بِسْمِ اللهِ الرَّحْمنِ الرَّحِيمِ

Эй уммат! Сени хор қилганлар ўзлари хор бўлмагунча, сени оёқ ости қилганлар ўзлари оёқ ости бўлмаганича жонимизни тикиб бўлса ҳам курашаверамиз, ҳаракат қилаверамиз!

Умматим! Асло, умидсизликка тушма, бошингни кўтар ва ўғлонларингнинг золимлар зулмига қарши саботини кўр, муслима қизларингнинг шижоатидан қувон! Бизнинг ниятимизни изоҳлаган, мавзу ўрнида танланган, юқоридаги жумлалар баланд парвоздек туюлиши мумкин, лекин бизнинг бу мақсадимиз қуруқ гаплардан иборат, амалга ошириб бўлмайдиган мақсад эмас. Кимлар сенинг азизлигингни ўғрилаган бўлса, оз қолди, оёқларинг остига бошларини урадилар. Кимлар сени ўз қуллардек кўриб, бойликларингни ит каби талаётган бўлса, бу ишлари учун, оз қолди, афсус чеккан холларида, бугун кибр билан кўтарган бошларини эгиб Сенинг олдингда хисоб берадилар!

Узоқдек туюлган Умматнинг ғалаба онлари бугунга келиб жуда яқин қолганлиги хис қилина бошланди. Чунки Уммат қўзғалди ва қонлар кечиб бўлсада, жонлар фидо қилиб бўлсада ўз мақсади сари, азизлик сари, Рошид Халифалик сари қадам ташлаб бормоқда. Бугунгача кимнинг қўли Уммат қонига ботирилган бўлса, у золимларнинг оёқлари тойила бошлади. Бу борада дунё сиёсатига, ҳамда мусулмонлар диёрларига назар солишнинг ўзи кифоя қилади. Бу ҳолатни идрок қилиш учун ўткир зеҳнли бўлиш шарт эмас, фақат бўлаётган ҳодисалар устида тафаккур қилиб ҳолисона хулосага кела олиш лозим, холос. Кофир хўжайинлар ва уларнинг малайларини безовта бўлиб қолишгани, ўзларини қўярга жой топа олмай қилаётгани ҳар бир ҳаракатларида, кўзлаган мақсадларида бирин – кетин хато қилаётганлари, ўзлари учун келаётган хатардан қўрқиб одатдагидан бошқача, нотабиий, хатто ақлсизларча кулгили чоралар қўллаётганликлари ҳам Умматнинг ғалабаси яқинлигини янада аниқроқ хис қилишимизга ёрдам бермоқда.

Тан олиш керакки, асл мусулмонларга ҳар тарафдан зулмлар ёмғири аёвсиз тарзда, бешавқатларча ёғдирилмоқда. Лекин айнан мана шу зулмлар бизларни ҳамжихат бўлиб, янада чидамли, сабрли ҳамда танлаган адолатли йўлимизда собитқадам бўлишимизга сабаб бўлмоқда. Ғоя сари, яъни Аллоҳнинг розилиги томон интилишимиз бирламчи бирлаштирувчи омил бўлса, ноҳақ тўкилаётган қонлар, етказилаётган аянчли ва инсонийликдан йироқ азоблар, тўкилган кўз ёшлар, ёшу қарининг қалбини бирдек ларзага соладиган оҳу фиғонлар, доду фарёдлар ва дардли нолалар ҳам бир бўлиб ҳаракат қилишимиз шарт эканлигига ишора бераётгандек.

Бугун мусулмонлар орасида ҳаётдаги ўз вазифаси, бурчини англаб етаётганлари кундан кунга кўпайиб бормоқда. Чунки Исломий мафкурамиз ҳаёт майдонида қаричма-қарич, қадамма-қадам, кунма-кун, ойма-ой ўзининг кучли таъсирини ўтказиб бормоқда. Ва бунинг натижасида кечагина яшашдан мақсадини тушунмаётган, ўзининг ҳаётини иккиламчи фикрлар устига ёки умуман ўзига бегона фикрлар устига қуриб олган мусулмонлар, бугунга келиб аниқ бир мақсад сари, яъни Ислом ақидасини англаган ҳолда ҳаракат қиладиган, бу ҳаракатлари оқибатида унга нисбатан қилинаётган зулмларга жавобан ўз йўлида янада қатъийлик билан давом этадиган исломий шахсияларга айланмоқдалар. Биз азизлик сари оҳиста қадамларни ташлаб бўлганмиз, бугун уммат бу йўлда шаҳдам одимлари билан юқори тезликда ҳаракатланиб бормоқда.

Ачинарлиси, иймон ва куфр жангида ханузгача ўз ўрнини англаб, белгилаб олмаган мусулмонлар ҳам йўқ эмас. Улар бугунги ҳолатни англашдан ортда қолмоқдалар. Кечаги кун билан бугунги куннинг фарқини хис қила олмаяптилар. Уларда ўзларига қўйиб олган тўсиқлардан ўтиб кетишга журъат топилмаяпти. Шунинг учун улар ҳамон алдовлар, чалғитишлар, ҳақ фикрлардан ёлғон маълумотларни ажрата олмаслик иллатлари билан қолиб кетмоқдалар. Афсусланарли жиҳати, энг хатарлиги шундаки айнан мана шу мусулмонлар куфрнинг қўлидаги қуролга айланиб қолмоқдалар ва натижада ўз биродарларига қарши йўналмоқдалар. Биз бундай биродарларимизга тўғри йўлни топиб олишларида, Исломга мувофиқ позицияни эгаллашларида ёрдамчи бўламиз. Албатта улар ҳам тез кунларда алданиш ва адашиш қобиғини ёриб чиқадилар ва асл Ҳақ нуридан баҳраманд бўлган ҳолда, юксаклик томон ҳаракатланадилар, ин ша Аллоҳ!

Зулм юқори даражага кўтарилган, Аллоҳга чин иймонлари туфайлари мўъминлар ҳамон сабрдалар. Биз сабрда деб айтиш асносида, ўзларига Исломдан бўлмаган ҳар хил чоралар ва бахоналар топиб олиб, зулмга нисбатан сукут ва жимлик билан жавоб бераётганларни, куфр қонунларига бўйсунган ҳолда яшаётганларни ёки ана шу золим ҳукуматларнинг бошқарувини тўғри деб қабул қилганларга эргашаётганларни назарда тутаётганимиз йўқ. Биз буларнинг баъзиларини юқоридаги алданган ёки адашганлар сафига киритамиз, тушунган ва билган ҳолда рози бўлиб ўша йўлни танлаганлари эса умуман бошқа масала, улар уммат ғамидан бегона инсонлардир. Ва улар куфрнинг этагини тутган, ўзининг бурчи сифатида куфр хизматида бўлишни тушунадиган, золимларнинг мўъминларга етказаётган зулмларига чапак чалиб, мусулмонларни Исломдан узоқлаштириш амалиётларида фаол иштирок этувчи, Исломнинг софлигини куфр жирканчлигидан фарқлай олмаган фосиқ, мунофиқлардир.

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

 “Улар Аллоҳнинг нурини (Исломни) оғизлари (беҳуда гаплари) билан ўчирмоқчи бўлурлар. Аллоҳ эса, гарчи кофирлар истамасаларда, Ўз нурини (динини) тўла (ҳар тарафга) ёйгувчидир”.                                                                                    (Соф. 8)

Биз фақат Исломий ҳаёт бўлишини истаймиз. Умматни куфр ботқоғидан озод қилиш учун ҳаракат қиляпмиз. Юқорида айтганимиздек зулмлар айни чўққисига етган бўлса ҳам ўз йўлларида мустаҳкам турган мўъминлар Аллоҳнинг ёрдами билан ғолиблик сари яқинлашмоқдалар. Бу ғолиблик Исломий ҳаётни таъминлаб берадиган Исломий Халифалик давлатидир. Ислом тонги отмоқда, биродарлар кўзингизни каттароқ очиб улуғ ажрларга эга бўлишингиз учун сабаб бўладиган амалларни қилиб қолинг. Яъни Аллоҳнинг барча аҳкомларини ҳаёт майдонида татбиқ қиладиган Ислом давлатини қуриш учун имконингиз борича ҳаракат қилишга шошилинг. Ишонинг, бугунги воқеликларга чуқурроқ назар солсангиз Ислом шамоли аллақачон тўфонга айланганлигини хис қиласиз. Бу тўфон яқин кунларда барча тўсиқларни забт этиб, ўз манзилига ғолибона етиб боради, ин ша Аллоҳ!

Ҳизб ут-Таҳрирнинг Ўзбекистондаги медиа офиси Абдуллоҳ

17.12.2015й.

0

0