بسم الله الرحمن الرحيم

Ғарбнинг салбчилик террори ва Ғарб ОАВ ларининг бу террордаги муҳим роли

1 – қисм.

Кириш

Оммавий ахборот воситасининг одамларга барча соҳаларда ва ҳаёт ишларида таъсири қанчалик катта эканлиги ҳеч  кимга сир бўлмай қолди. Ҳатто оммавий ахборот воситасининг таъсири оламдаги ҳар қандай давлат эга бўладиган ҳар қандай ҳарбий арсеналдан ҳам кучлироқ бўлиб қолди деб айтиладиган бўлди. Ҳақиқатдан ҳам шундай. Чунки ахборот воситаси халқлардан ҳар бирининг ёки умматлардан ҳар бирининг ҳаёт тарзига аниқ таъсир ўтказади, бу ҳаёт тарзида катта нуфузга эга бўлиб уни бир йўналишга солади. Чунки ҳарбий зарбалар ва ҳужумлар одамларни ўлдиришга ва мол-мулкларини вайрон қилишга олиб келса, оммавий ахборотнинг кўплаб воситалари ва услублари орқали оқиб чиқаётган тўлқинлари ҳар қандай умматнинг ҳаёт тарзини ўзгартириб юбориши мумкин. Бунга сабаб шуки ҳарбий ҳужумлар қирғин ва вайрон қиладиган қуруқ моддий ишлар бўлишдан нарига ўтмайди, лекин ҳарбий амалиёт тугаши билан ишлар яна тезда ўз оқимига қайтади. Оммавий ахборот воситасининг программалаштирилган иши эса, ақлларни қайта шакллантириш ва жамиятлар аъзоларининг ҳаёт ишларини белгилаб бериш натижасини беради. Шунинг учун давлатларнинг бошқа давлатга қарши ҳарбий амалиёт ўтказишидан олдин, ҳарбий амалиёт чоғида ҳам ва ундан кейин ҳам, ўзининг оммавий ахборот қувватини ишга солишидан ажабланмаса ҳам бўлади. Шунинг учун: Олов икки чўп билан аланга олади ва урушнинг боши сўздир, деб айтган кишининг бу сўзи тўғридир.

Инсоният ўз тарихининг энг даҳшатли ва хавфли бир замонасида яшамоқда. Моддий бойликларга эга бўлиш учун турли келишмовчиликлар ва жанглар келтириб чиқарилмоқда. Хозирга келиб бу жанглардаги энг муҳим бир жиҳатни Оммавий Ахборот Воситалари (ОАВ) эгаллади десак хато қилмаган бўламиз. Келишмовчиликлар ва жангларни уюштираётганлар ушбу соҳада ўз манфаатлари йўлида бор имкониятларини ишга солиб фойдаланмоқдалар.

Бугунги кунда инсонлар қалблари ва тушунчаларини ўзларининг тарқатаётган ахборотлари орқали, ўз манфаатлари йўлида бошқаришни мақсад қилган дунё етакчи давлатлари дунё моддий бойликлари уларнинг қўлда даовмий қолишини таъминлаш учун, жаҳон кураш майдонига информациялар жангини олиб керишди. Хозирда дунё бўйлаб “Терроризмга қарши кураш” номи билан бошланган информацион урушнинг асл мақсади нимадан иборат?

ОАВ ва унинг жамиятдаги умумий фикрни бошқаришдаги таъсири

Инсон қаршисида пайдо бўлган воқеликка аниқ бир мавқедан (позициядан) туриб ҳукм беришга ўзича қодир бўла олмайди, модомики унга бу тўғрида бирон хабар ёки маълумот билдирилмагунча. Бошқача айтганда, бир воқеа устида фикрлаш жараёни юз бериши учун унинг миясида собиқ маълумот бўлиши керак. Хозирда Омавий Ахборот Воситалари (ОАВ) белгиланган информацион схемалар, тартиблар орқали инсонларнинг тушунчаларини ўзгартириш учун куч – қувватга эга.

Ғарб бу оддий ҳақиқатни кўра билди, тушунди. Шунинг учун у бўлаётган воқеаларни, ҳақиқатларни юзсизларча, инсонларнинг ушбу воқеага нисбатан муносабатлари, фикрларишини айнан ғарб хоҳлаган йўналишга кўра буришни таъминловчи, воқеаларнинг ҳақиқатини бузиб кўрсатувчи “Тескари информация стратегияси” (стратегия дезинформации) йўлини маҳкам тутди. Айни ўринда New York Times газетаси асосчисининг қуйидаги сўзларини ўринли дейиш мумкин: “Ҳар қандай одамга тўғри ахборотни берсангиз, кейин уни ўз ҳолига қўйиб, унинг ишларига аралашмасангиз, унда ушбу берган ахборотинг ҳақида нотўғри фикрга келиши мумкинлигини кўрасиз, лекин бир нарса аниқки, унинг қўлида тўғри фикрга келиш имконияти доимий туради, чунки унинг қўлида тўғри ахборот бор. Аммо бераётган ахборотингизни тугалланмаган, ундан яширилган, бирон мавҳумий, ўзингиз тушуна оладиган ғараз билан ёки реклама билан ўралган сохта ахборотни берсангиз, у одамни тўғри фикрлашдан буриб юбориб, уни ҳайвон даражасига тушириб қўйишингиз мумкин бўлади”.

Ғарб ОАВ лари ва унинг мусулмон юртларидаги малай ҳукуматлари ОАВ лари ҳам, ахборот тарқатиш соҳасида айнан мана шундай сиёсатни олиб бормоқдалар. Ва бу билан жамиятни террорчилик ҳужумларидан огоҳ қилаётгандек, айнан террорчилик ҳужумлари жамиятга хавф солаётганини қайта қайта такрорлаб, бу билан жамиятдаги одамлар фикрида террорга қарши кураш асосий вазифа деган тушунчани пайдо қилмоқда ва айни дамда, террорга қарши кураш деганда, террорчилар фақатгина мусулмонлардан, Исломий жамоалардан ташкил топгани ҳам ОАВ лар томонидан одамлар онгига доимий сингдириб борилмоқда. Шундай қилиб Ғарб ОАВ лари ва Ғарб малайлари бўлган исломий юртлардаги ОАВ лар тарқатаётган ахборотлар орқали, куфр олами дунёдаги аксарият одамларнинг содир бўлаётган воқеликларга нисбатан фикрини, муносабатини тўла эгаллаб, бошқаришга ҳаракат қилмоқда.

2010 йил бошларида Америкалик сиёсатчи, журналист Гленн Бек ўзнинг дастурида томошабинларга “Араб баҳори” қўзғолонлари хавфи билан ўз халқини ваҳимага солишни бошлаганида айтган гаплари ушбу фикрларимизни тасдиқлайди дейиш мумкин. Мазкур журналистнинг гапларини изоҳлашдан олдин, унинг кимлиги ва Ғарб медиа соҳасида унинг қанчалик ўрин тутиши ҳақида озгина маълумот.

Демак, Гленн Ли Бек (Glenn Lee Beck) – журналист, радио-телебошловчи, сиёсий шарҳловчи, йирик бизнесмен. Хозирда инглиз тилида эфирга чиқувчи “The Glenn Beck Program” радиоэшиттиришлари бошловчиси ва ўзининг Исломофобларга хайрихоҳлик ҳаракатлари билан танилган машҳур “Fox News” телеканалида телебошловчи. Бек ўзининг (Исроил)га муҳаббати ва мусулмонларга нисбатан нафрати билан танилган. У томонидан ёзилган олтита китоб Америкада энг кўп сотиладиган китоблар рўйҳатига кирган. Қисқача айтганда, энг ашаддий исломофоб, Аллоҳнинг душманларидан бири.

Қандай қилиб Гленн Бек “Араб баҳори”нинг инқилобий ғалаба билан якунланишини тушунтирган эди?

Гленн Бек ўзининг теледастурини “Яқинлашаётган Халифалик” деб номлади. Студияда катта экран, унда мусулмон давлатлари картаси унинг тепасида эса, “Янги Халифалик бўсағасида” деган ёзув ўтиб турар эди. Араб баҳорини ифодаловчи плакатлар кўтарган намойишчилар кўрсатиладиган жойда эса, Гитлернинг расми қўйилган эди.

Гленн ушбу кўрсатувини қуйидаги сўзлар билан бошлади: “Бугун мен сизларга яқин келажакда бўлиши мумкин бўлган, энг ёмон бир уюштирилган сценарий ҳақида айтиб бераман, у Ислом Халифалик давлатидир!”. Гленн давом этди: “Мен харитададаги бирон давлатга ишора қилсам ва у зангори бўлиб ёнса, демак у яқинлашаётган Халифалик давлатига қўшилган бўлади”. Гленн сўзни Тунисдан бошлади, у ерда унинг таъбирига кўра, радикал экстремистик гуруҳлар ташкил қилинган бўлиб, яқинлашаётган халифаликнинг тикланишини мана шундай гуруҳлар ҳаракати орқали амалга оширилишини айтди. Шундай қилиб у харитадаги мусулмон давлатларига бирма бир кўрсата бошлади ва давлатлар бири кетин зангорига ўзгара борди ва охири бутун араб олами зангори рангга айланди.

Гленн Бек телекўрсатуви давомида дунё табиий бойликлари захираларига алоҳида эътибор қаратди, нефт захираларини биринчи бўлиб тилга олди ва агар Исломий Халифалик тикланса Ғарб олами (хусусан Америка ҳам) дунё иқтисодини бошқаришда асосий манба бўлган ушбу табиий бойликлардан ажраб қолиши аниқлигини таъкидлади. Ушбу кўрсатувда Гленн жумладан шундай деди: “Мен сизларга оддий, содда одамлар ҳақида гапираётганим йўқ, мен айтаётган нарса, куч тузилмалари ёрдами орқали (нусрат) кенг миқёсдаги оммани, жамият бошқарувини маълум бир йўналишдаги бошқарувга олиб боришга чақираётган, “Яқинда Халифалик тикланади! Яқинда Аллоҳнинг нусрати келади! Аллоҳнинг шариати асосида дунёни бошқарадиган Халифаликка оз қолди! Хуш келибсан эй менинг Халифалигим!” каби гапларни гапираётганларни назарда тутяпман. Шундан сўнг Гленн томошабинларга “Энди нима бўлади?” деган савол билан мурожаат қилди. Аллоҳнинг душмани сўзларини давом эттириб, харитадан Испанияни кўрсатиб давом этди: “Бу ерда мусулмонлар ўзига хос маданият ва цивилизацияни шакллантиришган. Ва шубҳа йўқки, улар агар айтаётган давлатлари тикланиб қолса, ана шу давлатларини қайтариб олмай қўймайдилар. Бундан ташқари, бугунги кунда Франция, Германия, Британия ва бошқа Европа давлатларида мусулмонлар миқдори сезиларли даражада кўпайиб кетган ва бу кўпайиш тўхтагани йўқ. Эй Худо! Ахир дунё катта хавф ёқасида турибдику!”

Қисқача қилиб айтганда, Аллоҳнинг душмани бўлган ушбу Гленн ўз телекўрсатувида Исломни хунук бир нафратланиладиган нарса қилиб, агар Ислом ўз бошқарув сиёсати билан дунё саҳнига қайтса, Ғарб маданиятини ер юзидан бутунлай ўчириб ташлайдиган бир сиёсат бошқаруви қилиб кўрсатди.

Ғарб давлатлари бошқаруви остида бўлган дунё ахборот олами – ОАВ лар хозирда айнан мана шу тушунчани бутун олам бўйлаб инсонлар онгига ўрнаштириш учун бор кучи билан ҳаракат қилмоқда.

Ғарб олами халқларини Ислом билан қўрқитиш учун ОАВ орқали Исломга нисбатан қилинган салбчилик ҳужумларидан яна бир мисол қилиб, АҚШ президентлигига номзод бўлган, Ислом бошқарув дастури ва капиталистларнинг Ислом маданиятидан қаттиқ хавфда эканини тасдиқлаган Патрик Бьюкененнинг ушбу сўзларини келтириш мумкин: “Сиёсий Ислом Жамол Абдун Носирнинг бошчилигида национализмга (миллатчиликка асосланган бошқарув), турли ҳаракат ва ташкилотларга, социализм ва коммунизмларга ўтиб кўрди. Хозир эса, бизнинг капитализмимиз билан олишиш учун юзма юз турибди. Агар биз керакли чораларни кўрмасак, у (яъни Ислом) капитализмни енгиб қўяди”.

2015 – йил, 18 – февралда АҚШ президенти Обама шундай деди: “Террорчилар миллиард мусулмонни ифодаламайди, улар барча мусулмонлар номидан гапиришга ҳаққи йўқ. Улар ўзларини маънавий йўлбошчидек кўрсатишга уринмоқдалар, улар йўлбошчи эмас, улар террористлардир”. Обаманинг фикрича, исломий гуруҳларга қарши кураш ақл ва юракдан келиб чиққан бўлиши керак ва албатта бу кураш қуруқликда ҳам, ҳавода ҳам олиб борилиши керак.

Обаманинг Ислом мабдасига(идеологиясига) қарши курашиш кераклигини эътироф этиши, бундан бир неча йил олдин кичик Буш очиқчасига айтган салбчилик курашининг энг муҳим бир бўғини ҳисобланади.

Ана ўша вақтдан буён (Буш “Салбчилик курашини бошладик”, деганидан кейин), дунё ОАВ лари Исломни террорчи, жиноятчи, қонхўр қилиб кўрсатиш, Исломга эргашишни бутун олам жиноят деб қабул қилиши лозимлигини ва ундай одам албатта жазоланиши кераклигини ифодаловчи ишларини жадаллик билан кучайтириб юборди. Айнан мана шундан иборат хозирги кундаги дунё медиа индустрияси олдидаги Ғарб давлатлари белгилаб берган вазифа. Ғарб ва шарқ медиа олами олдига қўйилган ушбу вазифани имкони борича қаттиқ тиришиб бажаришга уринмоқда. Хозирги рақамли технологияларнинг деярли ҳаммаси биргина мақсад, кундан кун нураб бораётган капитализм манфаатларини ҳимояси учун хизмат қилмоқда. Капитализмнинг хозирги асосий мақсади, Халифалик давлати қайта тикланиб қолишини олдини олиш учун, Исломни ва унинг бошқарув тузумини хунук жиноятчи қилиб кўрсатишдан иборат бўлиб қолди.

Обама капитализм, капитализмнинг мусулмон юртларидаги малай бошқарувчилари ва Ислом ўртасидаги кураш, ақл ва қалбдан келиб чиқиб бўлишини, яъни инсонларнинг ақллари ва туйғуларини айнан капитализм ҳоҳлаган равишда бир тизгинга солиш билан бўлишини жуда яхши билади. Бу курашда табиийки, ОАВ лар асосий ролни ўйнайди, чунки инсонларинг ақллари ва юракларига, фикрлашлари ва туйғуларига таъсир ўтказувчи қурол бу – уларга берилаётган маълумотлар, ахборотлардир. Бу йўл билан золим мустамлакачи Ғарб (хусусан АҚШ бош ўринда) асосан қуйидаги ишларни амалга оширмоқда:

1.    Мусулмон юртларида уйғониб бораётган мусулмонлар қатламига, хусусан Ғарб мустамлакачилигидан мусулмон оламини қутқариш кераклиги хусусида гапираётганларга қарши кучли зарба бериш, шунингдек мусулмонларнинг ҳис – туйғуларига ҳам зарба бериш.

2.    Исломнинг шижоатли мард ўғлонларини йўқ қилиш, ёки уларни капитализм манфаатларига хизмат қилувчи геосиёсий ўйинларга ўзлари билмаган ҳолида олиб кириб қўйиш. Буларнинг натижасида мазҳаблар ўртасида келишмовчиликлар чиқариб, мазҳаблараро жангларни қўзғаш. Ва айни ҳолатни капитализм малайлари қўлидаги хоин Ислом олимлари тили билан, мусулмон мусулмонни ўлдиряпти, деган тушунчани тарқатиш.

3.    Исломий ҳаёт тарзини, Исломий бошқарувни имкон қадар хунук нафратланилувчи, қонхўр қилиб кўрсатиш. Бу билан кўпчилик омма онгида Исломни золим жиноятчи қилиш билан бирга, вақт ўтиб бу золим дин бошаруви йўқ бўлишга мажбур деган тушунчани ўрнатиш.

Биринчи қисм тугади. Иккинчи қисм дунё ОАВ лари Ғарбнинг салбчилик террорига қандай ёрдам бераётгани тўғрисидаги фикрлар билан давом этади.

Ҳизб ут-Таҳрирнинг Ўзбекистондаги медиа офиси Муслим

01.02.2016й.

0

0