بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Эй Шом аҳли, хурсанд бўлинглар

Ҳизб ут-Таҳрирнинг Миср вилоятидаги матбуот бўлими аъзоси Абдуллоҳ Абдурраҳмон

Эй Шом аҳли, хурсанд бўлинглар, чунки сиз Умматнинг умиди ва Уммат қўзғолонининг уриб турган юрагисиз. Шом ҳам келгуси Халифаликнинг марказидир. Ҳалабда юз бераётган ишлар Аллоҳнинг синовидир. Аллоҳ бу синов билан холис кишилар қалбини поклайди ва сафингизни ҳам мунофиқлардан тозалайди. Сиз бу билан мунофиқлар қалбидаги нафратни билиб оласиз ва сизлардан баъзи кишилар алданиб қолаётган ниқобни улардан ечиб олиб ифлос башараларини фош қиласиз. Чунки бу синов сизларга ва қўзғолонингизга қарши улар қалбида яшириб келаётган хиёнатни ҳамда тил бириктирувни фош қилмоқда. Билингки, ҳар бир қийинчиликнинг мукофоти бўлади ва агар сафингизда бартараф қилиниши керак бўлган пасткашлар бўлса қийинчилик сақланиб қолаверади. Ҳатто одамлар икки лагерга, яъни унда мунофиқлик бўлмаган имон лагерига ва унда имон бўлмаган куфр лагерига бўлиниб қолади.

Эй Шом аҳли, биз сизларга фахр кўзи билан қараймиз ва салибчилик урушларининг энг оғирига қарши туришда қатъият кўрсатганингиздан фахрланамиз. Сиз бу урушга бутун Уммат номидан кирдингиз ва бу урушда бутун кофирларнинг ҳаммаси тўпланиб сизга қарши жанг қилди.

Шуни билингки, бутун Уммат бор кучи билан ортингизда турибди. Сизнинг онгли равишда сабр қилиб туришингиз Умматнинг қалбидан чиққан ҳайқириқ садоси ҳамда Умматда шаклланиб Ғарбни ва унинг малайларини саросимага солган онг таъсиридир. Хурсанд бўлинг, бу яхшилик даракчисидир.

Биз бутун Умматга қарата шундай деймиз: Шуни билингки, агар сиз Аллоҳ сиз учун рози бўлган буюк Халифалик лойиҳасидан воз кечиш орқали Шом ва Ҳалабдан воз кечсангиз бу икки юрт кофир Ғарб унга ва унинг аҳлига зулм қилган Ислом юртларининг охиргиси бўлмайди. Чунки, мусулмонлар юртларининг барча пойтахтлари душманлар пушкалари ва учоқлари нишони остида қолади. Мана, Халифалик давлати уларнинг қўли билан қулатилганидан буён улар бизга ўйинчоқдай муносабатда бўлишмоқда. Кофир Ғарб биздан рози бўлади, деб ишонманглар. Сиз уларнинг динига эргашсангизгина улар сиздан рози бўлади. Шундай экан, арзимас баҳо эвазига Шом ва Ҳалаб юртидан, Халифалигингиздан воз кечманглар.

Мусулмонлар армияларига қарата айтамиз: Нафақат Ҳалабдаги, балки бутун Шом юртидаги диндошларимизга етган нарсадан Аллоҳ олдида сиз жавобгарсиз. Қолаверса, бутун Уммат фарзандларига етган нарсадан, Умматнинг ери ва бойликлари босиб олинишидан ҳам сиз жавобгарсиз. Бу ҳақда Аллоҳ сиздан сўрайди. Уларга ёрдам бермай қўйганингиз ҳамда Умматни қатағон қилишда, уни бўйсундиришда ва душман манфаатларини ҳимоя қилишда сизни қурол қилиб олган ҳокимларга итоат қилганингиз учун Аллоҳ сиздан ҳисоб талаб қилади. Сизнинг бурчингиз бу ҳокимлар тахтини ҳимоя қилиш эмас. Балки, сизнинг бурчингиз халқингизни ва юртингизни ҳимоя қилиш ҳамда юрт бойликларини сақлаб унинг таланишини олдини олишдир. Диндошларингизга, биродарларингизга ёрдам беришдан сизни тўсган ҳокимлардан воз кечиш ҳамда Исломга ва Ислом аҳлига ёрдам берувчи пайғамбарлик минҳожи асосидаги Халифаликни тиклаш сизнинг бурчингиздир.

Роя газетасининг 2016 йил 21 декабр чоршанба кунги 109-сонидан