БМТга ишониш қўйларни бўрига ишониб топшириш билан баробардир!!
بِسْمِ اللهِ الرَّحْمنِ الرَّحِيمِ
Роя газетаси:
БМТга ишониш қўйларни бўрига ишониб топшириш билан баробардир!!
Ҳижрий 1438 йил 14 зул-қаъда, милодий 2017 йил 6 август якшанба куни «Шарқул Авсат» сайтида бундай хабар нашр қилинди:
«Кеча БМТнинг Ливиядаги махсус вакили Ғассон Салома айни вазифага тайинлангандан бери Триполига қилган илк сафарида, энди БМТ Ливияда қайтадан босқичма-босқич иш олиб боради», деди.
Салома Саррож билан берган матбуот конференциясида БМТ бош котибининг бутун ливанликларга йўллаган мактубини Вифоқ ҳукуматига келтирганини айтди. Мактуб мазмунига кўра, бош котиб яқин кунларда Ливияни тинч барқарор ҳолда кўришга умид билдирган ҳамда БМТ миссияси муассасаларни жонлантиришга ва уларни мустаҳкамлашга ҳаракат қилишини очиқлаган. Саломага кўра, БМТ Ливия ичкарисида янгитдан фаолият олиб бориш учун қайтадан босқичма-босқич иш олиб боради.
Ўз навбатида, Саррож ҳам, янги БМТ котибининг юртдаги танг сиёсий вазиятни изга солишда ва ечим сари муҳим қадамлар ташлашда муваффақиятга эришишига катта умид билан қараётганини билдирди, унинг ҳукумати барча партиялар билан сиёсий амалиётда ҳамкорлик қилиб, ливияликлар ўртасида кенгқамровли манфаатларни рўёбга чиқаришга қаттиқ ҳаракат қилаётганини таъкидлади. У БМТ миссиясини сиёсий миссиядан барқарорликни қўлловчи миссияга айлантиришга чақирди. БМТдан келажакда ўтказилиши кутилаётган конституцияга оид референдум пайтида ҳамда президентлик ва парламент сайловлари босқичида зарур бўладиган моддий-техник жиҳатдан ёрдам кўрсатишни талаб қилди.
Бунга жавобан, Салома ҳам, президентлик ва парламент сайловлари халқаро юқори стандартларга жавоб берадиган тарзда ўтказиладиган бўлса, БМТ моддий-техник жиҳатдан ёрдам кўрсатиш учун Саррож ҳукумати билан бирга ишлашга тайёр эканини билдирди».
Роя газетаси шарҳи:
Ким БМТга ишониб, ундан моддий ёрдам талаб қилса, у қўйларни бўрига ишониб топширган билан баробардир!! Ливиядагина эмас, балки бутун дунёдаги беқарорликларга сабабчи, мана шу БМТ ва унга аъзо давлатлардир. Зеро, бугун Ливиядаги кураш, бир томонда АҚШ, иккинчи томонда Британия етовидаги Европа ўртасида кечмоқда, уларга Ҳафтар ва Саррож сингари қўғирчоқлар ёрдам беряпти… Бу юртда оқаётган қонлар, битта ақидали биродарлар ўртасидаги урушда тўкилган қонлардир. Уларни шу аҳволга солган БМТ билан унга аъзо давлатлардир. Улар ўзаро нуфуз талашаётган мустамлакачи Ғарб манфаатларига хизмат кўрсатиш йўлида бир-бирининг қонини тўкмоқда.
Роя газетасининг 2017 йил 9 август чоршанба кунги 142-сонидан
