بِسْمِ اللهِ الرَّحْمنِ الرَّحِيمِ 

Роя газетаси:

«Ал-Ваъй» журнали гуруҳи Ғазодаги Исломий университетда мавлуди набий хотирасини нишонлади

Ҳидоят элчиси, башарият муаллими мавлудини хотиралаш кунлари кириб келиши муносабати билан «Ал-Ваъй» журнали гуруҳи Ғазодаги Исломий университетда бир қатор тадбирларни уюштирди. Гуруҳ талабаларидан бири университет масжидида дарс ташкил қилиб, унда йиғилганларга ушбу хотира кунлари кириб келганини эслатди ҳамда уларни Набий САВни ўзларига намуна қилиб олишга ва суннатларидан бирортасини зое кетказган бўлсалар, ушбу хотира фурсатини ғанимат билиб, ул зотнинг суннатларини тирилтиришга, уларга амал қилишга тарғиб қилди. Шунингдек, Пайғамбарлик минҳожи асосидаги рошид Халифалик барпо этишга ҳаракат қилиш бу ишларнинг энг асосийси эканини таъкидлади.

«Ал-Ваъй» гуруҳи яна университет деворларига «Росулуллоҳ мавлуди Уммат мавлудидир», «Набий САВга муҳаббат ул зотга эргашиш, ўрнак олиш ва рисолаларини маҳкам ушлаш билан бўлади» каби шиорлар ёзилган лавҳаларни илди.

Кейин журнал гуруҳи университет талабалари ўртасида зиёрат уюштириб, уларга ушбу муаттар мавлудни эслатдилар ва қуйидагича мазмунда даъват етказдилар: Набий акрам САВнинг мавлудларини нишонлаш, албатта, ул зотнинг манзилати ва даражаларини тушунмоқни, рисолаларини қадрлаб, муносиб ўрнида кўрмоқни талаб қилади. Чунки Муҳаммад САВ муаттар хотирага эга буюк шахсгина эмас, балки шундай бўлиш билан бирга, у киши само ваҳисини, яъни тиловат этилувчи Қуръон ва эргашилувчи Суннатни қабул қилиб олди. Бас, Росулуллоҳ САВнинг мавлудлари хотираларини тирилтирмоқ мавлудда келган нарсаларга амал қилишни ва йўқолган суннатларини тирилтиришни тақозо этади.

Роя газетасининг 2017 йил 6 декабр чоршанба кунги 159-сонидан