بِسْمِ اللهِ الرَّحْمنِ الرَّحِيمِ 

Бу ёлғончи имомларга ўрганолмадик, Ўзинг бизни тузатмасанг тузанолмадик

Каримов тузиб берган қонун-қоида бўйича иш юритадиган Ўзбекистон мусулмонлари диний идораси, ўзи ишониб қўйган имомларга ишонмаслигини ифодалаб, хар жума куни махсус, жума куни жамоатга ўқиб бериш учун тайёрланган тезис, маъвиза матнини тарқатади. Ушбу тезисларда Исломнинг фақатгина ахлоқ ва одоб, ватанни севиш каби бўлимлари Ўзбекистон мусулмонларига гапиришга лойиқ кўрилади. Бу тезисларда Исломнинг сиёсий жиҳатлари, инсонлар ақидаси уларни албатта Исломий ҳаётга олиб бориши ҳақида гап бўлиши, бу Каримов тузган Исломда кулгили хол. Эътибор берадиган бўлсак, ўтган хафта жума куни бутун мамлакат бўйлаб имомлар “Пайғамбар алайҳиссаломга эхтиром” ва “Тинчлик неъматини ардоқлаш хақида” умматни тарбиялаши топширилган эди. Бу жума ҳам, Ўзбекистон имомлари яна мусулмонларга “Тинчлик неъматини ардоқлаш ва уни қадрига етиш кераклиги” ва “Пайғамбар алайҳиссалом ҳаётлари” ҳақида маъвиза қилишлари керак. Қизиқ Исломда тинчлик неъматидан бошқа мавзу йўқми?! Ёки Ўзбекистонда катта нотинчлик бўлаяптида, уни бостириш учун умматга тинчлик неъмат эканлигини тинимсиз эслатиб туриш керакми?!

Пайғамбар алайҳиссаломнинг ҳаётлари ҳақида гапириш яхши лекин, Пайғамбар алайҳиссаломнинг ҳаётлари фақатгина мусулмонларга яхшилик қилиш, ахлоқ – одобли бўлишнинг ўзидан иборат холосми? Пайғамбар аалйҳиссалом ҳаётларида Ислом шариати билан яшашни жорий қилган эмасми? Пайғамбар алайҳиссаломнинг ҳаётларида шариат ҳаётда жорий бўлиши учун кўрилган қийинчиликлар, зулмлар ҳақида нега гапирилмайди, ёки гапирилса ҳам, бир тарафлама гапирилади, саҳобалар мушриклардан шунақа зулмлар кўрган дейилади – да, хозирги пайтда ҳам мусулмонлар айнан шундай зулмларга дуч келаётгани ҳақида ҳеч нарса дейилмайди.

Бу сарой имомлари Пайғамбар алайҳиссалом ва саҳобаларнинг ҳаётини умматга бир тарихда ўтган эртакдек тушунтирадилар. Мусулмонлар айнан шундай яшаганлар, бу хикоялар реал воқелик бўлган деган маънода тушунтирмайдилар.

Бу мантиқсиз тезисларнинг ортида Каримовнинг жирканч ғаразлари ётганлиги шундоқ кўриниб турибди. Яъни Ўзбекистон ички сиёсатида парокандалик вужудга келгани хаммага аён. Ва бу сиёсий ўйинлар жараёни бошланиб бўлди, лекин бу ўйинлар бироз жиддий тус оладиган бўлса, томонлар тортишувни очиқ – ойдин кўринишга олиб ўтишса, сабр косаси тўлиб – тошиб кетган халқ, яъни Ўзбекистон мусулмонлари хақиқатда нотинчлик келтириб чиқариши эхтимоли бор. Шунинг учун умматни яна одатдагидек, олди – қочдилар билан, “биз тинч, атроф нотинч, буни қадрига етайлик” каби, доимий сафсата билан халқнинг қулоғини тўлдириб туриш лозимлигини, Каримов ўзича чора деб билаяпти.

Энди тезиснинг ўзига эътиборни қаратсак, бу хоин диний идоранинг сўзларини қарангки, атрофда баъзи террорчилар тинчлик неъматини қадрига етмаяпти экан. Бу хоин идора олимлари, ўша террорчилар нима учун жонини тикиб, ўлишга рози бўлиб, жонини фидо қилаётганларини сал бўлсада ўйлаб кўришдимикан?! Ўша нотинчликларни ким келтириб чиқаргани хақида ҳам гапиришса бўлмасмикан, умматга “атроф нотинч, биз тинч” деган гапни такрорлайвермасдан, ўша нотинчилкларни келиб чиқиш сабабларини ҳам бир оғизгина гапириб ўтишса бўлмасмикан?! Булар террорчи деб таъна тошини отаётган, ўша, жонини Аллоҳ учун бера олаётган мужоҳидлар Исломни мусулмонлар ҳаётида жорий бўлиши учун ўлимга рози бўлаётганини тушунтирсалар бўлмасмикан?! Йўқ бу сарой уламолари ундай қила олмайдилар!!! Булар бундай фикрлашдан мосуводирлар! Булар золим, яҳудий Каримовнинг тузиб берган Исломини уммат устига жорий қилиш учун маош оладилар. Гапирадиган биронта гаплари, юритадиган биронта фикрлари золим ҳукумат чизиғидан бир қадам ташқарида бўлишини ақлларига сиғдира олмайдилар, чунки бу идора олимлари бу каби сиёсий фикрларни ўйлашдан нафратланадилар, аниқроғи қўрқадилар. “Сиёсий фикрлаш, адашган фирқаларнинг йўли, биз, меҳрибон давлатимизга, бағрикенг президентимизга эргашишимиз керак”, деб ўзларини юпатадилар.

Яна тезисда золим ҳукуматни мақташ борасида, ўша доимий телевидиниени безаб турувчи энг машҳур беш – олтита луғат, озгина қисмидан иқтибос келтирамиз:

“…Кези келганда таъкидлаш жоизки, бу ютуқлар қандай қўлга киритилгани, халқимизга хос бўлган сабр-бардош, мамлакат келажагига қатъий ишонч, ҳамжиҳат ва ҳамфикр бўлиб яшаш, тинчлик-тотувликни асраш, бағрикенг бўлиш, ўзаро меҳр-оқибат кўрсатиш каби улуғ фазилатлар ҳақида аҳолимизга, хусусан, ўсиб келаётган ёш авлодга сўзлаб беришимиз лозим. Токи, бугунги мураккаб шароитда тинчликни асраш учун огоҳлик, сезгирлик, ҳушёрлик ҳар қачонгидан кўра муҳимлигини тўлиқ тушуниб етсинлар….” Биз ушбу ютуқлар ҳақида кўп ўйландик, Ўзбекистон нимани ютди??? Келажакка ишонч деган сўзнинг маъноси нима? Ўзбекистон фуқаросидан хозир келажак хақида фикр сўрасангиз аниқ ишонч билан бирон маъноли гапни ифодалаб бера оладими? Ўзбекистоннинг 4 миллиондан ортиқ ахолиси чет элларда мардикорлик қилиб юргани катта ютуғими? Минглаган мусулмонларни ўзи даъво қилаётган демократиянинг ҳеч қайси қонунига тўғри келмайдиган тарзда қамоқларда ушлаб турилгани ютуқми? Фермерлар устиларидаги зулмдан жонидан тўйиб, ўзини осишгача етиб бораётгани ютуқми? Таълим соҳасини жарга олиб кетилаётани, ўқитувчилар мажбурий мардикорликка солинаётгани, мажбурий пахтага сафарбар қилиниши, ўқувчиларнинг аксари беодоб, ахлоқсиз бўлиб, коллеж ва институтлар, хатто мактаблар йигит – қизларнинг фахш майдони бўлиб бораётгани ютуқми? Умматнинг мулки хисобланган нефт, газ, олтин, уран ва бошқа табиий захираларни куфр қўлига арзон гаровга сотиб, унинг пулини ўрталарида бўлишиб, умматга эса сариқ чақа хам бермай, хатто ўша газнинг ўзини ҳам бермай, устидан кулиб хорлаётгани ютуғими? Бу каби жирканч ютуқларни санайман десангиз тугамайди.

“Аслида, атрофга бир назар ташлайлик, юртимизда бўлаётган бунёдкорлик, ободончилик ва кундан-кунга гўзаллашиб бораётган гўшаларни кўриб, кишининг кўзи қувонади, дили яйрайди, Шуларни ҳис этарканмиз, муҳтарам азизлар, фарзандларимиз, набираларимиз бахти учун суюниб яшайлик, уларнинг ёшлик йиллари саодатли, шукуҳли замонга тўғри келганини уларга англатайлик, буларнинг барчасига шукр қилиш керак. Ёшларимиз ҳамманинг ҳавасини келтирадиган, истеъдодли бўлиб вояга етишяпти….” Бу сўзларни ўқир эканман, телевизорда Каримов нутқ қилаётгандек туюлди. Ҳа ёшларни бахтли қилиш учун туғруқхоналарда ёш гўдаклар совуқ хоналарда, кўкариб қолиб касалланган холатда туғилаяпти, гўдак болаларга боғчадалигидаёқ пахта олиб келиш мажбуриятлари қўйиляпти, ота – онасининг пули шилиняпти, бу ушбу ҳукуматнинг ўз болаларига нақадар меҳрибонлигини кўрсатади. Бундан қандай қилиб суюниш хақида кўп ўйландим, лекин мен суюна олмадим.

Бу сарой олимлари эса, умматни шу каби зулмларга кўз юмиб, муҳими биз тинчмиз, деб ўтириши учун тўтиқушдек сайрашда давом этмоқда.

Лекин ушбу сарой олимлари бир нарсани билинглар! Бу аниқ ҳақиқатки, хар нарсанинг чегараси бор, бу кофир Каримов тузумининг ҳам чегараси бор, аниқроғи унинг тугаши яқинлашиб ҳам қолди, сиз эртага Аллоҳ Таъоло олдида, тикланажак Ислом халифалиги олдида албатта жавоб беришингизни ўйланг!!!

فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا

“Йўқ Роббингизга қасамки, улар(мусулмонлар) ўрталарида чиққан муаммоларда сизни ҳакам қилмагунларигача(сиз келтирган шариат билан хукм қилмагунларигача), кейин сиз қилган хукмдан қалбларида ғашлик топмай тўлиқ бўйсунмагунларигача асло мўъмин бўла олмаслар.”   (Нисо. 65)

Сизлар, эй сарой олимлари, мусулмонларга Исломни гапиришда Каримовни ҳакам қилишни тўхтатиб, Пайғамбарингизни(соллаллоҳу алайҳи ва саллам) ҳакам қилсаларингиз ўзларингизга яхши, акс холда Қиёмат кунида ўша ўзларингиз сиғинадиган Каримов билан бир қаторда туриб, Аллоҳ Таъолонинг олдида хисоб китоб қилинишингизни яхшироқ ўйлаб кўринглар!

Ҳизб ут-Таҳрирнинг Ўзбекистондаги медиа офиси

02.02.2014й