بِسْمِ اللهِ الرَّحْمٰنِ الرَّحِيمِ

Аёл киши ўз ҳурмат-иззати ва ҳуқуқига эришмоғи учун бирдан-бир йўл Исломнинг татбиқидир

Бугунги кунда Ғарб ва бошқа ерлардаги либерал давлатлар кризис кетидан кризисга ботиш билан бирга, ўткир ижтимоий ва ахлоқий муаммоларга юз тутмоқда. Бунга хотин-қизларнинг зўравонликка учраши балосидан тортиб, оилалар бузилиши цунамисигача мисол қилиш мумкин… Масалан, Европа Иттифоқидаги ҳар учинчи аёл зўравонликка дучор бўлмоқда… Европа Иттифоқидаги ҳар иккинчи аёл жинсий тегажоғлик қурбони бўлмоқда (Еврокомиссия баёноти). Францияда ҳар уч кунда битта аёл собиқ ёки ҳозирги шериги томонидан ўлдирилмоқда. («Гардиан» 2019 йил). АҚШда ҳар уч кунда битта аёл оилавий зўравонлик сабабли ўлдирилмоқда. (АҚШ Адлия бьюроси).

Булар қаршисида бизнинг айтар сўзимиз шуки, аёл киши учун нурафшон келажак қуришнинг йўли битта. У ҳам бўлса, Исломни тўлиқ ва тўғри татбиқ этишдир. Ҳар қандай шахс ушбу тузумни мустамлакачиларнинг афсона ва ёлғонларидан холи равишда объектив ўрганса, ишончли ва узоқ йиллар тажрибада синалган йўлга эга бўлганини идрок этади. Зеро, ушбу тузум аёл кишининг жамиятдаги ҳурматини янада кучайтириб, зўравонликдан асрайди. Шунингдек, сиёсат, иқтисод, таълим, ҳуқуқ ва ижтимо каби соҳаларда Аллоҳ Субҳанаҳу ва Таоло инъом этган ҳуқуқларидан фойдаланишини кафолатлайди. Ислом ҳукми билан ҳукм юритаётганлар бу ҳуқуқлардан воз кечишлари асло жоиз эмас. Чунки уларни Аллоҳ Таолонинг ўзи белгилаб берган бўлиб, муҳокамага ўрин қолдирмаган.

Роя газетасининг 2022 йил 12 октябр чоршанба кунги 412-сонидан