بِسْمِ اللهِ الرَّحْمنِ الرَّحِيمِ

Эй Суриядаги мусулмонлар! Сурия режимининг аёллар ва болалардан иборат қуролсиз фуқаролар бошига портловчи бочкалар ёғдириши «Женева-2»нинг муқаддимасидир

Бас, анави коалициянинг қўлидан ушлаб, конференциянинг ўтказилишига йўл қўйманг

Сўнгги пайтларда Сурия жинояткор режими Ҳалаб ва унинг атофида қуролсиз оддий фуқаролардан иборат ўз душманлари бошига портловчи бочкалар ёғдириш билан ўзининг жиноятлари тўлқинини баттар кучайтирмоқда. Унинг бу жиноятларида, хусусан аёллар ва болалардан иборат минглаб инсонлар нобуд бўлмоқда ва жароҳатланмоқда. Бу нобакор режим айни жиноятларини бу минтақанинг «жанговар фронт»га айланганини даъво қилиш билан содир этмоқда. Унинг бу қутурган ҳамлаларидан мақсади, юртдаги ҳукмронлигини ёйиш, «Женева-2» конференциясида ўзининг ярашув позициясини кучайтириш ва Миллий коалициянинг унда қатнашишини одамлар олдида оқлашдир.

Бундай жинояткорона ҳужумлар қаршисида Миллий коалиция позицияси жуда сохта бўлди. Коалиция бош котиби Бадр Жомус 2013 йил 24 декабрда коалиция «музокараларни барбод қилиш учун Сурия халқини рус ракеталари ёрдамида қирғин қилаётган Асадга босим ўтказиши учун Россияга мурожаат қилгани»ни билдирди. Шунингдек, у «Асад режими амалга ошираётган бу қирғинлар ва Сурия халқини йўқ қилишга уриниш давом этаверадиган бўлса, коалиция келаси ойнинг 22сида ўтказиладиган «Женева-2 конференциясига бормаслиги»ни ҳам қўшимча қилди. Коалиция чиқарган баёнотда айтилишича, унинг раиси Британия ва Франция бош вазирлари билан боғланиб, уларга бундай деган: «Халқаро ҳамжамиятнинг кимёвий қуролларга қарши чора-тадбирлар кўриб, Асад режимининг Сурия халқини оддий қуроллар билан тўхтовсиз систематик равишда қиришига рухсат бериши айбдир».

Шубҳасиз, ушбу коалиция позицияси жинояткор режим позицияси билан бир хил. У воқени тескари тушуниб, ўзининг бу позицияси режим позициясининг акси эканини ҳужжат қилиб, «Женева-2»га боришини одамлар қабул қилишларини истаяпти. Ҳолбуки, унинг позицияси билан режим позицияси ўртасида фарқ йўқ. Биз шундай савол ташлаймиз: бу Миллий коалициянинг халқаро ҳамжамиятга илтижо қилаётганининг ўзи айб эмасми, ахир, Асад режими ортида кечаю кундуз шу халқаро ҳамжамият туриб, унга ёрдам беряпти, коалиция раиси Жарба эса буни яхши билади-ку?! Асад режимининг қирғинларини тўхтатиши учун унга босим ўтказишни Россиядан илтимос қилиши аҳмоқлик эмасми, ахир, бу режим барча қирғинларини Американинг рухсати ва Россиянинг олқишлаши билан содир этмоқда-ку?! Халқаро ҳамжамиятнинг қуролсиз тинч фуқаролар бошига портловчи бочкаларнинг ёғдирилишини томоша қилиб туриши ҳам жиноят эмасми?! Бу коалиция ўзининг «Женева-2»га боришини Асад режимининг фақат бочкаларни ёғдиришини тўхтатишига боғлаётгани калтафаҳмлик эмасми, бу режимнинг мусулмонларга қарши бошқа турдаги қуроллар билан қирғин қилгани ва ҳамон қилаётганидан эса кўзини юмиб олар эканда?! Сурия миллий коалицясининг шундай позицияси унинг Аллоҳга, динига ва мўминларга хиёнат қилганига, Ғарбга фикрий жиҳатдан тобе, Америкага сиёсий жиҳатдан малай эканига яққол далилдир.

Эй Суриядаги сабрли мусулмонлар!

Бугун бошқарувни ушлаб туриш учун Америка қўлидаги ишга солинаётган таёқнинг бир учи Миллий коалиция бўлса, иккинчи учи Асад режимидир. Бу режимнинг бирдан-бир манфур ташвиши «Женева-2»дан фойдаланиш, чунки шу конференция орқали у Америка режаси асосида ҳокимиятни тинч йўл билан топширмоқчи. Албатта, бу конференция натижалари ҳам аввалги турли конференциялардан таслим бўлиш ва хиёнат қилиш жиҳатидан асло фарқ қилмайди, чунки унда Уммат масаласини душманлари қўлига топширишга келишиб олинади. Мана Ироққа бир қаранг, у ердаги беқарорликлар, портлашлар, ирқий, мазҳабий, тоифачилик бўлинишлари, кейин Америка нуфузини ҳимоя қилиш учун уни Эрон қўлига топширилиши…, буларнинг барчаси америкача сценарий бўлиб, эртага Сурияда ҳам шу сценарий қўйилиши мумкин. Ливанга бир қаранг, Америка бу юртга ўз нуфузини киритганига 25 йил бўлди, бугун унинг «раҳнамолиги» остида ўтказилган Тоиф битими хавфсизлик ва барқарорлик ўрнатолгани йўқ. Аксинча, тоифачилик ва мазҳабпарастлик бутун юртни ўз домига тортди, эртага Сурияда ҳам шундай бўлиши мумкин. Мадрид конференциясини эсланг… Унда Америка Фаластин масаласини ҳал қилишга ваъда берганди, кейинги имзо чекилган битимларнинг ҳаммаси фақат яҳуд давлатини мустаҳкамлаш ва юртнинг режимпарастлару ҳамаспасрастларга бўлиниб кетишига хизмат қилди, холос. Маълумки, бунга ўхшаш конференция ва битимларнинг барчаси Америка «раҳнамолиги» остида ўтказилган. Мана, бугун шу Америка «Женева-2» конференцияси орқали Сурия масаласини ҳал қилишга тайёрланмоқда. Аҳвол аввалгилардан ҳам баттар бўлиши мумкин. Аллоҳ Таоло айтади:

يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلاَّغُرُوراً

«(Шайтон) уларга ваъдалар беради, хомхаёлларга мубтало қилади. Охир-оқибатда шайтон берган ваъдалар фақат ёлғон-сароб бўлиб чиқади» [Нисо 120]

مَثَلُ الَّذِينَ اتَّخَذُوا مِن دُونِ اللَّهِ أَوْلِيَاء كَمَثَلِ الْعَنكَبُوتِ اتَّخَذَتْ بَيْتاً وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُو ايَعْلَمُونَ

«Аллоҳдан ўзга «дўстлар»ни ушлаган кимсаларнинг мисоли худди (ўзи учун) уй қуриб олиб, (ўша уйидан паноҳ истаган) ўргимчакка ўхшайди. Албатта уйларнинг энг нимжони ўргимчак уясидир. Агар улар билишса эди, (ўргимчак уяси каби ожиз бутлардан паноҳ истамаган бўлишар эди)» [Анкабут 41]

Эй Суриядаги мухлис мусулмонлар!

Аллоҳ Субҳануҳу ва Таоло Сурияда содир бўлаётган воқеаларни бошқа юртлардаги «араб баҳори», деб аталган воқеалардан ўзгача бўлишини ирода қилди. Энди, Аллоҳ Субҳануҳу ва Таоло бу юртни Исломнинг диёрининг маркази бўлишини ҳам ирода қилдимикин? Аллоҳдан шуни ирода қилишини сўраймиз. Аниқки, буни Америка етакчилигидаги Ғарб ҳам ҳисобга олиб турибди ҳамда шу боисдан мусулмонларга ва уларнинг Халифалик давлатини тиклаш лойиҳаларига қарши уруш очди. Бироқ Аллоҳнинг ирода-истагини ҳеч нарса мағлуб қилолмайди. Аллоҳ Таоло айтади:

إِن يَنصُرْكُمُ اللّهُ فَلاَ غَالِبَ لَكُمْ

«Агар сизларга Аллоҳ нусрат берса, ҳеч ким сизлардан ғолиб бўлмас» [Оли Имрон 160]

Шояд, Аллоҳнинг бизга берган беназир неъматларидан бири, ушбу лойиҳа учун хос шарт-шароитларни ҳозирлаб, Ўз фазли ила, унинг муваффақиятини Сурияга белгилаб қўйган бўлса, ажаб эмас, У Ўз раҳматини истаган бандаларига хослагувчи Зот. Албатта, Ҳизб ут-Таҳрир ушбу улуғвор лойиҳани нафақат Сурияда, балки барча исломий юртларда ҳам амалга ошириш учун барчани елкама-елка туриб ҳаракат қилишга даъват қилади, бу эса Аллоҳни рози қиладиган, кофирлар бошига офат бўладиган ишдир.

إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا وَأُوْلَئِكَ هُمُ الْمُفْلِحُونَ

«Аллоҳ ва Росулига ўрталарида ҳукм чиқариш учун чорланган вақтларида, мўминларнинг сўзи эшитдик ва бўйсундик, демоқдир. Ана ўшаларгина нажот топгувчилардир» [Нур 51]

Ҳизб ут-Таҳрир 23 сафар 1435ҳ

Сурия вилояти 26 декабр 2013м