Долзарб 90 кун
Долзарб 90 кун
بِسْمِ اللهِ الرَّحْمٰنِ الرَّحِيمِ
1 июн куни Ўзбекистон бўйлаб барча ҳудудларда “Долзарб 90 кун” доирасида ўқувчиларнинг ёзги таътил давомидаги вақтини мазмунли ташкил этиш бўйича рамзий старт берилди. Тадбирда ҳокимлик, Давлат хавфсизлик хизмати, Мактабгача ва мактаб таълими вазирлиги, Ёшлар ишлари агентлиги, ҳамкор ташкилотлар, ўқувчилар ҳамда кенг жамоатчилик вакиллари иштирок этди. Маълумки, 15 май куни Президент Шавкат Мирзиёев раислигида мактаб таълими юзасидан видеоселектор йиғилиши бўлиб ўтди. Унда Мактабгача ва мактаб таълими вазирлигига бутун тизими билан “фавқулодда тўқсон кунлик” тартибида ишлашга ўтиш топширилди. Мирзиёев 6 миллиондан зиёд ўқувчи ва 1 миллиондан ортиқ талаба таътилга чиқишини таъкидлаб, барча ҳокимлар ва таълим соҳаси раҳбарларига ёзги таътил вақтида барча таълим муассасаларининг спорт майдончаси ва ўқув хоналарида ёшлар учун спорт, фан ва касб тўгаракларини очишга буйруқ берди. Шунингдек, мутасаддиларга жойлардаги амфитеатр ва сайилгоҳларда ҳар куни концерт ва мусиқа кечалари ўтказиш, маданият ва истироҳат боғларида санъат кўргазмалари, шеърият кечалари ва интеллектуал ўйинлар ташкил этишни топширди.
Мирзиёевнинг бу жон куйдиришлари ёшларни Бухорий, Термизий, Ал-Хоразмий издошлари сифатида етук авлод қилиб эмас, балки Ғарбнинг бузуқ сақофати қурбонлари қилиб тарбиялаш учундир. Чунки таътил бошланиш арафасида ота-оналар фарзандлари ёзги таътил пайтида Исломий таълим олмаслик, масжидларга бормаслиги учун кафолат хатларини имзолашга мажбур қилинмоқда. Кафолат хатида, жумладан, шундай сатрлар бор: гуруҳ ва оммавий ташаббусларда иштирок этмаслигига, ноқонуний ҳужраларда таҳсил олмаслигига, турли диний оқимларга қўшилмаслигига, масжидларга бормаслигига… кафолат бераман. Мирзиёев: “Ҳозирда 7-11 синф ўқувчилари кунига 8 соатгача вақтини телефонда ижтимоий тармоқларда ўтказаётгани мактаб директори ва муаллимни ҳам, ота-оналарни ҳам ўйлантириши зарур”, деганда хавотири нимадан эканлиги кўриниб турибди. Шу билан бирга, Ислом таъсиридан тўсиш учун маънавий жиҳатдан яроқсиз эканлигини ҳам айтиб ўтди: “Тўғри, бугунги кунда ёшлар маънавияти билан ҳамма шуғулланяпти. Лекин зарарли ахборотларга қарши тура оладиган миллий контент яратиш, уларни тарғиботи, ижодкорларни қўллаб-қувватлаш бўйича профессионал ташкилот йўқ”. Ушбу иқтибослардан кўриниб турибдики, Мирзиёевнинг бор-йўқ чораси, ёш авлодни Ғарбнинг жирканч оғушига отишдан бошқа нарса эмас! Бу унинг сўзларидан ҳам ўз тасдиғини топиб турибди.
Шунингдек, Мирзиёев “Президент иқтидорли фарзандлари” миллий дастурини бошлаш ва “Гарвардчилар мактаби”ни очиш бўйича катта фармон имзолаганини ҳамда миллий дастур асосида маслаҳатчилар мактаблардан ҳар йили энг салоҳиятли 3 минг ўқувчини танлаб олиб, АҚШнинг Гарвард, Йель, Колумбия, Корнель каби олийгоҳларига тайёрлашини айтди. Ваҳоланки, кофир Ғарб белгилаб бераётган таълим дастурларининг аянчли оқибатлари мактаб ёшидаёқ юзага чиқиб бўлди. Фақатгина 2023 йилнинг ўзида мактаб ёшидаги 1144 нафар қиз ҳомиладор бўлган. Бу ҳали расмий рақамлар, холос, рўйхатга олинмагани қанча! Фарғона вилоятида абортдан кейин 14 ёшли қиз вафот этди. Навоийда 8-синф қиз она бўлди. Бухорода эса, 12 ёшли мактаб ўқувчиси ҳомиладор бўлган. Самарқандда ҳам 13 ёшли мактаб ўқувчиси 25 ҳафталик ҳомиладор экани аниқланган. Аслида эса, “миллий дастур” деб номланаётган Ғарб дастурлари ўрнига Мирзиёев тақиқлаётган Исломий билимлар таълим дастури сифатида татбиқ қилинсагина, ёш авлод Бухорий ва Термизийлар издошлари бўлиб тарбияланиши билан бирга жамиятда поклик кафолатланади. Таъкидлаш лозимки, Ғарб тавсия ва режалари асосида тайёрланган мазкур “миллий дастур” мусулмон ёшларимизни турли бузуқликлар гирдобига рўбарў қилишга қаратилган ва асло бундан бошқасига хизмат қилмайди. Аллоҳ таоло айтади:
وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا
– “…шаҳватларга берилган кимсалар эса (ҳақ йўлдан) бутунлай оғиб кетишингизни истайдилар”. (Нисо:27)
Ҳизб ут-Таҳрир Ўзбекистон Матбуот бўлими аъзоси Иззатуллоҳ
10.06.2025й
