Даттон ва Тернбуллнинг изоҳлари шармандалидир, сиёсатлари эса ундан-да ёмон
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Даттон ва Тернбуллнинг изоҳлари шармандалидир, сиёсатлари эса ундан-да ёмон
Кеча Австралия бош вазири Малкольм Тернбулл иммиграция вазири Питер Даттон берган баёнотни юзсизларча олқишлади. Айниқса, у ўз баёнотидаАвстралиядаги асли ливанлик мусулмонларни террорчиликда айблаб, етмишинчи йилларда ливанлик мусулмонларнинг кўчиб келишларига рухсат бериш хато бўлганини айтди.
Ҳизб ут-Таҳрир-Австралия бундай баёнотларни қоралаган юртдаги мусулмонлар жамоаси позициясига қўшилган ҳолда, қуйидагиларни таъкидлайди:
1 – Австралияга киришга ҳақлари йўқ эди, дея иммиграция вазири томонидан қораланаётган мусулмонлар, аслида, ҳурмат-эҳтиромга ҳақлидирлар. Дарҳақиқат, бу муҳожирлар етмишинчи йиллари уруш келтириб чиқарган азоб-уқубат ва фалокатлар оқибатида, жонлари ва тирикчилик воситаларини эҳтиётлаб, ўша пайтдаги бошқа кўпчилик қатори юртларидан қочиб чиқишга мажбур бўлганлар. Австралияга етиб келганларида эса уларни батамом ёт юрт ва ажнабий сақофат кутиб олган, кўплаб фитналар, машаққатлар, тил билан боғлиқ тўсиқларга дуч келганлар, ўзлари одатланган касб-ҳунарларни ўзгартиришга мажбур бўлганлар, юрт соғинчи ва дискриминацияни бошдан кечирганлар. Шунча қийинчилик ортидан ўзларидаги энг олий фазилатларини сарфлаб, фарзандлари учун қаттиқ меҳнат қилганлар. Демак, Тернбулл билан Даттоннингмана шундай инсонлар қатламини маломат қилиши ўта кетган пасткашликдир. Бу иккиси муҳожир ва қочқинлар берган буюк фидокорликни назар-писанд қилишмаяпти.
2 – Даттон баёнотининг жуда разил аҳмоқона баёнот эканида асло шубҳа йўқ. Ахир, бу мусулмонлар жамоаси юртга ўнлаб йиллар муқаддам кўчиб келган бўлсалар-у, бугун содир этилаётган айрим жиноятларда қандай қилиб бутун муҳожир жамоани айблаш мумкин, ваҳоланки, айни жиноятларни содир этганлар жамиятнинг турли қатламларидан бўлган бўлса?! Иммиграция вазирининг жамиятдаги муайян қатламни нишонга олаётгани, аслида, бу кимсадаги яширин кек-адоватни фош этмоқда. Унинг асл ливанлик мусулмонларга нисбатан кек-адоват сақлашига Сурия масаласи сабабдир, маҳаллий масалалар эмас. Бу унинг вазирлиги томонидан ўтган феврал ойида сизиб чиққан миллий хавфсизлик ҳужжатидан ҳам яққол кўриниб турибди. Ҳужжатда ливанлик мусулмонлар «австралиялик сунний экстремистлар орасида яққол кўзга ташланувчи ирқий жамоа», дея аталган. Аслида, агар бу мусулмонлар Сурияга қонхўр Асад режими ваҳшийлиги остида қолган мазлум айбсиз халққа ёрдам бериш учун эмас, уларни қирғин қилаётган шу режимга ёрдам бериш учун борганларида эди, Даттон бундан хурсанд бўлган бўларди! Бу «террорчилар» ва «ажнабий жангчилар», деган атамалардан ягона мақсад, бугун бутун дунё кучларининг Сурия қўзғолонига қарши олиб бораётган шармандалик ва қонли сиёсий курашларини оқлашдан бошқа нарса эмас.
3 – Агар бош вазир билан иммиграция вазири ўтмишда қилинган хатолардан сабоқ олишга ҳақиқатдан ҳаракат қилганларида эди, буни аввало қирол Жорж III қўллаган «иммиграция сиёсати»дан бошлаган бўлардилар. Мустамлакачилик, деб ҳам аталган айни сиёсат Австралияни миллатчилик ва ғайриинсонийлик пойдеворлари устига барпо бўлишига олиб келди, бунинг салбий оқибатлари шу кунгача ҳамон сақланиб келмоқда. Шунингдек, иккала вазир Ғарбнинг янги замонда бутун дунёга кўплаб инсоний кризисларни олиб келган ташқи сиёсатдаги ролига ҳам назар ташлашлари мумкин эди. Чунки айни рол энг аввало, қочқинлар муаммосини келтириб чиқарди. Австралиялик сиёсатчилар қочқинларни қучоқ очиб кутиб олаётганликлари билан доим мақтаниб келишади, бироқ қочқинларга муаммо яратишда энг аввало Австралия асосий рол ўйнаётганидан кўз юмишади!
4 – Аслида, бу изоҳ ва сиёсатлар бирин-кетин келаётган Австралия ҳукуматларининг ушбу тушунча-қаноатларга тарғиб қилиш ҳамда Ислом ва мусулмонларни маломатлашдаги ўзгармас стратегияси натижасида келиб чиқмоқда. Зеро, улар ўзларининг сиёсатлари оқибатларидан жамоатчилик фикрини чалғитиш мақсадида мана шундай маломат тошларини отишмоқда. Шу боисдан биз уларни ақидапарастлик ва экстремизм мавзусида баҳсу мунозаралар ўтказишаётганини, иммиграцияни кодификация қилишга эътибор қаратишаётганини, бир вақтнинг ўзида, терроризмга ҳукуматнинг ички ва ташқи сиёсати асосан сабаб бўлаётганидан ўзларини олиб қочишаётганига гувоҳ бўляпмиз. Одамлар диққатини мусулмон муҳожирларга қаратиш арзонгаров масъулиятсиз уринишдир. Шу боис уларнинг ирқий қўрқитувлар билан ўйин қилишаётгани ҳамда ажнабийлар томонидан келадиган эҳтимолли таҳдидлар, деган даъволарни тарғиб қилишаётгани ажабланарли ҳол эмас.
5 – Шу ўринда бир нарсани таъкидлаб ўтиш лозим: Даттоннинг ливанлик мусулмонларни террорчиликда айблаши сиёсий тушунчага асосланган бўлиб, биз буни терроризмга қарши курашга оид шафқатсиз қонунлар ва тизимлар шаклида кўриб турибмиз. Бу нарсалар Говард ҳокимияти давридан бошлаб, Руд, Гилард ва Эббот ҳокимияти даврига қадар шармандали, сиёсатлаштирилган ҳолда давом этиб келди. Ахборот воситаларининг олдиндан хулоса чиқаришлари, уйларга бостириб киришлар, қароқчилик, жосуслик тактикалари, айблов далилига айланиб қолган важ-баҳоналар, буларнинг барчасидан жуда қулай пайтда фойдаланилмоқда, шу орқали ҳукумат кучга киритган ғоят репрессив қонунларига оқлов пайдо қилишга уринмоқда.
6 – Австралияда яшовчи мусулмонлар жамоаси, сўнгги пайтда анча кучайиб қолган бу турдаги разил сиёсат ва унинг хавф-хатарларини кўп кўрдилар. Биз бу жамоанинг бунга қарши кучли позиция эгаллаганини биламиз ҳамда уларни бундай шармандали дискриминация ва очиқдан-очиқ эксплуатацияга қарши сабот билан туришни давом эттиришга тарғиб қиламиз. Илгари «бирлашиш» ва «ҳамкорлик» деган нарсалар билан ҳукумат ўз режаларини амалга оширишда фойдаланган, сўнг эса аро йўлда ташлаб кетган кишиларга қадамларини ўйлаб босишни насиҳат қиламиз. Авваламбор, улуғ мусулмон жамоамизга муваффақиятимиз гарови фақат Аллоҳ Таолога суяниб, кейин, буюк Ислом динимизга астойдил амал қилишда эканини эслатмоқчимиз.
وَمَن يَتَّقِ اللَّـهَ يَجْعَل لَّهُ مَخْرَجًا
«Ким Аллоҳдан қўрқса, (Аллоҳ) унга чиқар йўлни пайдо қилиб беради» [Талоқ 2]
Ҳизб ут-Таҳрирнинг
Австралиядаги матбуот бўлими
Телефон: +61 438 000 465
Электрон почта: Этот адрес электронной почты защищен от спам-ботов. У вас должен быть включен JavaScript для просмотра." style="color: #000000;">media@hizb-australia.org
