Cиёсий муфаккир Ёсир Ғойс (Абу Аммор)нинг вафоти ҳақида хабар
بِسْمِ اللهِ الرَّحْمٰنِ الرَّحِيم
Матбуот баёноти
Даъватни етказувчиларнинг биринчи авлодидан бири буюк сиёсий муфаккир Ёсир Ғойс (Абу Аммор)нинг вафоти ҳақида хабар
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً
«Мўминлар орасида Аллоҳга берган аҳду паймонларида содиқ турган кишилар бор. Улардан айримлари ўз аҳдига вафо қилди, (яъни шаҳид бўлди), айримлари эса (шаҳидликка) интизордир, (улар аҳду паймонларини) ўзгартирганлари йўқ» [Аҳзоб 23]
Ҳизб ут-Таҳрир-Иордания вилояти бутун Ислом Умматига, хусусан Иордания ва Фаластиндаги мусулмонларга тақводор, садоқатли аъзоларидан ҳамда вафодор шайхларидан бири Ёсир Халаф Ғойс (Абу Аммор)нинг вафот этганини чуқур қайғу ила хабар қилади. У улкан вазифаларни бажарган сиёсий муфаккир эди.
Шайх бугун 2017 йил 14 октябр шанба куни 71 ёшида парвардигор ҳузурига реҳлат қилди. У киши бутун умри давомида Аллоҳ Субҳанаҳуга итоатда бўлди, исломий даъватни етказиб, Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлашга ҳаракат қилди. Аллоҳ Субҳанаҳунинг
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа-ҳукмрон қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирор нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир» [Нур 55]
деган ваъдасига ҳамда Росулуллоҳ САВнинг
«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»
«Кейин Пайғамбарлик минҳожи асосидаги Халифалик бўлади», деган башоратларига бўлган кучли ишонч билан Исломга ва даъватга хизмат қилиш йўлида маломатчининг маломатидан қўрқмади, иккиланмади, сустлик қилмади.
Дарҳақиқат, Исломни ва мусулмонларни ёмон кўрувчи Иордания режими Абу Амморни даъват олиб боргани ва Исломга амал қилгани учун, аввал қаттиқ қийноқларга солиб, сўнг уч йилга ноҳақ қамоққа ташлаган эди. Иордания разведка хизмати билан, Фаластин Озодлик ташкилотининг «Расад савра», дея номланган разведка хизматининг жинояткор ходимлари Абу Амморни шу даражада шафқатсиз қийнашганки, ҳатто ҳалок бўлишга бир баҳя қолган эди. Аммо буларнинг барчаси уни бор куч-қуввати, иқтидор ва фидоийлиги билан даъватни етказишдан бура олмади.
Аллоҳ Таолога дуо қилиб, Ислом Умматини ва бизни жудо қилиб кетган Абу Амморни Ўзининг кенг раҳматига буркашини ҳамда Фардавси аълода анбиёлар, сиддиқинлар, шаҳидлар, солиҳлар билан ҳамроҳ қилишини сўраймиз, улар билан ҳамроҳ бўлиш нақадар ажойиб бахтдир! Шунингдек, Аллоҳдан унга зулм қилганлардан ҳам, қийноққа солганлардан ҳам ўч олишини ўтиниб сўраймиз, У ўтинчларни эшитувчи, дуоларни қабул қилувчи зотдир. Аллоҳ Субҳанаҳудан барчамизга, Абу Амморнинг аҳли оиласига сабри жамил ва чиройли таъзия тилаб қоламиз.
إِنَّا لِلّهِ وَإِنَّـا إِلَيْهِ رَاجِعونَ
«Албатта биз Аллоҳнинг бандаларимиз ва албатта У зотга қайтгувчилармиз» [Бақара 156]
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
