بِسْـــمِ اللهِ الرَّحْمٰـــنِ الرَّحِيـــم

Роя газетаси:

Човушўғли: Туркиянинг яҳудийлар давлати билан муносабатлари муштарак манфаатлар сабабли давом этади!

Ҳижрий 1439 йил 19 робиус-соний, милодий 2018 йил 6 январ шанба куни «Қудсул Арабий» сайти нашр қилган хабарда бундай дейилади: (Бу хабар қисқа ўзгаришлар билан келтирилди).

«Туркиянинг таъкидлашича, Фаластин масаласига доир тарангликка қарамай, яҳудийлар давлати билан муносабатлар муштарак манфаатлар сабабли давом этади. Бу ҳақда Туркия ташқи ишлар вазири Мавлуд Човушўғли – президент Ражаб Тоййиб Эрдоганнинг Париж сафари пайтида – иброний тилидаги «Исроил овози» мухбири билан ўтказган мулоқоти чоғида айтди.

Човушўғли – Туркия давлати антисемитист эмаслигини, бироқ яҳудийлар давлатининг Ғазо ва Қуддусдаги фаластинликларга қарши сиёсатига Анқаранинг асло рози бўлмаслигини таъкидлади.

Човушўғли ечим икки давлат принципида мавжуд, дея ишонишини айтиб, Туркия яҳудийлар билан фаластинликлар ўртасида воситачи бўлишга тайёр эканига эътиборни қаратди».

Роя газетаси шарҳи:

Шуни таъкидлаш лозимки, илмоний Эрдоган режими билан муборак Фаластин заминини босиб олган яҳудийлар давлати ўртасидаги муносабатларнинг давом этишига турк режимининг манфаатпарастлик нуқтаи назари сабабдир. Чунки у бошқа давлатлар билан мана шу нуқтаи назарга асосан муносабат ўрнатган. Ушбу давлатлар воқеси ва улар билан муносабат ўрнатишнинг шаръий ҳукми қандай бўлиши унга аҳамиятсиздир. Масалан, унинг яҳудийлар давлати, Россия ва АҚШ билан бўлган муносабатлари ҳеч кимга сир эмас. Ҳолбуки, булар биз билан амалда уруш ҳолатидаги давлатлар бўлиб, улар билан бирор бир муносабат ўрнатиш мутлақо ножоиздир. Бу давлатларнинг исломий юртларга бурун суқиб, мусулмонлар қонини дарёдек оқизаётгани бунга яққол далилдир. Бироқ Эрдоган режими бу қаттоллар билан мустаҳкам муносабат ўрнатиб келмоқда. Эрдоганнинг мусулмонларга қарши душман давлатлар содир этаётган жиноятларга нисбатан реакцияси эса, фақат чиройли, қуруқ гаплару ва ёлғон баёнотларга чекланган бўлиб, у на жиноятни тўсади ва на мусулмонларга ёрдам беради! Афсуски, Эрдоган режимининг шунча хоинликларига қарамай, ҳануз мусулмонлар орасида унга алданиб, уни мусулмонларнинг ғамхўр ёрдамчиси деб ҳисоблайдиганлар ҳам топилмоқда.

Роя газетасининг 2017 йил 10 январ чоршанба кунги 164-сонидан