Матбуот баёноти

Ғазода қон тўкилиши ортгани сайин, тиз чўкиш ва ёрдамсиз қўйиш ҳам кучайиб бормоқда

Яҳудий вужуди кучлари яқинда Ғазо сектори бўйлаб турар-жойлар, кўчирилган аҳолининг чодирлари ва полиция марказига шиддатли ҳаво ҳужумларини амалга оширди. Бунинг оқибатида 7 нафари бола ва яна 7 нафари аёллардан иборат 31 киши шаҳид бўлди. Мазкур ҳодиса 2025 йил 10 октябрда ўт очишни тўхтатиш келишуви эълон қилинганидан бери энг қонли кунлардан бири сифатида қайд этилди. Бу ҳужумлар урушни тўхтатиш бўйича келишувни қасддан ва узлуксиз равишда бузиш доирасида содир этилмоқда. Гўёки урушни тўхтатиш ҳақида ҳеч қандай келишув мавжуд эмасдек. Шу билан бирга, «сариқ чизиқ» деб аталган ҳудуд ичида қолган уй-жойлар ва биноларни батамом йўқ қилиш мақсадида мунтазам портлатиш амалиётлари олиб борилмоқда. Ушбу тажовузлар оқибатида ҳозирга қадар 544 киши шаҳид бўлди; уларнинг 180 нафари болалар, 72 нафари эса аёллардир. Шунингдек, 1360 нафардан ортиқ киши жароҳат олган бўлиб, уларнинг 57,5 фоизини болалар ва аёллар ташкил этади.

Босқинчи кучлар бу жиноятларни аниқ кўриниб турган тизимли қонунбузарликлар занжири доирасида содир этмоқда. Улар қирғинбарот ва вайронагарчиликни «оқлаш» учун сохта баҳоналар ҳамда асоссиз даъво-далилларни тўқиб чиқармоқда. Халқаро ҳамжамиятнинг шубҳали сукутига, шунингдек, ўзларининг жазосиз қолаётганига таяниб, улар геноцид даражасигача етиб борган хатти-ҳаракатларни давом эттирмоқда. Ҳатто Ғазодаги вазиятни бошқариш мақсадида тузилгани эълон қилинган ҳайъатни ҳам назарга илмаяпти.

Ғазода юз бераётган ҳодисалар ўт очишни тўхтатиш келишувининг нақадар заиф эканини яққол исботлади. Ваҳоланки, бу келишув яҳудийларнинг манфаатига хизмат қилиш ҳамда уларга – хусусан, асирларнинг яқинлари Нетаняхудан уларни қайтаришни талаб қилиб ўтказаётган ички норозилик намойишлари кучайганидан сўнг – тирик ва ўлик асирларни қайтариб олишга имкон яратиш учун тузилган эди. Бироқ яҳудий вужуди биринчи босқич доирасидаги мажбуриятларини бажармади. Иккинчи босқич эса Рафаҳ ўтиш пунктини очиш билан бошланиши ўрнига, яна қон тўкиш, оналар кўз ёши ва болалар фарёди билан бошланди. Дунё мутлақ бефарқ қолган, ёрдам қўлини чўзмаган бир пайтда инсонларга, ҳатто тош-у дарахтларгача тажовуз давом этмоқда. Гўё сулҳ муваффақиятли бўлган-у, уруш ҳақиқатда тугагандек!

Икки йилдан ортиқ вақтдан буён азоб-уқубат барча кўриниш ва шаклларда тинимсиз давом этмоқда, бироқ бутун дунё ҳануз томошабинлигича қоляпти. Бу воқеаларга нисбатан эътибор қаратадиганлар топилган тақдирда ҳам, улар бир-икки иборалар билан ҳамдардлик ва норозилик билдирмоқдалар, холос. Қонли манзаралар, фарзанд доғида қоврилган оналарнинг ноласи ва гўдакларнинг фарёдига гўё бутун дунё кўникиб қолгандек. Ҳукмдорлар эса Ғазо ва унинг аҳли ҳисобига телба Трамп ҳамда унинг асрандиси Нетаняху розилигини қўлга киритиш, шу орқали ўз тахтларини ҳимоя қилиш ташвиши билан овора.

Эй Ислом Уммати, эй инсонлар учун чиқарилган энг яхши Уммат!

Қани армиялар?! Қани уламолар?! Қани сиёсатчилар?! Ғазо ва унинг аҳлини бунчалик ёрдамсиз ташлаб қўйиш нимаси?! Нега малай ва хор ҳукмдорларни ағдариш, уларнинг хорлиги ва тобелигидан халос бўлиш учун ҳаракатга келмаяпсиз?! Қандай қилиб Ғазо аҳлини золим душман ва унинг туганмас очкўзлиги қаршисида ёлғиз қолдиряпсиз?! Кечаю кундуз тўкилаётган қонлар, тўхтамаётган оҳу нолалар ва кўз ёшлари, қулоқларни кар қилувчи фарёдлар қандай қилиб сиз учун арзимас нарсага айланиб қолди?!

Модомики сиз бу ҳукмдорларга рози бўлиб сукут сақлайверсангиз, сел сизга ҳам етиб келади, бўрон сизларни ҳам учириб кетади. Худди Аллоҳ Азза ва Жалла айтиб қўйганидек:

﴿وَكَذَٰلِكَ نُوَلِّي بَعۡضَ ٱلظَّٰلِمِينَ بَعۡضَۢا بِمَا كَانُواْ يَكۡسِبُونَ﴾

«Шунингдек, золим кимсаларни қилиб юрган гуноҳлари сабабли бир-бирларига дўст (бир-бири устидан ҳукмрон) қилиб қўюрмиз»   [Анъом 129]

Салафлардан бири айтганидек: «Қандай бўлсангиз, устингизга шундай ҳукмдорлар келади». Шундай экан, бу ҳукмдорларни тахтдан ағдариш, ўрнига эса сизларни Аллоҳнинг шариати билан бошқарадиган, Умматни бирлаштирадиган ва босиб олинган ерларингизни озод қиладиган халифани тайинлаш учун амалий ҳаракатга киришинг.

Ҳизб ут-Таҳрирнинг марказий матбуот бўлими аёллар қаноти