بِسْمِ اللهِ الرَّحْمٰنِ الرَّحِيم

Матбуот баёноти

Бу огоҳ қалб эгаси бўлган ёки сидқидилдан қулоқ тутган киши учундир

Фаластиннинг денгизидан қуруқлигигача ҳамма ери озод этилмагунча унинг масаласи ҳаргиз ҳал бўлмайди

Сўнгги пайтларда Фаластин масаласи билан боғлиқ баёнотлар, ҳаракатлар ва сиёсий ишлар кўпайиб кетди, жинояткорларнинг каттаси бўлган АҚШ етови остида нопок фитналар ҳам ортгандан ортди. Бунга яҳудийлар давлати ва унинг минтақадаги қўғирчоқлари, уларнинг хавфсизлик хизматлари, айрим сиёсатчилар, ёзувчилар, ахборот ходимлари, баъзи ташкилотлар, академиклар, ҳамма инсу жин шайтонлари жалб қилинди. Мақсад, Фаластинни озод этиш, деган сўзни шу юрт аҳли ва бутун мусулмонлар қомусидан чиқариб ташлаш ҳамда Фаластин масаласини босқинчи яҳудийлар фойдасига йўқ қилишдир.

Бу тил бириктирувчилар, «икки давлат ечими», «битта давлат ечими», «регионал тинчлик», «аср битими» каби турли хил номлар остида, барча диққатларини таслим бўлиш ечимига қаратишди. Бу номларнинг барчасидан, мусулмонлар зеҳнидан озодлик тушунчасини йўқ қилиш ҳамда Уммат армияларини Фаластин, унинг аҳли ва муқаддас жойларини озод этишдек бурчларидан воз кечтириш кўзланди. Барча эътиборни яҳудийлар давлатини Фаластиннинг аксар ерларида мустаҳкамлашга, Фаластин аҳлига эса, унинг бир парча ерини қолдиришга қаратилди.

Душманлардан тортиб, уларнинг малайларигача ва яҳудийлар олдида тиз чўкувларгача, ҳаммаси Фаластин аҳлига босим қилиш учун барча услубларини ишга солишди. Уларни тиз чўктиришга ва ўзларининг ифлос режаларини уларга зўрлаб ўтказишга уринишди. Бу босқинчи давлат билан тинч яшаш, деган чўпчакни амалга оширишга, уни мустаҳкамлашга ва минтақадаги табиий давлатга айлантиришга ҳаракат қилишди. Ваҳоланки, бу давлатга минтақага тушган саратон, деган назарда қаралиб, уни таҳлилу такбир айтувчи армиялар ёрдамида илдизи билан қўпориб ташланади ҳамда бу заминни бутунича Ислом ва мусулмонлар ҳокимиятига топширилади.

Ҳатто Фатҳ билан Ҳамас ўртасидаги ярашув ҳам АҚШга хизмат қилди. АҚШ ундан ўз малайи Сисий орқали яҳудийлар давлатини мустаҳкамлаш қадамларига қўшимча қадам сифатида ва машъум тинчлик лойиҳасини ниҳоясига етказишда фойдаланди.

Буни Миср президенти ўзининг президентлик баёнотида яққол ифодалади. Бўлинишга чек қўйишга ва Фаластин манфаатларини рўёбга чиқаришга қаратилган Миср саъй-ҳаракатларини муҳокама этиш ҳақидаги якшанба куни ўтказилган анжуман ортидан чиқарилган бу баёнотда, у жумладан, бундай деди: «Мисрнинг ушбу саъй-ҳаракатларидан Фаластин сафини бирлаштиришнинг янги босқичини бошлашда фаластинлик ака-укаларимизга ёрдам беришни мақсад қилганмиз, зеро, бу босқич Фаластин билан Исроил ўртасини одил тинчлик сари олиб боришимизга замин яратади».

АҚШ президентининг Ўрта Шарқдаги тинчлик амалиёти учун махсус вакили Гринблатт ҳам, 2017 йил 10 октябр сешанба куни эрталаб бундай деди: «Фаластин ярашувига оид воқеалар ривожи, бизнинг қарашлар билан Американинг кун тартибига батамом мос келмоқда, зотан, Америка фаластинликларнинг Ғазо аҳлини ўзида тамсил эта олмайдиган режим сифатидагина эмас, балки бутун фаластинликлар номидан гапирувчи ягона ҳайъат сифатида музокара столига ўтиришларини истайди».

Эй Фаластин аҳли, эй гуруҳлар ва ташкилотлар аъзолари!

Тил бириктирув ва аҳвол жуда-жуда ёмон. Фаластин фақат бир йўл билан озод этилади, у ҳам бўлса, Аллоҳнинг мустаҳкам арқонига маҳкам боғланиб, Ислом Уммати ва унинг армияларидан нусрат-ёрдам беришларини, Фаластиннинг барча заминини озод этишларини талаб қилишдан иборат. Ислом бизга шуни буюрмоқда. Америка ва унинг малай ҳукмдорларидан сақланинг, чунки улар бизнинг душманларимиз, яҳудийларнинг дўстларидир:

يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ* فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَى أَن تُصِيبَنَا دَآئِرَةٌ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُواْ عَلَى مَا أَسَرُّواْ فِي أَنْفُسِهِمْ نَادِمِينَ

«Эй мўминлар, яҳудий ва насронийларни дўст тутмангиз! Уларнинг баъзилари баъзиларига дўстдирлар. Сизлардан ким уларга дўст бўлса, бас, у ўшалардандир. Албатта, Аллоҳ золим қавмни ҳидоят қилмас. Бас, Сиз дилларида мараз бўлган кимсаларнинг «Бизга бирор бало етишидан қўрқамиз», деган ҳолларида улар (кофирлар) томонга шошаётганларини кўрасиз. Шояд Аллоҳ мусулмонларга нусрат берса ёки ўз ҳузуридан бирор ишни келтириб, улар ичларида яширган нарсаларига надомат қилувчиларга айланиб қолсалар»               [Моида 51-52]

Шуни билингки, бу золимларга орқа қилиш, Аллоҳнинг азобига олиб боради, нусратидан маҳрум этади.

وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ

«Зулм йўлини тутган кимсаларга берилиб кетманглар (эргашманглар). Акс ҳолда сизларга дўзах ўти етар. Сизлар учун Аллоҳдан ўзга бирор дўст йўқдир. Кейин (яъни золимларга эргашсангиз) сизларга нусрат берилмас»        [Ҳуд 113]

Биз сиз мусулмонларни ушбу эзгуликка даъват қиламиз: Исломни етказинг, кофир ва уларнинг малайларидан воз кечинг, Ислом Уммати ва унинг армияларидан Пайғамбарлик минҳожи асосидаги рошид Халифаликни барпо этиш учун нусрат талаб қилинг, уларни муборак заминни, унинг ҳар бир қаричини босқинчи яҳудийлардан озод этишга даъват қилинг, қудрати улуғ Аллоҳга чуқур ишонинг, чунки барча яхшилик, нусрат Унинг қўлида, У истаган бандасини азиз, истаган кимсани хор қилади ва ҳар бир ишга қодирдир.

إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бордир»       [Қоф 37]

Ҳизб ут-Таҳрирнинг муборак замин Фаластиндаги матбуот бўлими

Телефон: 0598819100

Электрон почта: info@pal-tahrir.info

Фаластиндаги матбуот бўлими сайти: www.pal-tahrir.info