بسم الله الرحمن الرحيم

Матбуот баёноти

 إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ

Ҳеч шак-шубҳа йўқки, сабр-тоқат қилгувчиларга ажр-мукофотлари ҳисоб-китобсиз тўла-тўкис қилиб берилур. [Зумар -10]

Оламлар Робби-Аллоҳга ҳамдлар бўлсин!  29 сентябр куни биродаримиз Рафис Галиуллин Қозоғистон мустабидининг қамоқхоналарида узоқ вақт, яъни етти йил ўтирганидан кейин озодликка чиқарилди. Қамоқдан чиқаётган пайтида аёли ва фарзандлари кўришга муштоқ бўлиб, уни кутиб турган эди.

Рафис Галиуллин 2009 йил октябр ойида қўлга олинди ва у Ҳизб ут-Таҳрир сафида бўлиб, пайғамбарлик минҳожи асосида Халифалик давлатини барпо қилиш орқали Исломий ҳаётни қайта бошлашга даъват қилгани учун 7 йил қамоқ жазосига ҳукм қилинди. Қўлга олиниши ва узоқ йиллик қамоқ жазоси даврида мустабид режим Ҳизб фикрларидан воз кечиши учун унга босим беришга уринди. 2014 йил октябр ойидан буён Галиуллин Караганда област, Жезказган шаҳридаги АК-159/25 сонли қамоқхонада эди. Мана шу қамоқхона маъмурияти Рафисни қаттиқ қийноққа солиб, камситди ва ҳаддан ортиқ қўпол муомалада бўлди. Ундан Ҳизбга туҳмат қилишни ва унинг йигитларини обрўсизлантиришни талаб қилди, бироқ бунинг ҳам фойдаси бўлмади.

Рафисни қамоққа ташлаш билан иш тўхтаб қолмади. Масалан, 2013 йили Рафиснинг аёли Наталья Войтенковани ушлашди. У уч фарзанднинг онаси эди. Унга экстремизм ва (терроризм)га ташвиқот қилиш айби қўйилиб, беш йил қамоқ жазосига ҳукм қилинди, бироқ қамалганидан тўрт ой ўтиб, халқ қўзғолиб кетганидан кейин муддатидан илгари шартли равишда озодликка чиқаришди.

Биродаримиз Рафиснинг озод қилиниши Ҳизбнинг Қозоғистондаги фаолияти давомида бизга келган биринчи яхши хабардир. Негаки, 2000 йилдан бери ва бундан илгари ҳам Қозоғистондаги мустабид режим Ҳизб ут-Таҳрирнинг 400 аъзосини 2 йилдан 9 йилгача қамоқ жазосига ҳукм қилган эди. Бу йигитлар ўз позицияларида қаттиқ туриб, Ҳизб ут-Таҳрирнинг фикрларидан қайтмаганликлари учун уларнинг ярмига янги жазо беришди.

2001 йили, 1979 йил туғилган биродаримиз Беймбетов Канат ўта ваҳшиёна тарзда ўлдирилди. У эса мусулмонларга қарши янги салибчилик ҳужуми бошланиши билан  “Америкадаги террористик ҳужум” ҳақидаги нашраларни тарқатгандан кейиноқ қўлга олинган эди. Биродаримизнинг (Аллоҳ у кишини ўз раҳматига олган бўлсин) вафотидан олдинги энг сўнги сўзи: “Онажон, биродарларимга айтиб қўйинг: мен улардан бирортасини сотмадим” деган гапи бўлган экан. 2005 йили яна Қозоғистонда Ҳизбнинг масъулларидан бири бўлган, 1977 йили туғилган Жуматаев Бакытжан ўлдирилган. У илгари ҳам қўлга олиниб, Ўзбекистон қамоқхоналарига ташланган эди. 2009 йили эса 1979 йили туғилган Молдасанов Акылбек қийноқ остида ўлдирилган. Булардан бошқа ажойиб биродарларимиз ҳам Исломий ҳаётни қайта бошлаш йўлида ўз жонларини фидо қилганлар.

Бироқ жиноятчи режим Ҳизб ут-Таҳрирнинг даъватини тўхтатиш учун сарфлаётган бунчалик меҳнатларига қарамасдан, Ҳизб йигитлари ҳар бир нарсага Қодир Аллоҳ Таолонинг амрига жавобан ва суюкли Пайғамбаримиз Муҳаммад САВнинг: “Сўнгра пайғамбарлик минҳожи асосида Халифалик бўлур” [Абу Довуд ва Аҳмад ривояти] деган башоратларини амалга ошириш мақсадида ўз даъватларида давом этаяптилар.

Ҳизб ут-Таҳрир

Марказий ахборот бўлими