بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Асад режими ўт очишни бузаётган бўлса, гуруҳ қўмондонлари қўзғолон кемасини тешмоқдалар

Мунир Носир

Ҳизб ут-Таҳрир-Сурия вилояти матбуот бўлими аъзоси

Шом қўзғолони бошдан кечираётган ҳозирги босқич у бошлангандан бери босиб ўтган босқичлар ичида энг хатарлисидир. Аҳвол шу даражага етдики, унга қарши қилинаётган тил бириктирув ва макрлар энди яширинча эмас очиқ-ошкор қилинмоқда. Туркия режими ҳам жозибали баёнотлар ва ялтироқ сўзлар, жарангдор маърузалар ортига яширинмайдиган бўлиб қолди. Самарали иш ва кўп даромадли битим, дея Ҳалабни жинояткор режим қўлига топширганини очиқ айтмоқда. Ўт очишни тўхтатишга оид Туркия ва Россия режимлари ўртасидаги битим ўз ҳосилини бера бошлагач, қонхўр режим ўзининг аҳдга ҳам, бурчга ҳам боқмаслик одатини тарк этмаган ҳолда, «сулҳ»ни бузди… Бунга мисол, Води Бардо минтақасидаги жангларини тўхтатмай давом эттирмоқда, Дарадаги Маҳажжа минтақаси қамалини мустаҳкамлашга уринмоқда, бир неча минтақаларни бомбардимон қилишни тўхтатгани йўқ. Бундан ташқари, халқаро коалиция ҳам Жабҳати Фатҳи Шом жойлашган бир неча объектларни нишонга олди ҳамда «Ислом Давлати» назоратидаги минтақаларда қирғин содир этди.

Буларнинг барчасидан яққол кўриниб турибдики, демак, Шом қўзғолони фош этиб, шарманда қилувчи қўзғолондир. У Умматнинг зиён етказиш учун писиб ётган ва унга очиқ адоват қиладиган душманларини фош этиш билангина кифояланмай, балки дўстлигини, ёрдамини иддио қилаётганларни ҳам очиб ташлади. Ана, турк режими, ўз башарасини очиб, Уммат душманлари сафига ўтиб олганини очиқ билдирмоқда, сиёсий маблағга кўмиб ташланган гуруҳ етакчилари башарасини ҳам очиб ташламоқда. Бу етакчилар илгари режимнинг қатор ярашувни бузиб келганини тажрибаларидан ўтказган бўлсалар-да, мудом сулҳ ва музокара тузишдек гуноҳдан тийилмай ва эс-ҳушларини йиғиб олмай, қонхўр режимга омонликни беришди. Мана, режим бўлса, яна навбатдаги битимни ҳам бузиб, унинг бандлари ва шартларига амал қилмаяпти. Аксинча, гуруҳлар кўзига улар имзолаган бандлар билан режим имзолаган бандлар бир-биридан фарқи бордек кўринмоқда. Шундай бўлса-да, сулҳни бекор қилиш ёки ундан қайтиш тўғрисида гуруҳлардан бирортасининг баёнот берганини кўрмадик. Бундан ташқари, сулҳ ва музокаралар фикрини қабул қилишнинг ўзи, қўзғолон учун сиёсий ҳудкушлик ва уни аро йўлда қолдириш, демакдир. Қолаверса сулҳ, Шом қозғолонидан воз кечишга ва «Асад ватани» дея танилган ватан қўйнига ўзни отишга қўйилган биринчи қадамдир.

Ўт очишни тўхтатиш, деган нарсани диққат билан кузатган киши, у Американинг сиёсий ечим сари ташлаган қадамларидан бири эканини, бунга у Шом қўзғолони бошлангандан бери ҳаракат қилаётганини, бундан ўз малайи Асад режимини сақлаб қолишни мақсад қилганини тушуниб етади. Россиянинг Сурияга киришдан мақсади, АҚШ режасини бузиш учун ёки муваффақиятсизликка учратиш учун бўлмаган. Балки бу жинояткор давлат Сурия ишига айни сиёсий ечим амалиётига ёрдам бериш учун аралашди. Путин Сурияга киргандан бери бир неча бор буни таъкидлаб, мақсад сиёсий ечим экани тўғрисида баёнот берди. Сўнгги кунларда Россия Суриядан кучларини олиб чиқишга қарор қилгани айтилди. Жума куни Россия қуролли кучлари бош қўмондони сифатида, президент Владимир Путин ўз юртининг Суриядаги кучлари сонини камайтиришни бошлаш тўғрисида фармон бергани билдирилди. Россия бош штаби бошқармаси «Адмирал Кузнецов» номли учоқ ташувчи кема, «Пётр Первий» крейсери ва бу иккаласига ҳамроҳ бўлувчи қатор кемалар Сурия соҳили яқинида жойлашган ердан олиб чиқиб кетилгани маълум қилинди. Бу эса «терроризм»га қарши кураш, деганда улар Шом қўзғолонини назарда тутишларини, сиёсий ечимнинг илк самаралари сезилиши биланоқ, Россия кучларини олиб чиқиб кета бошлаганини ёки олиб чиқишни эълон қилганини тасдиқламоқда.

Модомики, Сурияда сиёсий ечимга ҳаракат қилган ҳам, иттифоқчилари ва малайларини айни ечимни рўёбга чиқаришга сафарбар қилган ҳам Америка экан, ўз-ўзидан савол туғилади: ҳақиқатдан ҳам бу давлат Шом қўзғолонини мағлуб эта олдими, ҳақиқатдан ҳам Шом аҳли Остона конференцияси нималарга олиб келишини кутиб турибдими?! Бу саволга жавоб бериш учун аввало шуни билмоғимиз лозимки, Американинг Шом аҳлига қарши кураши турли хил чизиқларда олиб борилди. Яъни Шом аҳли ўз юртларини Америкага ҳаргиз мағлуб қилиб бермасликлари исботланди. Шунингдек, Америка Шом аҳлининг мардлиги олдида ўз малай ва қўғирчоқларини ҳақиқий башарасини очишга мажбур бўлди. У кўпгина гуруҳ етакчиларини сотиб олишга муваффақ бўлганди… Бироқ бугун Шом қўзғолони олдида улкан муаммо турибди, ҳали у айни қўзғолон қандайдир гуруҳлар қўзғолони эмас, Уммат қўзғолони эканини исботламоғи даркор. Бугун Шом аҳли зиммасидаги вазифа, гуруҳлар тортиб олган мустақиллигини улардан қайтариб олиш ҳамда қўллаб-қувватловчи давлатлар ва молиявий ёрдамчилардан йироқ ҳолда қарорлар қабул қилишдан иборат. Чунки Шом аҳли улар номидан вакил сифатида музокара қилаётган кимсалар аслида уларнинг вакиллари эмаслигини ҳамда улар Шом аҳли раъйини олишни истамаганларини, чунки улар сулҳ ва музокараларни қўллаб-қувватловчи давлатлар ва молиявий ёрдамчилар фойдасини рўёбга чиқариш мақсадида амалга оширганларини англаб турибдилар.

Бугун қўзғолон қаршисида турган ушбу муаммо куч билан ва жиддий ҳаракат қилиб ҳал этилмоғи лозим. Қўзғолонни менсимаётган ёки уни йўқ қилишга уринаётган ёхуд қонлар ва кризисларни сотиш билан қўзғолондан фойдаланаётган кимсалар пайига болта уриш билан ҳал этилмоғи лозим. Бунинг учун Шом аҳли ўзларининг ҳақиқий вакилларини белгилаб олиб, ёлғондан вакиллик қилаётганларнинг овозини ўчиришлари керак бўлади. Кўрдик, анави миллий кенгашу миллий коалиция, деганларини, иккаласи ҳам қўзғолон вакили эканига бизни ишонтирмоқчи бўлишди… Бугун эса Остонада музокара қилмоқчи бўлаётган музокара ҳайъатларию гуруҳ етакчиларини кўриб турибмиз. Наҳотки, шулар Шом аҳли вакилимиз дейишяпти?! Уларни вакил қилганлар борми, ўзи?! Шом аҳли номидан ким уларни вакил қилди?! Бу саволлар жавоби битта, у ҳам бўлса, музокарачилардан бирортаси ҳам Шом аҳлининг ҳақиқий вакили эмас, деган жавоб. Ҳатто бу кимсаларни ўзларидан вакил деб ҳам бўлмайди. Чунки уларнинг бирортасида ҳам АҚШ истагига зид позицияни кўрмадик, барчалари Риёз конференциясига ошиқишди, сулҳ тузишга шошилишди, музокарачиларга қарсак чалишди… Шундай экан, Шом қўзғолонини буларга қандай ишониб топшириш мумкин, ахир?!

Бугун ушбу қўзғолон бошдан ўтказаётган босқич Аллоҳ йўлида маломатчининг маломатидан қўрқмайдиган ҳамда АҚШ долларларига алданмай, сохта ваъдаларга ишонмайдиган ҳақиқий эр кишиларни талаб қилмоқда. Бу қўзғолонга уни йўналишини ўз мақсади томон тўғрилаб, режимни ағдарадиган, Пайғамбарлик минҳожи асосидаги рошид Халифалик давлатини барпо этадиган, шу орқали кофир Ғарб қўлини ва исломий юртларни оёқ ости қилаётган бошқа кимсалар оёғини кесиб ташлайдиган зотлар даркор.

Роя газетасининг 2016 йил 11 январ чоршанба кунги 112-сонидан