Матбуот баёноти

Ғазодаги воқелик ҳақида тафаккур, Иброҳим алайҳиссаломга эргашиш ва нусрат учун бўлган шошилинч даъват

Умматга муборак ташриқ кунларига кириб келиб, ҳожилар ҳаж амалларини адо этаётган эканлар, бу ҳол бизга ҳаж фақат жисмоний эмас, балки руҳий сафар эканини, Аллоҳ Таолога холис итоат этиб, тўлиқ таслим бўлишни ифодаловчи илоҳий фарз эканини эслатади. Ҳаж маросимлари Иброҳим алайҳиссалом, солиҳа завжаси Ҳожар ва фарзандлари Исмоил алайҳиссалом ҳаётини яқиндан акс эттиради. Зотан, бу оила Умматга таваккал қандай бўлишини, Аллоҳнинг амрига – инсон мантиқига зид бўлса ҳам – мукаммал итоат маъносини ўргатди.

Айни шу муборак кунларда, Иброҳим алайҳиссалом замонидан анча асрлар ўтгач, бошқа улуғ бир воқеа рўй берди. Ансорлардан бўлмиш Авс ва Хазраж қабилаларидан бир гуруҳ мўминлар Росулуллоҳ ﷺ билан Ақабада махфий учрашдилар. Уларнинг байъати фақат шахсий нажотни исташдан иборат эмас, балки уруш байъати бўлди. Яъни салтанат орқали Аллоҳнинг динига нусрат бериш, Ислом бошқарувини давлат сифатида ғолиб қилиш байъати. Ўша тун тарихни бутунлай ўзгартирди, зулм остидаги даъватни давлат лойиҳасига айлантирди. Бу воқеа ҳижрат қилишга ва илк бор Мадинаи Мунавварада Ислом давлати барпо этилишига сабаб бўлди. Натижада, Ислом дини сиёсий ва глобал қудратга айланди.

Аммо бугунги кунда Уммат хорлик ичида яшамоқда, бунга на унинг иймони заифлиги, на сони камлиги  ва на бойлиги етишмаслиги сабаб бўлди, балки куч-қудратининг йўқлигидан бўлди. Биз Ғазодан Кашмиргача, Шарқий Туркистондан Судангача бўлиб ташланган ҳолда ва зулм-зўравонлик остида яшаяпмиз. Бир вақтнинг ўзида, устимиздан ғарбпараст тоғутлар ҳукм юритишяпти, душманларимиз устимизда ўйин ўйнашяпти. Уммат армиялари – Холид ибн Валид ва Салоҳиддин Айюбийнинг авлодлари – ҳануз сукут сақламоқда. Чунки уларни Аллоҳ Субҳанаҳудан қўрқишдан кўра Ғарбдан кўпроқ қўрқадиган режимлар кишанлаб қўйган.

Бугун Ғазо мана шу қўрқоқлик ва хиёнатнинг энг аламли рамзига, Уммат танасидан аччиқ қон оқиб турган ярага айланди. Ғазо на шиор ва на ёрдам учун нола қилмоқда, балки ҳақиқий нусрат, яъни куч-қудрат ва қатъият билан қўллаб-қувватланган нусрат учун нола қилмоқда. Фаластин болалари дори-дармон ёки озиқ-овқат учун йиғламаяптилар, балки озодлик, адолат ва буни амалга ошира оладиган Уммат ва унинг армияларини уйғонишга чақирмоқдалар.

Ҳаж ва иккинчи Ақаба байъати сабоқлари бизни иймонга асосланган амалий ҳаракатга ундайди. Ўтмишда ансорлар Росулуллоҳ ﷺга ёрдам бериш учун қўзғалиб, ер юзида Аллоҳнинг ҳукмини барпо қилиш учун у зотга нусрат берганлари каби, ушбу омонатни кўтариш учун Умматнинг куч-қудрат аҳли, яъни армияларига қўзғалиш вақти келди! Биз Умматга; унинг уламоларига, муфаккирларига, ёшларига ва ҳар бир холис фарзандига бундай мурожаат қиламиз: Сиз ўз армияларингизга ҳайқириб, улардан тахтлар ёки мустамлакачилар чизган чегараларга эмас, балки фақат Аллоҳга итоат қилишларини, кофирларнинг буйруқларини поймол этишларини ҳамда Пайғамбарлик минҳожи асосидаги рошид Халифаликни барпо этиш учун нусрат беришларини талаб қилинг!

Ушбу муборак кунларда, биз Иброҳим алайҳиссаломнинг Аллоҳга итоат қилиб, ўғлини қурбон этишга тайёр бўлганини, шунингдек, Росулуллоҳ ﷺга нусрат берган ансорлар жасоратини ёдга олар эканмиз, Аллоҳ Таолога бўлган таваккалимизни, Унинг буйруқларига итоатимизни ва мусулмонларнинг, айниқса Ғазо аҳлининг азоб-уқубатларини бартараф этишга бўлган қатъиятимизни янада мустаҳкамлайлик. Ансорлар Росулуллоҳ ﷺга берган аҳдларида нидо қилганларидек, келинглар, биз ҳам улар билан бир овозда нидо қилайлик:

«بَايَعْنَا رَسُولَ اللهِ ﷺ عَلَى السَّمْعِ وَالطَّاعَةِ فِي الْمَنْشَطِ وَالْمَكْرَهِ وَأَنْ لَا نُنَازِعَ الْأَمْرَ أَهْلَهُ وَأَنْ نَقُومَ أَوْ نَقُولَ بِالْحَقِّ حَيْثُمَا كُنَّا لَا نَخَافُ فِي اللهِ لَوْمَةَ لَائِمٍ»

«Биз Росулуллоҳ ﷺга хурсандчиликда ҳам, хафаликда ҳам қулоқ солиб, итоат қилишга, иш эгаларидан уни талашмасликка, қаерда бўлмайлик ҳақни маломатчининг маломатидан қўрқмай бажаришга ёки айтишга байъат бердик». (Бухорий ривояти).

Айнан мана шу руҳ бугун бизга керак! Аллоҳдан бизни Ўзининг даъватига фақат сўзда эмас, амалда жавоб берувчи бандалардан қилишини ҳамда ҳаққа содиқлардан айлашини сўраб қоламиз!

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾

«Эй мўминлар, Аллоҳ ва Росули сизни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»                                                  [Анфол 24]

Ҳизб ут-Таҳрирнинг Австралиядаги матбуот бўлими