بِسْمِ اللهِ الرَّحْمٰنِ الرَّحِيمِ

Матбуот баёноти

Бажва-Имрон режими Хитойнинг уйғур мусулмонларига қилаётган зулмига жим туриши билан охиратини сотмоқда

Хитой ҳукуматига қарашли 400дан ортиқ ҳужжатнинг ошкор бўлиши улкан ҳақиқатларни фош қилди. Бу ҳужжатларга назар солсангиз, мусулмонларни лагерларга қамаш орқали Исломдан юз ўгиришга мажбурлаш сиёсати Хитойнинг расмий сиёсати эканини кўрасиз. Бундан ташқари, Хитой раҳбари Си Цзиньпин 2014 йил ушбу ваҳший ҳужумини бошлаш учун шахсий кўрсатмаларини берган эди. Турли ҳисоботларга кўра, лагерларда сақланаётган маҳбуслар сони бир миллиондан уч миллионгача етади. Репрессия шу даражага етганки, Хитой мулозимлари ҳибсдаги мусулмонларнинг уйларига бориб, иффатли аёлларнинг номусига тегмоқда. Шунингдек, эркакларни соқолларини олдириш, аёлларни шаръий либосларини ечиш ва масжид имомларини рақсга тушишга мажбурлашмоқда, рўза тутишни тақиқлашмоқда. Хитой ҳукумати охирги йилларда ушбу сиёсатини кучайтирган. Афтидан Хитойнинг худосиз режими Бажва-Имрон режимини қарз ва инвестициялар билан сотиб олган. Шунинг учун бу режим Хитой босиб олган Шарқий Туркистондаги уйғур мусулмонларига кўрсатилаётган зулмга сукут сақлаш сиёсатини қўлламоқда. Шунингдек, рўй бераётган ваҳшийликларни билмасликка олмоқда.

Халифалик давлати йўқ бўлган бугунги кунда мусулмонлар аҳволи етимлар аҳволига ўхшаб қолди. Бугун Фаластин, Мяньма, Чеченистон ва Шарқий Туркистондаги мусулмонларни назорат ва ҳимоя қиладиган шахс йўқ. Бугун Кашмирнинг бир қисмини Хитой ҳам босиб олган. Зулм чеккан мусулмонлар Исломий давлати соясида, Ислом бошқаруви бор бўлган пайтларда ҳимоя қилиниб, қутқарилар ва чеккан зулмлари борасида ўч олинар эди. Масалан, исломий давлат Бану Қайнуқоъ қабиласини бир муслиманинг авратини очишгани учун Мадинадан бадарға қилди. Исломий давлат Модининг адоват борасида ўтмишдаги шериги, ҳинд тоғути Ражо Зоҳир томонидан асир қилиб олинган муслималарнинг чақириғига жавоб қилиб, Муҳаммад ибн Қосимни катта қўшин билан юборган. Аббосий халифа Мўътасим Биллаҳ муслима аёлнинг чақириғига жавоб тарзда минглаб қўшинларни юборди. Улар сара отларни миниб, Рум қалъаларини фатҳ қилишди. Пайғамбаримиз ﷺ Ҳудайбия сулҳини тузгач, Мадинага келган муслима аёлларни мушрикларга қайтариб беришдан бош тортди. Чунки сулҳда Қурайшлик эркаклар ҳақида айтилган ва муслима аёллар ҳақида айтилмаганини таъкидлаган эди. Бунга зид ўлароқ бугунги Покистон ҳокимлари минтақада Америка манфаатларини ҳимоя қилаётгани каби, Хитой манфаатини ҳам ҳимоя қилмоқда. Шунинг учун ушбу ҳокимлардан озод бўлиб, мусулмонларни ва ўз манфаатларимизни ҳимоя қиладиган халифани тиклашнинг вақти келди. Росулуллоҳ ﷺ айтадилар:

«إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом қалқондир, унинг ортида туриб жанг қилинади ва у билан ҳимояланилади».