بِسْمِ اللهِ الرَّحْمٰنِ الرَّحِيم

Роя газетаси:

Бу рошид Халифалик давлати йўқлиги пайтида мусулмонлар бошдан кечираётган азоб-уқубатлар денгизидан бир томчи холос

Хитойдаги мусулмонлар яшовчи район ҳокимияти «диндан дарс беришни бас қилинг», демоқда

Интернетда Қуръон ўқиётган муслима қизча тасвири туширилган видеонинг тарқалиши ортидан Хитойдаги мусулмонлар яшовчи район ҳокимияти мактабларни диний дарслар ўтказишни ман этувчи тақиққа риоя қилишга чақирди.

Жума куни «Ассошиэйтед Пресс» ахборот агентлиги тарқатган хабарда айтилишича, Хитойнинг шимолий ғарбида жойлашган Ганьсу райони ҳокимияти мактабларни коммунистик бошқарувнинг расмий лойиҳаларини татбиқ қилишга чақирган. Ҳамма соҳадаги ўқув юртларида диннинг бўлишини тақиқловчи айни лойиҳалар «болаларни ҳимоя қилиши» айтилган.

Ганьсу райони ҳокимияти чиқарган баёнотда «бу видео жамоатчиликда келишмовчилик чиқарди ва кўпчиликнинг ғазабини қўзғади», дейилади. Кейин «Ганьсу райони тарбия вазирлиги ёшларнинг соғлом фикрлашларига зарар етказувчи бундай хатти-ҳаракатни қаттиқ қоралашини ҳамда барча соҳадаги таълим ҳайъатларидан буни дарҳол тўхтатиб, ўқув даргоҳларида диннинг бўлишини қаттиқ тақиқловчи талабга риоя қилиш»ни қўшимча қилди.

Бу видеода болалар боғчасида рўмол ўраб олган ўқувчи қизчанинг Қуръон ўқиётгани, атрофида ўнлаб ўқувчи болалар ва қизлар борлиги ва бошқа қизлар ҳам исломий либосда эканликлари тасвирланган.

Ганьсу районида 6 хил миллатдан иборат 1.8 миллион мусулмон яшайди. Улар Хитойдаги 10 хил миллатдан иборат бўлган 100 миллион мусулмоннинг бир қисми ҳисобланадилар. (skynewsarabia.com).

Роя газетасининг 2016 йил 11 май чоршанба кунги 77-сонидан