Ҳар бир ишнинг ибтидоси машаққатли бўлади…
Ҳар бир ишнинг ибтидоси машаққатли бўлади…
بِسْمِ اللهِ الرَّحْمٰنِ الرَّحِيم
Ҳар бир ишнинг аввали қийинчиликлардан ҳоли эмаслиги барчага маълум бўлган оддий бир ҳақиқатдир. Масалан, сиз янги бир ихтирога қўл урдингиз, аввало, шу ишга доир илм, асбоб-ускана, хом-ашё, жисмоний қувват, моддий маблағ, қатор идоралардан рухсатнома ва ҳоказолар ишнинг бошида қатор машаққатларни туғдиради. Ушбу қиёсни келтиришимиздан мақсад, сиз азиз ўқувчини кўз олдига келтирмоқчи бўлган иш – Исломни аввали қандай қийинчиликлар билан бошланганини тасаввур қилдиришдир. Бундан ўн тўрт аср муқаддам ер юзи жаҳолатга тўлиб тошган бир давр эди. Инсоният ўз Яратувчиси бўлмиш Аллоҳ Таолога эмас, балки тошлар, бут-санамларга сиғиниб юрган бир давр эди. Шундай бир даврда, оддий бир араб оиласида охир замон пайғамбари Муҳаммадﷺ дунёга келди, вояга етди ҳамда қирқ ёшларида илк марта ўз Роббиси томонидан келган ваҳийни қабул қилдилар.
Ушбу кундан эътиборан, жоҳилият пешволари томонидан пайғамбаримиз Муҳаммадﷺ га нисбатан тазйиқ, таъқиб, таҳдидлар қилина бошланди. Қирқ ёшларига қадар ой чиқса ҳам, ёмғир ёғса ҳам Муҳаммадни шарофатидан, деб мулозамат қиладиган араб қабилалари энди очиқ душманлик позициясига ўтиб, энг ашаддий душманга айландилар. Бу қийинчиликлар қаршисида Пайғамбаримиз Муҳаммадﷺ ва унга эргашган асҳоби киромлар ўз бошлаган йўлларида қатъийлик билан туриб бердилар. Ваниҳоят, бир одамдан бошланган маҳаллий даъват оламий даъватга айланиб, бутун ер куррасига ёйилди.
Бугунги уммат бир асрлик мудроқдан сўнг яна ўз Исломини оламга олиб чиқиш учун оёққа турди. Ушбу фаолият йўлида юраётганларга аввалда бўлганидек, тазйиқу таъқиблар ҳамон давом этмоқда. Жумладан, узоқ муддатларга қамаш, берилган муддатларини ўтаб келганларни ҳам назоратда ушлаш, яшаётган ҳудудидан ташқарига чиқармаслик, ҳатто барча иймон эгалари учун муқаддас бўлган Қуръон дарсларигача тақиқ қўйиш каби ишлар ҳамон ҳукумат даражасидаги иш бўлиб қолмоқда. Айтиш мумкинки, сийрат яна такрорланмоқда. Шундай бўлса-да, ўз йўлбошчимиз Муҳаммадﷺ ҳамда унинг асҳоблари сийрати бўйича изма-из, қадамма-қадам йўл босаётган мўминлар тоғутлар ўқидан ҳам, дўқидан ҳам, ҳар қандай қамашлару сургунлардан қатъий назар, умматга соф эътиқодни етказишда бардовом бўляптилар. Чунки улар Исломнинг ҳаёт майдонига қайтишида қилинадиган ҳозирги кундаги амалларнинг ажрлари қанчалар беқиёс эканлигини билган ҳолда Роббимизнинг каломидан умидвор бўлган инсонлардир. Аллоҳ Субҳанаҳу Ўз каломида бугунги кунда қилинадиган амаллар, ҳайр-саҳоватлар ҳақида шундай дейди:
وَمَا لَكُمْ أَلَّا تُنفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا وَكُلّاً وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ .
– “Сизлардан (Макка) фатҳ бўлишидан илгари инфоқ-эҳсон қилган ва жиҳод қилганлар (Макка фатҳидан кейин инфоқ-эҳсон қилган ва жиҳод қилган кишилар билан) баробар бўлмас. Улар кейин инфоқ-эҳсон қилган ва урушган кишилардан улуғроқ мартабададирлар. Барчаларига Аллоҳ гўзал (оқибат) ваъда қилди. Аллоҳ қилаётган амалларингиздан хабардордир”. (Ҳадид:10)
Ҳеч шубҳа йўқки, ҳозир ҳам Исломнинг Макка фатҳигача бўлган ғариблик ҳолатида турибмиз. Бу кунлар тарихий имконият бўлиб, ким ундан фойдаланиб қолса буюк ажр эгасига айланади. Яқин кунларда Ислом тўлиқ ҳолда ҳаётимизга татбиқ этила бошлагач, яъни Макка фатҳ бўлгандан кейинги ҳолатда бўлганидек, бу куннинг савобларини топа олмайсиз. Ушбу фурсатни ғанимат билиб, сўз биланми, мол биланми ўз ҳиссангизни қўшиб, ҳар бир мўмин учун буюк неъмат бўлган жаннат сари ошиқинг.
وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِين
– “Ва Парвардигорингиз томонидан бўлғуси мағфиратга ҳамда эни осмонлар ва ер баробарида бўлган жаннатга шошилингиз! У (жаннат) тақводор зотлар учун тайёрлаб қўйилгандир” . (Оли Имрон:133)
Ҳизб ут-Таҳрирнинг Ўзбекистондаги медиа офиси. Зайниддин
29.10.2020й
