч аҳоли вакили ўлдирилгани, уларнинг камида 1350 нафари Фашир шаҳрининг ўзида ҳалок бўлгани маълум қилинган. Шу билан бирга, алоқа тизимларидаги узилишлар сабабли, ушбу рақамлар қурбонларнинг ҳақиқий сонини тўла акс эттирмаслиги алоҳида қайд этилган. Бундан ташқари, ҳисоботлар қочишга уринган тинч фуқароларнинг қатл қилинганини, ушбу жиноятлар замирида этник мотивлар ётганига доир далиллар мавжудлигини, қолаверса, жанговар ҳаракатларда энди иштирок этмаётган шахслар ҳам нишонга олинганини кўрсатмоқда. БМТга келиб тушган кўплаб видеоёзувларда қуролсиз ўнлаб эркакларнинг ўққа тутилаётган лаҳзалари ёхуд уларнинг Тезкор қўллаб-қувватлаш кучлари аъзолари қуршовида ўлик ҳолда ётгани тасвирланган.

Биз, Ҳизб ут-Таҳрир – Судан вилояти, ушбу қабиҳ жиноятнинг бутун масъулияти ва гуноҳини бевосита уни содир этган Тезкор қўллаб-қувватлаш кучлари қўмондонлари ҳамда аскарлари зиммасига юклаган ҳолда, уларга Аллоҳ Таолонинг қуйидаги каломини эслатиб ўтамиз:

﴿وَمَن يَقۡتُلۡ مُؤۡمِنٗا مُّتَعَمِّدٗا فَجَزَآؤُهُۥ جَهَنَّمُ خَٰلِدٗا فِيهَا وَغَضِبَ ٱللَّهُ عَلَيۡهِ وَلَعَنَهُۥ وَأَعَدَّ لَهُۥ عَذَابًا عَظِيمٗا﴾

«Ким қасддан бир мўминни ўлдирса, унинг жазоси жаҳаннамдир, ўша жойда абадий қолажак. Унга Аллоҳнинг ғазаби ва лаънати ёғилсин, Аллоҳ унинг учун улкан азоб тайёрлаб қўйган»     [Нисо 93]

Биз, шунингдек, Фашир аҳлига кўмак бериш ва қамални бартараф этишга тўла имконияти бўлгани ҳолда, бу борада жиддий сусткашликка йўл қўйгани учун жавобгарликни ҳукумат зиммасига юклаймиз. Бироқ, муайян томонлар борки, улар ҳукуматнинг қўлини боғлаши ва хатти-ҳаракатларига тўсқинлик қилиши оқибатида Фашир қулади!

Дарҳақиқат, Америка Фаширнинг қулашини кутаётган эди. Зеро, у Тезкор қўллаб-қувватлаш кучларига шаҳарни қамал қилиш ва уни қулатгунига қадар 268 мартадан зиёд ҳужум уюштириш учун яшил чироқ ёқиб берди. Трампнинг Яқин Шарқ ва Африка масалалари бўйича маслаҳатчиси Массад Булос Фаширдаги воқеаларга изоҳ бериб: «Содир бўлган ҳодиса ажабланарли эмас!» – дея таъкидлади. Биз эса уларга шундай жавоб берамиз: Ҳақиқий Қўмондон – хавфсизлиги учун ўзи масъул бўлган қуролсиз аҳолини ташлаб, ўз жонини сақлаш илинжида қочиб кетмайди! Ахир, қўмондон ва масъул шахслар қандай қилиб жангчиларни ва тинч аҳолини ўзлари яхши билган ваҳшийлик ва қирғин машинасига ташлаб, чекиниши мумкин?! Зеро, Тезкор қўллаб-қувватлаш кучларининг ўтмиши – улар қаерга қадам босмасин – қотиллик, шафқатсиз қатл этиш, номусларга тажовуз қилиш ва тасаввурга сиғмайдиган бошқа ваҳшийликлар билан тўлиб тошган. Бас, шундай экан, масъуллар аҳолини қандай аянчли тақдир кутаётганини била туриб, уларни қандай қилиб ташлаб кетадилар?!

Исломда қўмондон ҳеч қачон жанг майдонини ташлаб қочмайди. Бизга Росулуллоҳ ﷺ шундай ўргатганлар ва бу борада у зотнинг ўзлари энг гўзал намуна бўлганлар.

﴿لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةٞ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأٓخِرَ وَذَكَرَ ٱللَّهَ كَثِيرٗا﴾

«(Эй мўминлар), сиз учун — Аллоҳдан ва охират кунидан умидвор бўлган ҳамда Аллоҳни кўп ёд қилган кишилар учун Аллоҳнинг Росулида гўзал намуна бор» [Аҳзоб 21]

Дарҳақиқат, Ҳунайн ғазотида жанг мисли кўрилмаган даражада авж олиб, мусулмонлар сафларида чекиниш юз берган ўта қалтис бир паллада, Набий ﷺ буюк шижоат намунасини кўрсатиб, хавф-хатарнинг қоқ ўртасида, биринчи сафда собитқадам турдилар. У Зот ﷺ улуғвор виқор ила мусулмонларга нидо этдилар. Шунда улар қайта жамланиб, ғалабани қўлга киритдилар.

Бас, эй Фашир аҳли! Эй бутун Судан аҳли! Эй бутун дунёдаги мусулмонлар!

Бизга Аллоҳнинг Китоби ва Росулининг Суннати асосида етакчилик қиладиган ҳамда жонимизни ҳимоялаб, номусимизни муҳофаза этадиган ва бу вазифаларга Росулуллоҳ ﷺдан намуна олиш орқали қодир бўладиган ҳақиқий қўмондон лозим! Бундай етакчиликни вужудга келтириш йўлида эса, барчамиз саъй-ҳаракат қилишимиз зарур. Бу улуғвор мақсад, Пайғамбарлик минҳожи асосидаги иккинчи рошид Халифаликни барпо этиш йўлида Ҳизб ут-Таҳрир билан биргаликда жиддий фаолият олиб бориш орқалигина рўёбга чиқади.

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»  [Анфол 24]

Иброҳим Усмон (Абу Халил)

Ҳизб ут-Таҳрирнинг Судан

вилоятидаги расмий нотиғи