بِسْمِ اللهِ الرَّحْمنِ الرَّحِيمِ 

Матбуот баёноти

Демократик сайловлар саҳродаги саробдир

2017 йил 8 августда кучлироқ эҳтимолга кўра қарийб 19 миллион кениялик оммавий сайловларда овоз беради. Бу – Кенияга кўппартиявий демократия олиб кирилганидан бери бешинчи сайлов. Сайловдаги асосий рақобат «JUBILEE» коалицияси етакчиси ҳозирги президент Ухуру Кениата билан унинг асосий рақиби Миллий Коалиция партиясидан Раила Одинга ўртасида кетмоқда. Ҳар икки рақобатчи ва уларнинг тарафдорлари юртнинг ҳар бир бурчагида сайловолди кампаниясини бошлашди. Иккаласи ҳам сайловчиларга яшаш шароитларини яхшилашни ваъда қилмоқда.

Бироқ сайлов участкаларига йўл олган юрт аҳлини қўрқув эгаллаган. Чунки улар бирор зўравонлик амалиёти содир этилиши мумкинлигидан хавотирда. Хавфсизлик хизмати ва бир неча фуқаролик жамиятлари сайловларни тинч ўтказишга чақирди.

Шу хусусдан Ҳизб ут-Таҳрир-Кения қуйидагиларни таъкидлайди:

Сайловларда қайси коалиция ғалаба қозонмасин, оддий одамлар яшаш шароитида ҳеч қандай туб ўзгариш бўлмайди. Бунинг сабаби, юртдаги демократик тузумнинг асл башараси ёлғончиликдан иборатлиги ва унинг халқ манфаатларини ҳимоя қилишига мутлақо ишончнинг йўқлигидадир. Ҳукуматнинг асл башараси ҳам уникидан қолишмайди. Эртага тузиладиган янги ҳукумат ҳам мана шу коррупцион эксплуататор капиталистик мустамлакачилик сиёсатидан ўзга сиёсат олиб бормайди. Бинобарин, қатор ваъдалар берилган ўзгаришлар бўлмайди, фақат масъул-мулозимлар ўзгаради, холос, реал ўзгаришга умид йўқ.

Сайловлар чоғида бўлиши мумкин бўлган зўравонлик ва тартибсизликлардан қўрқув ҳақиқатдан ҳам кишини хафа қиладиган ҳол ва буни нима қилиб бўлмасин, албатта олдини олмоқ лозим. Чунки инсон доимо тинч ва осуда яшамоғи лозим. Умуман олганда, халқдаги бу қўрқув шу демократик мустамлакачилик режимнинг жамиятни бирлаштиришда омади чопмаганини кўрсатиб турибди. Ахир, қабилачилик ҳамда партия ва регионлар асосида одамларни бўлиб ташлаш билан зўравонликка гижгижлаётган шу режимнинг ўзи эмасми?! Бундан ташқари, капиталистларга нисбатан айтадиган бўлсак, демократиядаги етакчилик шахснинг ўз нафсини рози қилиши ва фақат шахсий манфаатини амалга оширишдан иборат. Шунинг учун сиёсатчилар ҳокимиятга етиб олиш йўлида халқни қабилачилик асосида бўлиб ташлашга ўхшаган ҳар қандай ифлос ишдан фойдаланишяпти. Эслатиб қўяйлик, қабилачилик энг заиф алоқа. Чунки у тараққиётга эришишни орзу қилаётган инсонлар ўртасини боғлашга ярамайди, аксинча, уларни ҳокимият йўлида бир-бирлари билан рақобатлашишга, бинобарин, ўзаро қирпичоқ бўлишларига олиб келади.

Демократик сайловларда сайланганлар, сайловчилар истагини гавдалантирмайди, бу демократия куйчилари назарияси, холос. Қолаверса, улар сиёсий синфга таъсир ўтказа олувчи элита, яъни капиталистлар истаги асосида сайланадилар. Буни лорд Хейлшем ҳам таъкидлаган, бир куни у «сайланган диктатуралар, шу элита томонидан сайланиб, бошқарилади. Сайловчилар овозининг эса, бунга алоқаси йўқ», деб айтганди.

Энди мусулмонларга келсак, биз уларга шуни эслатиб қўймоқчимизки, уларнинг айни сайловларда қатнашишлари фақат битта маънони англатади. Яъни сайловларда қатнашишлари билан бузғунчи илмоний ақидани қўллаб-қувватлашади, уни янада мустаҳкамлашади, холос. Ваҳоланки, бу ақидада Холиқ Субҳанаҳу билан Унинг ҳаёт учун нозил қилган аҳкомлари ва муфассал қонунчилиги ўртаси ажратилган. Чунки илмонийлик қонун чиқариш ҳуқуқини «оқил-доно» шахс қўлига беради. Бундан ташқари, демократия замонида икки бир хил жинслилар никоҳи, спиртли ичимликлар истеъмоли каби барча бузуқ ахлоқи разолатлар қонунан эътироф этилди.

Шунинг учун юрт мусулмонларига демократик қуруқ ваъдаларга ишонмасликни, балки буюк исломий даъватни етказиб, Кения ва бутун дунё бошига тушаётган муаммоларни ҳал қилувчи ягона альтернатив бўлган Исломни башариятга етказишимиз лозимлигини эслатмоқчимиз.

Ҳизб ут-Таҳрирнинг

Кениядаги матбуот бўлими

Телефон: +254 737 606 667 – +254 717 606 667

Электрон почта: abuhusna84@yahoo.com