Эй уммат ёшлари! Сиз Халифалик давлати тикланишида асосий таянч бўлинг!
“Халифалик қулатилганига 100 йил тўлиши муносабати билан… Эй, мусулмонлар! Уни қайта барпо этинглар” кампанияси доирасида
Эй уммат ёшлари! Сиз Халифалик давлати тикланишида асосий таянч бўлинг!
بِسْمِ اللهِ الرَّحْمٰنِ الرَّحِيم
Дунё тарихига назар солган инсон англаб етиши мумкин бўлган бир ҳақиқат борки, барча замонларда иймон ва куфр жанги давом этиб келган ва ҳануз давом этмоқда. Масалан, бизнинг минтақамизни олиб қарасак, етмиш йил умр кўрган собиқ Совет Иттифоқи худосизликка асосланган даҳрий тузуми билан бу умматнинг табиий дини бўлган Исломдан узоқлаштириш учун қўлидан келган барча ишларни амалда татбиқ этди. Аммо ҳеч қандай натижага эриша олмаганлиги тез кунда яққол кўзга кўринди. Бу тузум ўтган асрнинг охирларида қулаб тушган кундан бошлаб, ёшу қари ўз муқаддас динларини рамзи бўлган масжидларини қайта тиклаб, ўз эътиқодларини очиқ баёни сифатида гуруҳ-гуруҳ бўлиб саждагоҳларни тўлдирдилар. Юртнинг барча бурчакларида азон овозлари янграй бошлади. Ҳатто тайёрагоҳларда, олий ўқув юртларида, завод-фабрикаларда ибодат қилиш учун шароитлар яратилди.
Афсуслар бўлсинки, умматнинг хурсандчилиги узоққа чўзилмади. Сабаби ушбу ҳокимият ўзгариши даврида ҳукумат тепасига коммунистлар таълимоти қон-қонига сингиб кетган бир тўда уммат хоинлари келиб ўтирдилар. Бу хоин кимсаларга мусулмонларнинг азони, намози, жума ибодатларига ёшларнинг келиши, аёлларимизнинг ҳижоблари, ҳатто норасида қизчаларимизнинг бошларидаги рўмоллари ёқмади. Уларнинг уйқулари, ҳаловатлари йўқолди. Ўз елкаларидаги масъулиятлари бўлган юрт хавфсизлиги, тараққиёти, фаровонлигини юксалтириш ҳамда ўз фуқароларини иш билан таъминлаш ўрнига, мусулмонларга нисбатан аёвсиз курашни бошлаб юборди. Ёвуз ҳукумат мусулмонларни отди, қирди, қамади, соқолини юлди, масжидларини ёпди, юртнинг асл йигитларини ўз уйига сиғдирмади, қувди ва ҳакозо.
Шундай қилиб, давлат органлари Исломнинг ҳар қандай кўринишига қарши қатъий чораларни қўллай бошлади, жумладан, ўсмир-ёшларни Исломни ўрганиш учун хорижга сафар қилишдан тўсиб қўйилди; хорижий юртларга чиқиб кетган талабалар турли услублар билан мажбурлаб юртига қайтарилди; хориждан қайтган ёки яқинларини кўриш учун келган кўплаб ёшлар чегарада ушланиб, ҳибс этилдилар; ёшларни масжидларга киритмаслик учун масжидлар эшиги олдига хавфсизлик қўмитаси ва ички ишлар вазирлиги ходимлари қўйилди; ҳижоб кийган аёллар таъқиб қилина бошлади ҳамда уларга жарималар солиниб, иш ва ўқиш жойларида шаръий либос билан ҳозир бўлишдан ман этилди; ҳажга боришни хоҳловчи кишиларга янги мажбуриятлар жорий этилди; диний китоблар ҳамда уламолар маърузалари ёзилган дискларни сотишга ҳам турли тўсиқлар қўйилди; ҳатто ўз уйларида ёш фарзандларимизга Қуръон таълимотини ўргатаётганлар ҳибсга олинди.
Шунингдек, Исломий гуруҳларга қарши кураш кучайтирилди, ҳатто бу гуруҳларга алоқаси бўлмаган мусулмонлар ҳам арзимас гумон билан ҳибсга олинди. Бундан ташқари, хавфсизлик қўмитаси, дин қўмитаси, Исломий марказ, имом-хатиблар ва ахборот воситалари тарафидан ташвиқот ишлари йўлга қўйилди. Имом-хатибларга эса, ўз хутбаларида фақат шу ҳақда гапиришлари учун мавизалар мавзулари тайёрланди ҳамда уларга ушбу илмоний тузумни, ушбу тузум татбиқидаги малай ҳукмдорлар сиёсатини мақтаб, улар ҳаққига дуо қилиш, эркакларни соқол қўйишдан, аёлларни ҳижоб кийишдан ман қилиш ҳақида топшириқлар берилди. Икки ўт орасида қолган хоин имом-хатибларимиз оғзига келганини сайрай бошладилар.
Аммо ушбу қатъий чоралар ўзларини зиёнига ишлаб, ҳукуматнинг ниқоби йиртилиб, Ислом ва мусулмонларга қарши олиб бораётган душманона сиёсати ҳеч кимга, ҳатто содда одамларга ҳам сир бўлмай қолди. Ушбу ҳукумат умматни нафақат Исломий эътиқодидан қайтариш, балки оддий мажбуриятларини адо этиш қаршисида ҳам тўсиқлар яратиб, аста-секин коммунистлар сиёсатини ҳам ортда қолдириб, ундан-да кўпроқ ваҳшийликка қўл ураётгани аён бўлиб қолди.
Ҳукумат бошлиқлари ва уларнинг кофир хўжайинларини бундай қатъий чораларни қўллашга мажбурлаган асосий омил юртдаги мусулмонларнинг катта тезлик билан уйғона бошлагани эди. Улар даъватни ёювчиларни таъқиб қилиб, қамаш ҳамда уларнинг даъватини қамал орқали юрт аҳолисини Исломий уйғонишдан сақлай оламиз, деб гумон қилган эди. Бироқ улар тўғри Исломий фикрларни “қамаш” нинг имкони йўқлигини ҳисобга олмаган эди. Мухлис даъватни ёювчилар тарқатган ана шу тўғри Исломий фикрлар таъқиб қилиш, қамоққа ташлаш, қийноққа солиш ва қатл этишларга қарамасдан жамиятнинг турли қатламлари орасида сув каби ўзига йўл топа олди.
Бу вазиятларни ўз кўзлари билан кўриб турган юртимизнинг онгли мусулмон ёшлари ушбу вазиятдан чиқиш йўли фақат тузумни ўзгартириш билан амалга оширилишини кўра бошлади. Умматнинг бу уйғонишларида минтақамизда ягона Исломий сиёсий ҳизб ҳисобланмиш Ҳизб ут-Таҳрир жамоаси фаолият кўрсатди. Демократик низом ўрнига Ислом низомини, демократик давлат ўрнига Рошид Халифалик давлатини барпо этиш билангина юксалиш мумкинлигини кўрсатиб берди.
Бугунги кунда юртдаги мусулмонларда Исломий уйғониш нишоналари очиқ-ойдин кўзга ташлана бошлади. Бу ҳолатни бир неча ҳаётий мисоллар билан боғлаш мумкин. Яъни намозхонлар сафининг ўсиши, хоссатан ўсмир-ёшлар ҳисобидан. Ҳозирда ҳеч кимга сир эмаски, кўпчилик масжидларда намозхонларнинг 60-70 фоизини ёшлар ташкил этади. Бу ёшлар орасида Исломга бўлган интилишнинг кучайганидан дарак бермоқда ин ша Аллоҳ. Аксар масжидлар жума, Рамазон ҳайити ва Қурбон ҳайити намозлари вақтида барча намозхонларни сиғдира олмай қолди.
Шуни таъкид билан айтамизки, минтақамиздаги мусулмон ёшларидаги ушбу уйғониш нишоналари албатта Аллоҳ Таолонинг фазли бўлиб, Умматнинг ҳақиқий уйғониши бошланди. Яъни Ислом кемаси ҳаёт уммонида буюк ғоя сари суза бошлади. Бу кемани йўлига на денгиз довуллари, на катта-катта муз бўлаклари, на бошқа нарсалар ғов бўла олсин. Бу фаолият барча тўсиқларни яксон қилиб, тез кунларда бутун инсониятни зулматлардан нурга етакловчи, ўз фуқароларини ҳақиқий адолат билан бошқарувчи, мустамлакачи зўравонларни тиз чўктирувчи Буюк Исломий Халифалик Давлатини эълон қилиниши билан қалбларимизни хушнуд айлагай, ин ша Аллоҳ! Ушбу нусрат тонгги яқинлиги ҳақида буюк куч-қудрат Эгаси бўлган роббимиз Ўз каломида шундай дейди:
أَلا إِنَّ نَصْرَ اللّهِ قَرِيبٌ
– “Огоҳ бўлингизким, Аллоҳнинг ёрдами яқиндир”. (Бақара:214)
#ReturnTheKhilafah / #أقيموا_الخلافة / #YenidenHilafet
#TurudisheniKhilafah / #خلافت_کو_قائم_کرو
Ҳизб ут-Таҳрирнинг Ўзбекистондаги матбуот бўлими. Зайниддин
09.03.2021й
