بِسْمِ اللهِ الرَّحْمنِ الرَّحِيمِ

Саволга жавоб

Ассалому алайкум ва роҳматуллоҳи ва барокатуҳ, Азиз саййидим. 

Савол: Аёл киши ўз уйида ёки жамоа жойда шим билан намоз ўқиши жоизми? Савол:Аёл киши парик билан намоз ўқиши ва уйидан ташқарига чиқиши жоизми ва аёл киши учун бу иккаласини ҳукми нима?

Жавоб:

Ва алайкумуссалому ва роҳматуллоҳи ва барокатуҳ.

а) — аёл киши учта нарсани ўзида мужассам этган шаръий либоси бўлмаса омма ҳаётга чиқиши жоиз эмас:

авратни бекитиш, табарруж (безаниш) ҳолатида бўлмаслик ва жилбоб.

Уйдан ташқарига чиқишлик учун авратни бекитишни ўзи кифоя қилмайди, балки оддий киийимларини устидан жилбоб киймоғи, табарруж (безанган) ҳолда бўлмаслиги (табарруж эса эътиборни тортадиган зийнатланишга айтилади) лозим. Масалан, шим кийишлик авратни бекитади, лекин унинг устидан жилбоб кийилмаса табарруж бўлиб қолади. Парик ҳам сочни бекитади, лекин у эътиборни тортганлиги учун табарруж ҳисобланади.

Шунинг учун омма ҳаётда жилбоб кийганда ҳам парик кийиш жоиз эмас, магар парикни устидан уни бутунлай ёпадиган ва назар ташлайдиган кишида уни асарини қолдирмайдиган даражадаги ёпинчиқ (рўмол) ўраса жоиз. Чунки зийнат агар бекитилган бўлса ҳам эътиборни тортадиган бўлса табарружга айланади. Чунончи Аллоҳ Субҳонаҳу аёл киши болдирига, кийимини тагидан кийилган халхол (аёллар оёқларига тақадиган безак ҳалқа)ни овозини билдириш ҳаром эканига нисбатан – чунки оёғини ерга урганда халхол эса борлигини билдирувчи овоз чиқарса – гарчи унинг усти ёпиқ бўлса ҳам – бу нарса табарруждир. Чунки у овоз чиқариши билан эътиборни тортувчига айланади – Аллоҳ таоло шундай дейди:

وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ

Яна яширган зеб-зийнатлар билинсин учун оёқларини (ерга) урмасинлар. [24:31]

б) – аёл киши ўз уйида намоз ўқишига келсак бунга авратни ёпиш шарт қилинади, жилбоб кийиши эса шарт эмас. Аммо унинг масжидга ёки ийд намози ўқиладиган майдонга чиқиши учун авратни ёпиш кифоя қилмайди, балки у учта нарсани ўзида мужассам этган кийим киймоғи вожибдир:

авратни ёпиб турувчи кийим, табарруж бўлмаган кийим ва жилбоб.

Энди уйидан ташқаридаги намозига келсак унинг либосида юқорида келтирилган учта шарт тўлиқ топилиши лозим. Шунинг учун у уйидан ташқарида, масалан, масжидда шим ёки парик кийган ҳолда намоз ўқиши жоиз эмас. Чунки шим билан парик – гарчи тагидаги жойларни ёпиб турса-да – унга табарруж, яъни эътиборни тортувчи зийнат деган нарса тўғри келади. Шу боис, бу билан ўқиган намози саҳиҳ, дуруст эмас. У эса юқорида зикр қилинган учта нарсани ўз ичига олган шаръий либосни киймаган ҳолда оммавий ҳаётга чиқишлиги билангина гуноҳкор бўлади.

Биродарингиз Ато ибн Халил Абу ар-Рашта

18 ражаб 1434ҳ

28 май 2013м

0

0

Related posts:

Аёл кишининг оёқлари (тўпиғидан пасти) очиқ ҳолда намоз ўқиши жоизми? Аёл кишининг аёл кишига авратини миқдори? Аёл кишининг тўпиғидан пастки қисми аврат тўғрисидаги саволга жавоб Сурияликларнинг амали қилиши лозим бўлган, аниқ белгилаб қўйилган рояси (байроғи) борми