Яхши ҳаёт сири
Яхши ҳаёт сири
بِسْمِ اللهِ الرَّحْمٰنِ الرَّحِيم
Кўплаб китоблар ёки ҳар хил кўрсатмаларга ном танлашда юқорида биз номлаганимиздек ниманингдир сири, дея номлаш одат тусига кирган. Мисол учун: “Узоқ умр кўриш сири”, “Бой бўлиш сири” каби. Шундай номланса одамларни жалб қилиш ҳам осон бўлади. Чунки одамлар, аввало, сирли нарсаларга кучлироқ қизиқадилар ҳамда ўзлари истайдиган ёки етишга ҳаракат қилаётган нарса тўғрисида билиш қизиқишни янада кучайтиради. Бу қизиқиш эса, интилишга айланади. Лекин бу жалб қилишларнинг аксари кутилганидек бўлиб чиқмайди.
Яхши ҳаёт кечиришни соғлом ақлга эга бўлган барча инсонлар хоҳлайдилар. Лекин унинг сири нимада эканини ҳамма ҳам билавермайди. Чунки бу сирни билиш учун дунё ҳаётини тушуниш ва тўғри яшаш тартиботини топа олиш керак. Дунё ҳаёти ҳақида тўғри тушунчага келиш унга қандай муносабатда бўлиш кераклигини очиб беради. Бу худди бир катта бинони ичида бўлиб қолиш ва вақт ўтгани сари бу бинонинг ҳар бир хонаси ва бурчагини билиб олиб, шу бинода энди бемалол ҳаракатланишга ўхшайди.
Бу ҳаётда яшаш учун тўғри кўрсатмалар берилган манбадан фойдаланиш керак. Чунки фақат ҳаракатланишнинг ўзи етарли эмас. Тўғри яшаш тўғри ҳаракатланишни талаб қилади. Тўғри ҳаракатланиш тўғри кўрсатмага муҳтождир. Шу тўғри кўрсатмани таниш, амал қилиш инсониятни яхши яшашига сабаб бўлади. Бу эса, албатта Исломдир. Ислом ҳаётдаги ҳаракатлар учун тўғри кўрсатма, инсон муаммоларига тўғри муолажаларни ўзида мужассам этгани кўп марта таъкидлаб ўтилган.
Мисолимизда айтилганидек, бинонинг ичини яхши билиб олса-да, у ерда тўғри ҳаракатланиш учун ёруғлик ва тўғри кўрсатма керак бўлади. Ислом бу дунёни инсонга тўғри танитиш билан бирга унда тўғри ҳаракатланиш учун ёруғлик ва тўғри кўрсатма бўлади. Аслида ҳаётда тўғри ва яхши яшаб ўтишнинг сири ҳам айнан шунда. Чунки Ислом шу дунё ҳаётини яратган Яратувчи туширган диндир. Бу ҳаётдаги ҳар қандай сир Яратувчига аёндир. Демак, яхши яшашнинг сирини очувчи калитлар У зотнинг бизга берган динида мавжуддир. Исломни инсоннинг ҳар бир соҳадаги муаммоларини муолажа қилувчи тузум сифатида эътибор бериб ўргансак ва ҳаётимизга татбиқ қилсак, бу дин ҳаётда яхши яшашимиз учун ҳаёт сирларини очишимизга ёрдам беради.
Ҳизб ут-Таҳрирнинг Ўзбекистондаги медиа офиси. Абдуллоҳ
29.10.2019й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми