Матбуот баёноти

Эй Ҳусийлар! Сизларда Қуръон манҳажи йўқ, ҳатто унга яқинлашмагансизлар ҳам

Қишлоқ хўжалиги вазирлигининг шиорлари чиройли ва ялтироқ аммо қишлоқ хўжалигининг аҳволи таассуф ва шармандаликка тўла!!

«Al-Thawra» газетасининг 2024 йил 10 декабр кунги сонига кўра, Яман қишлоқ хўжалиги, балиқчилик ва сув ресурслари вазирлиги «Қуръон манҳажи ва Яман шароити талаблари доирасида чорвачиликни ривожлантириш бўйича умумий сиёсат ишлаб чиқиш учун илмий асослар, қоидалар, шартлар, стандартлар ва меъзонлар тайёрлаш», деб номланган семинар ўтказди. Семинарда қишлоқ хўжалиги, балиқчилик ва сув ресурслари вазири доктор Ризвон Рубоий қатнашди.

Ямандаги ушбу вазирлик кўтариб чиққан бу шиорлар, режалар, дастурларга ва вазирлик фаолиятларига диққат қаратган киши ҳайратга тушади. Чунки вазирлик Қуръон манҳажи бўйича илмий асослар ва чорвачиликни ривожлантириш бўйича умумий сиёсат ишлаб чиқишга чақиряпти-ю, бироқ ўзи бунга амал қилмаяпти. Чунки унда татбиқ қилишга тайёр на режа бор, на ўрганиладиган дастур. Зотан, Яман қишлоқ хўжалиги вазирлиги БМТнинг озиқ-овқат ва қишлоқ-хўжалиги ташкилоти ФАОнинг таъсири остида ишлайди. Унинг раҳбарлари ҳам шу йўналишда ҳаракат қилади.

Мазкур шиорлар остида шундай семинар ўтказилаётган бир вақтда, вазирлик Жаҳон Банки воситачилигида уруғлари хориждан келадиган генетик жиҳатдан ўзгартирилган буғдой етиштиришни бутун юрт бўйлаб кенгайтиришда давом этмоқда.

Вазирлик, шунингдек, кооператив жамиятлар фаолиятини ҳам давом эттирмоқда. Ваҳоланки, бу жамиятлар қишлоқ хўжалигига муҳим иқтисодий аҳамиятга молик даромад келтирмади ҳамда барча фермерлар уларнинг азоб-уқубатларини тортмоқдалар. Яқинда вазирлик хориждан «шартнома хўжалиги» номли янги дастур олиб келди. ФАОнинг ушбу дастури шариатимизга бир неча жиҳатдан зиддир:

Биринчи: битимнинг уч томон ўртасида эканлиги. Биринчи томон меҳнат қилади, иккинчи томон унинг ҳосилини сотиб олади, учинчи томон қисқа муддатли судхўрлик кредитини беради.

Иккинчи: Унда ўзи эга бўлмаган нарсани сотиш бор. Яъни қишлоқ хўжалиги экини экилмай туриб, бизнес соҳасига сотилади.

Учинчи: унда банклар томонидан фермерларга берилган қисқа муддатли судхўрлик кредитлари билан муомала қилинади.

Нима учун қишлоқ хўжалиги вазирлиги генетик жиҳатдан ўзгартирилган уруғларга таянмайдиган, осон етиштириладиган маккажўхори навларини (оқ, сариқ, қизил) экишдан қочади? Вазирлик нега чорвадорларга мазкур шиорлардан бошқа айтарлик ҳеч нарса бермайдиган семинарларни ташкил қиляпти? Вазир Рубоий қуруқлик ва денгиз, чучук ва шўр сувларни бошқариш ваколатига эга бўлишига қарамай, назариялардан узоқда амалга оширилиши мумкин бўлган режа ва дастурларни ишлаб чиқишда қийналмоқда.

Шуни эслатиб ўтиш лозимки, бу вазир 2024 йил 30 сентябрда ҳам шунга ўхшаш семинар ўтказган ва у ҳам «Қуръон манҳажи ва Яман шароити талаблари доирасида чорвачиликни ривожлантириш бўйича умумий сиёсат ишлаб чиқиш учун илмий асослар, қоидалар, шартлар, стандартлар ва меъзонлар тайёрлаш», деб номланган! Турли соҳалар ва турли муассасалар даражасида деярли ҳар куни тарқатилаётган бу ва бошқа хабарларда «Қуръон» сўзи ишлатилмоқда. Бироқ Қуръон ҳам, раббоний манҳаж ҳам булардан пок. Нега пок бўлмасин, ахир юртимизда фақат секуляр тузум татбиқ қилинаётган бўлса.

Қишлоқ хўжалиги вазирлиги, бугунги ва кечаги бошқа вазирликлар сингари, Яманда муваффақиятли қишлоқ хўжалиги сиёсатини ишлаб чиқишга қодир эмас. У одамларнинг эҳтиёжларини қондира оладиган янги бозорлар яратиш ёки мавжуд бозорларни тартибга солиш ва кенгайтириш бўйича ўз вазифаларини бажаришга қодир эмас. Чунки қишлоқ хўжалиги вазирлигида Қуръон манҳажи йўқ, ҳатто унга яқинлашмаган ҳам.

Ҳизб ут-Таҳрир барпо этишга ҳаракат қилаётган Пайғамбарлик минҳожи асосидаги иккинчи рошид Халифалик давлати халқ манфаати учун қайғурадиган ва Яманда бузғунчилик қилувчи ФАО ва бошқа ташкилотларни чиқариб ташлайдиган давлатдир.

Ҳизб ут-Таҳрирнинг Яман вилоятидаги матбуот бўлими