بِسْمِ اللهِ الرَّحْمنِ الرَّحِيمِ  
БМТ босқинчиликни мустаҳкамлаш йўлидир
Фаластинни озод этиш йўли эса Ислом Уммати ва унинг армиясини нусратга чақиришдир

2015 йил 30 сентябрь чоршанба куни Фаластин раҳбари Маҳмуд Аббос хорларча ўтиниш, бечораларча шафқат сўраш ва Фаластин аҳлига ёлғон кўз ёш тўкиш билан тўлиб тошган маърузасида БМТдан Фаластин халқига халқаро ҳимоя сўради. Диний урушлардан сақланган ҳолда, минтақада тинчлик ўрнатиш ва «Исроил» халқини ҳам, – унинг тили билан айтганда қўшни халқни ҳам – Фаластин халқини ҳам баравар авайлаб асраш зарурлигини таъкидлади, Фаластин аҳли ҳурриятга, истиқлолга эришиш учун БМТ ва унга аъзо давлатларга умид билан боқаётганини иддао қилди.

Аббос босқинчи ҳукумат ўз қайсарлигида ва икки давлат ечимини бузишда давом этаверадиган бўлса, Фаластин режими яҳудийлар билан имзоланган келишувга доим ҳам риоя қилолмаслигини, у айни келишувни «тинч, қонуний йўллар ва воситалар билан» ижро этишга ҳаракат қилаётганини билдирди. Европа ва Франция ташаббусларини олқишлади, унинг ушбу баёноти босқинчи ҳукуматнинг Америка маъмурияти саъй-ҳаракатларини барбод этиши ортидан айтилаётганини таъкидлади.

Унинг бу сўзларидан режим ва унинг мулозимлари тушкунликка тушганлиги намоён бўлиб турибди.  Чунки барча регионал ва халқаро ташаббуслар фойда бермади, Нетаньяхунинг Ликуд ҳукумати ўжарлик қилаверди ва келгинди яҳудийларни жойлаштиришда, Ақсо масжидига ҳужумлар қилишда, уни замон ва макон жиҳатидан бўлиб олишда давом этаверди.

Аммо шунча аянчли тушкунликларига қарамай, бу режим БМТга, мустамлакачи давлатларга, уларнинг ташаббусларига умид боғлашни қўймаяпти, Росулуллоҳ САВнинг Исро маконлари тақдирини Ғарб кучларига топширмоқда, Ҳақ Субҳанаҳунинг ушбу каломидан бутунлай ғафлатда қолмоқда:

مَثَلُ الَّذِينَ اتَّخَذُوا مِن دُونِ اللَّهِ أَوْلِيَاء كَمَثَلِ الْعَنكَبُوتِ اتَّخَذَتْ بَيْتاً وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُوا يَعْلَمُونَ

«Аллоҳдан ўзгаларни дўст тутган кимсаларнинг мисоли худди уй қуриб олиб, (ўша уйидан паноҳ истаган) ўргимчакка ўхшайди, агар улар билсалар эди, уйларнинг энг нимжони албатта ўргимчак уясидир»    [Анкабут 41]

БМТ йирик давлатлар қўлидаги мустамлакачилик қуроли бўлган ва ҳамон шундай бўлиб келмоқда. Муборак заминга босқинчи яҳудийлар давлатини ўрнатиб, бу заминни қонунан тақсимлаган ҳам, яҳудийларнинг Фаластин аҳлини қатли ом қилишига сукут қилиб, ҳатто рози бўлган ҳам мана шу БМТдир. Мана шундай ташкилотдан инсоф, адолат сўраш ақлан тўғрими?! Унинг қўйнидан паноҳ истаб бўладими?! Фақат кўра олмайдиган, ақли заиф кимсаларгина шундай қилади!

Аббос ва унинг режими ташаббус излаб кўз тикаётган йирик давлатлар Ислом ва мусулмонлар душманидир. Бу давлатлар аскарлари қўлларидан мусулмонлар қони томиб турибди, бу давлатлар яҳудийларни дўст тутмоқда:

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ

«Мўминларга энг қаттиқ адоват қилгувчи одамлар яҳудийлар эканини кўрасиз» [Моида 82]

Чунки кофирлар бир-бирларига дўстдирлар:

وَالَّذينَ كَفَرُواْ بَعْضُهُمْ أَوْلِيَاء بَعْضٍ 

«Кофирлар бир-бирларига дўстдирлар»    [Анфол 73]

Аммо тақводорлар дўсти эса Аллоҳдир.

Душмандан ҳимоя сўраб бўладими?! Фақат қалбан кўр бўлган, кофирни дўст тутган ва Умматидан узилиб олган кимсагина душмандан ҳимоя сўрайди. Наҳотки, Аббос Фаластин аҳлини яҳудийлардан ҳимоя қилишни халқаро кучлардан ва Пан Ги Мундан илтимос қилаётган бўлса, наҳотки, у Уммат армияларига Фаластин ва Ақсони озод этиш билан ўз бурчларини адо этишлари учун миқ этмаётган бўлса?! Нега Аббос мусулмонлар раҳбарларидан бир оз бўлса ҳам қатъийлик талаб қилмайди, ахир, улар ўз армияларини яҳудийларга қарши жанг қилиш ва Фаластинни озод этишга сафарбар қилиш ўрнига, Умматларига қарши сафарбар қилаётган бўлса?! Бу Фаластин масаласини тўғри ечимидан адаштириш ва тил бириктириш эмасми?!

Ҳимояни кимлардан талаб қилиш керак?!! Америка, Британия ва Россия армиясиданми?!!! Гўё Аббос Американинг Ироқ, Афғонистон, Вьетнам ва Сомали… давлатларида содир этган жиноятлари ҳақида эшитмагандай, британ қўшинларининг Фаластин ва бутун дунёда содир этган жиноятлари ҳақида эшитмагандай, рус қўшинларининг Чеченистондаги мусулмонларга қарши жиноятларини, Босния ва Косова мусулмонлари қатли омида сербларга шерик бўлганини билмагандай. Бугун эса рус учоқлари муборак Шом заминини вайрон қилаётганидан бехабардек!… Ёки у муборак Фаластин заминини яҳудийлар истило этишгани етмагандек, энди халқаро кучларнинг истило қилишини ҳам истаяптими?!

Эй мусулмонлар!

Фаластин муборак замин, буни Аллоҳ тиловат қилаётганимиз ояти карималарда айтган. У ерда мусулмонларнинг илк қиблалари, Росулуллоҳ САВнинг Исро масканлари бор, ул зот бу ердан самога меърож қилганлар. Бас, уни халоскор армияларимиз орқалигина озод этилади. Бошқа ҳар қандай танлов эса уни зое кетказиш, муқаддас нарсаларидан воз кечиш, Аллоҳ, Росули ва мўминларга хоинлик қилиш, демакдир.

Яҳудийлар Ақсо масжидига ҳар куни тўхтовсиз адоват қилишмоқда. Бу эса уларнинг бутун борлиғини титратадиган ва илдизлари билан қўпориб ташлаб, оламни ёвузликларидан халос этадиган кучли жавобни талаб қилади. Бу эса музокаралардан, халқаро саммитлардан ва қонун маҳкамаларидан нажот сўраш билан ҳаргиз амалга ошмайди. Балки мўминлар амири қўмондонлиги остида такбир садолари билан бостириб борувчи қўшинлар билан амалга ошади. Улар Қуддуси Шарифни илк бор Умар Форуқ, иккинчи бор Салоҳиддин Айюбий озод этгани каби озод этадилар. Фаластин аҳли Росулуллоҳ САВнинг яҳудийларга қарши жанг қилиб, муборак заминни озод этиш тўғрисидаги башоратларини рўёбга чиқарувчи мусулмон армияларига кўз тикмоқдалар. Улар Фаластин раҳбари даъво қилаётган БМТ ва унинг давлатларию ташкилотларига кўз тикмаяптилар.

Эй муборак замин аҳли!

Озодлик ташкилоти ҳам, унинг раҳбарлари ҳам сизга мансуб эмаслигини, Сиз улардан ва уларнинг хоинона лойиҳаларидан пок эканингизни баралла айтинг, Ислом Уммати Фаластин олдидаги ўз бурчини адо этиши учун унга Фаластин масаласини қайтаринг.

Муборак Фаластин замини на миллий масала, на ватанпарварлик масаласи ва на халқаро масаладир. Фаластин Аллоҳнинг баракоти ёғилган ва сизнинг ақидангизга, Уммати Муҳаммад САВга боғланган заминдир. У Аллоҳ Ўзининг каломи, оятлари билан барака берган ҳамда ер юзининг мағрибию машриқидаги мусулмонларга уни ҳимоя қилиш ва озод этишга ҳаракат қилишни вожиб қилган заминдир. Мана шу бизнинг бутун олам маъруза қилиши вожиб бўлган маърузамиздир.

Эй қудрат ва ёрдам аҳли, исломий армияларимиз зобитлари!

Биргина Иордания армияси ушбу муборак заминни озод этишга қодир, ёлғиз Миср армияси яҳудийлар давлатини бир соатда кулини кўкка совуришга қодир. Покистон, Туркия, Эрон… армиялари ҳам шундай. Бу юртлар армияларидан ҳар бири айни масалани ҳал этишга қодирдир. Бу армияларнинг ҳаммаси Аллоҳнинг ризоси ва жаннати сари етакловчи бир кишининг қалбида жамланса нима бўлиши мумкин?! Бас, агар бу армияларимиз Аллоҳнинг амрини адо этиш учун ҳаракатга келмаса, у ҳолда, Аллоҳ Таоло Ўзи севган, улар ҳам Аллоҳни севадиган бошқа қавмни чиқаради ва ўшалар қўли билан Ўз ваъдасини рўёбга чиқаради. Аллоҳ Таоло бундай деди:

فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ

«Аллоҳ бошқа бир қавмни келтирурки, Аллоҳ уларни яхши кўрур, улар Аллоҳни яхши кўрурлар. Улар мўминларга хоксор, кофирларга эса қаттиққўл, бирон маломатгўйнинг маломатидан қўрқмай Аллоҳ йўлида курашадиган кишилардир» [Моида 54]

Ақсо масжиди ҳамон сизга нола қилиб, имонингиз ва ғурурингизни ёрдамга чақирмоқда, чунки сиз унинг аҳлисиз, инша Аллоҳ. Бас, Аллоҳнинг чақириғини қабул қилинг, Ақсони озод этиш ва поклашга шошилинг, бу шундай шараф ва даражаки, икки дунёда ҳам унга тенг келадиганини тополмайсиз. Хоинликка, воз кечишга чақираётган ботил ҳукмдорларга қараманг, билъакс, Умматингизни, муқаддас нарсаларингизни ва Ақсоингизни мудофаа этувчи холис қўшинларга боқинг. Аллоҳ сизлар билан биргадир ва У ҳаргиз қилган амалларингизнинг савоб-мукофотини камайтирмас.

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ

«Эй мўминлар, агар Аллоҳга ёрдам берсангиз, У ҳам сизга нусрат-ёрдам берур ва кадамларингизни собит қилур»    [Муҳаммад 7]

Ҳизб ут-Таҳрир                                                                     18 зул-ҳижжа 1436ҳ
Муборак замин Фаластин                                                   1 октябр 2015м