Эй Тунис ҳукмдори ҳаддингдан ошиб кетдинг!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Эй Тунис ҳукмдори ҳаддингдан ошиб кетдинг!
Шундоқ ҳам Тунис бўҳронлар исканжасида қолди. Бошқарувга совуққонлик билан қараш барча ташкилотларда кенг тарқалгани сабабли офатлар ва аянчли мусибатлар кўпайгандан кўпайди. Юртнинг аксар минтақаларида сув танқислиги кузатилмоқда. Қасрин ҳодисасида зарар кўрганларга ёрдам кўрсатиш учун тиббий воситалар етишмаяпти. Аскарларимиз жиноятчи ва ғаддор кимсалар қўлида ўлим топмоқда. Юрт мана шундай бўҳронлар исканжасида турган бир пайтда, президент Божи Қоид Сабсий миллий хавфсизлик йиғинида қатнашиб, Ҳизб ут-Таҳрир одамлар бошларини таналаридан жудо қилмоқчи ва қўлларини кесмоқчи, дея гап сотди. Сўнг, Ҳизбга чора кўриш лозимлигини айтиб, «il faut trouver une solution (Биз ечим топишимиз керак)» деди! Бу сўзларни Ҳизб баёнотини шармандаларча ўзгартириб айтмоқда.
Биз бу давлат раҳбарига бундай деймиз:
Сен Ҳизб ут-Таҳрир одамлар бошларини таналаридан жудо қилади ва қўлларини кесади, деган нарсани қаердан тушуниб олдинг!? Ёки сен араб тилини билмайсанми?! Ёхуд зараркунанда аъёнларинг билан ёлланма ахборот воситаларинг сенга алдаб кўрсатган хабарлар билан кифояландингми?
Эй Тунис президенти!
Бизнинг матбуот баёнотимизда очиқ-ойдин сўзлар, яъни Тунисда биз жиноятчиларни жазоловчи кучли қудратли давлатга муҳтож эканимиз таъкидланган. Зеро, жиноятчиларни жазолаш иши на Ҳизб ут-Таҳрирга боғлиқ бўлсин ва на бошқа бирор ҳизбга. Аксинча, у мусулмон ва ғайримусулмон фуқаро ҳаққини топтаган ҳар бир жиноятчини жазоловчи куч-қудратли давлатнинг вазифасидир. Аниқки, бу сенинг давлатинг вазифаси эмас. Чунки мусулмонлар қўзғолон кунларида 300дан зиёд бегуноҳ Тунис аҳли нобуд бўлганини ҳаргиз унутмайдилар. Аммо кейин нима чора кўрилди?, ҳеч қандай…!! Билъакс, ҳаммасидан ҳам даҳшатли ва аламлиси, беваларга, етимларга – сизнинг яқинларингизни топилмайдиган жин (шарпа)лар ўлдирди, дейилиши бўлди! Ахир, сен ўзинга 2011 йилда ўтиш даври ҳукумати пайтида мен қаерда эдим, деган саволни бермадингми?! Ёки «отангни қотили ҳоким бўлса, дардингни сувга айт», қабилида жавобгарсизлик ва масхарабозлик қилиб кетаверасанми?! Шукрий Билийд қотили қани?! Муҳаммад Иброҳимий қотили қани?! Шоанбийдаги аскарларимиз қотили қани?! Улар кимлар эди?! Кейин, Тунис аҳлини 1984 йилда ҳамда 1978 йилда ким қирғин қилган?! Сохта мустақиллик йиллари бошида юсуфийларни ким қириб ташлаган?! Сабботуз Заллом (Бурқиба даврида унинг мухолифлари қийноққа солинган қамоқхонанинг номи) ривояти қандай эди?!! Ироқ аҳлини ким қирғин қилди, кимлар Ливияни вайронага айлантирди ва бугун Сурияда диндошларимизни кимлар қирғин қиляпти?!!
Эй Тунис президенти!
Тунис аҳли сени жиноятчиларни жазолашда ёки талон-тарож қилинган бойликларни қайтаришда жиддий турганингни кўрган эмас. Бу бойликлар ҳозир Тунис бюджетига беҳисоб зарар келтирмоқда. Аксинча, тунисликлар сени жиноятчи хўжайинларинг манфаати йўлида ҳаллослаб чопаётганингни кўрмоқдалар, ваҳоланки, Тунис аҳли бойликларини ўмарган ва ўзларини оч қолдирган ана ўша хўжайинларингдир… Шунингдек, Тунис аҳли уларнинг бир бўлак ерини дунёда биринчи рақамли террорчи давлат бўлган АҚШга мулк қилиб берганингни, юрт хавфсизлигини НАТО қўлига топшириб қўйганингни гувоҳи бўлмоқдалар.
Биз Ҳизб ут-Таҳрир-Тунис вилояти аъзолари президентнинг бундай тубан баёнотини қаттиқ қоралаймиз. Зотан, юртдаги энг олиймақом саройдан янграган ва бизнинг матбуот баёнотимизни қасддан ўзгартириб олган кимсалар оғзидан чиққан айни сўзларга нисбатан қуйидагиларни таъкидлаймиз:
1 – Давлат раҳбарининг Ҳизб ут-Таҳрирга қарши бундай оқлаб бўлмас гижгижлови унинг Ҳизбга идеологик душман эканини кўрсатиб турибди. Дарҳақиқат, у 2011 йилда ҳукуматга бош вазирлик қилаётган пайтда – унинг шахсан ўзи, Ҳизб ут-Таҳрирни қонунан тақиқлаш йўлларини излаш билан машғуллигини айтган.
2 – У Ҳизб ут-Таҳрирга нисбатан чиқарилаётган адолатли ҳукмларга ишора қилиб, «ҳар сафар адлия муросачилик қилмоқда», деган эди. Ўшанда бу сўзлари билан Бурқибанинг ўз сиёсий рақибларини йўқ қилиш услубини қумсаб, қонунларни ва суд ҳукмларини оёқ ости қилиш усулини, полиция, хавфсизлик ва қароқчилик «ҳукми»га таяниш услубини қайта ўрнатишни кўзлади. Яқинда Ҳизб офисига очиқдан-очиқ қилинган ҳужум ортида ҳам шу президент турганига асло шубҳа қилмаймиз.
3 – Афтидан, Ҳизб ут-Таҳрир Божи Қоид Сабсий жанобларини коррупцион сиёсат олиб бораётганини ва мустамлакачи очкўз ширкатларга хизмат қилаётганини фош этиш билан анча ҳаловатини бузган кўринади. Шунинг учун ундан қутулишни истаб, юртнинг Қарқана, Қафса ва бошқа минтақаларидан юрт бойликларидаги ўз ҳақларини талаб қилиб чиққан овозларни йўқ қилишни кўзлаяпти.
Сенга олдиндан насиҳат қиляпмиз: Бу Ҳизбга нодонлик билан ҳужум қилишдан олдин катта масъулингдан маслаҳат сўрамабсанда?! Ахир, бу кўҳна Ҳизб кеча дунёга келгани йўқ, уни каттаю кичик, эркагу аёл эрта қачон яхши таниганлар. У ҳали туҳматга учрашдан олдиноқ одамлар орасида машҳур бўлишга улгурган, Уммат орасида 60 йилдан бери фаолият қилади ва 40дан зиёд давлатда тарқалган. Ҳамма яхши биладики, Ҳизбга қарши курашаётган ва аъзоларини бостираётганлар мустамлакачи кучларни ташкил қилади. Золимлар зиндонида унинг ўнлаб йигитлари шаҳид бўлди. Шуларга қарамай бу Ҳизб тоғдек барқарор туриб, салобатига салобат қўшилмоқда. У бугун мусулмонлар ғоясини рўёбга чиқаришга ҳар қачонгидан ҳам яқин турибди, инша Аллоҳ. Шубҳасиз, ушбу Тунисимиздан бошланиб, юқори тезлик билан исломий юртлардаги қолган Уммат қабул қилиб олган қўзғолон, Аллоҳнинг изни ила, ҳаргиз тўхтамайди. Аксинча, у юртларимиздан мустамлакачилар ва уларнинг малай ҳукмдорларини илдизлари билан қўпориб ташлаб, Росулуллоҳ САВ бизга башорат берган Пайғамбарлик минҳожи асосидаги Халифалик давлатини барпо қилади.
Ҳизб ут-Таҳрирнинг Тунисдаги матбуот бўлими
Телефон: 71345949, 21430700
Факс: 71345950
Матбуот бўлими сайти: www.ht-tunisie.info
