بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Демократик тузум Аллоҳ нозил қилмаган нарсалар билан ҳукм юритишдир

وَمَنْ أَحْسَنُ مِنَ اللَّـهِ حُكْمًا لِّقَوْمٍ يُوقِنُونَ

«Имонлари комил бўлган қавм учун Аллоҳдан ҳам гўзалроқ ҳукм юритувчи ким бор?!»    [Моида 50]

Шу кунларда юртда янги номзодларни Уммат мажлисига сайлашга қизғин тарғибот-ташвиқотлар кетмоқда. Бу амирнинг айни мажлисни тарқатиш тўғрисида расмий фармони чиқиб, сайловлар ўтказишни 2016 йил 26 декабр шанба кунга белгилангандан сўнг бошланди.

Биз одамлар маҳаллий сиёсий манзара тафсилотлари билан машғул бўлиб турган бир дамда, бу нарсаларга қуйидагича аниқлик қиритмоқчимиз:

–    Инсонлар ўз ўрталарида чиққан келишмовчиликларда Аллоҳнинг шариатини ҳакам қилишлари фарз бўлиб, буни Аллоҳ Азза ва Жалла иймон билан боғлаган. Аллоҳ Таоло бундай деди:–   

فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا

«Йўқ, Роббингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича зинҳор мўмин бўлолмайдилар» [Нисо 65]

Шариатнинг бошқарув ишларини ҳамда ҳукмдор билан фуқаро ўртасидаги алоқаларни тартиблаштириб берадиган аҳкомларни ўз ичига олганлиги қатъий бўлиб, аниқ ҳис қилинадиган масаладир.

–    Демократик тузумда хўжайинлик халқники бўлиб, халқ ҳукм юритиш, ҳокимиятга ҳукмдор олиб келиш ва уни ишдан бўшатиш, дастур ва қонунлар ишлаб чиқиш, уларни бекор қилиш, ўзгартириш, алмаштириш каби ҳуқуқларга эга.

–    Ислом тузуми Халифаликда эса хўжайинлик шариатникидир, халқ-Умматники эмас. Унда қонун ишлаб чиқишга на Умматнинг ҳаққи бўлсин, на халифанинг, чунки шариат тузувчи Аллоҳ Субҳанаҳудир. Шунингдек, Уммат ҳукмдорни ишдан олишга ҳам ҳақли эмас, уни шариат ишдан олади. Лекин Уммат ҳукмдор сайлашга ҳақли. Чунки Ислом ҳокимиятни Умматга берган, унга ўзи танлаган кишини вакил қилиш ва унга байъат қилиш вазифасини топширган.

Демак, шундай қилиб, биз аввало Аллоҳ Таолони рози қилиш, кейин эса, сиёсий барқарорликни ўрнатиш учун албатта Аллоҳнинг шариатига риоя қилиб, демократик тузумни рад этиш шарт эканини таъкидламоқчимиз. Аллоҳ Азза ва Жалла бундай деди:

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا

«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур»    [Тоҳа 124]

Тўғри сиёсий ечимни хоҳловчи ҳар қандай холис кишида «Хўжайинлик шариатники, ҳокимият Умматники», деган ҳақ шиор бўлиши табиий. Ҳа, шариат хўжайин бўлиб, ҳамма унга бўйсунади, у эса «ҳа» ва «йўқ», деган овозларга бўйсунмайди!

Ҳа, ҳокимият Умматникидир, у шариатни татбиқ қилувчи ҳукмдорни танлайди. Ундан айни ҳуқуқни тортиб олиш, Исломда шаръан гуноҳдир. Умар ибн Хаттоб РА бундай деганлар: «Ким бирор кишига мусулмонлар билан маслаҳатлашмасдан байъат қилса, унга ва байъат қилган кишига – бу иккиси ўзларини ўлимга дучор қилганлари учун – эргашилмайди».

Ҳизб ут-Таҳрирнинг Кувайтдаги матбуот бўлими

Электрон почта: Этот адрес электронной почты защищен от спам-ботов. У вас должен быть включен JavaScript для просмотра." style="color: #000000;">hsn.kwt@gmail.com