بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Фақат Аллоҳнинг калимасини олий қилиш учун қилинган жанг – Аллоҳ йўлидаги жангдир

Сурия муваққат ҳукумати мудофаа вазирлиги бош штаби Сурия Озод армияси гуруҳлари қўмондонлари билан бўлиб ўтган учрашувда Шимолий Ҳалаб қишлоғидаги Фурот қалқони минтақаларида «Сурия миллий армияси» тузилганини эълон қилди.

Ушбу қадамлар кенгайтирилган йиғинда қабул қилинган қарорлар ижроси сифатида ташланди. Маълумки, ўша учрашув жорий йил октябр ойида Туркия махсус кучларининг Шимолий Ҳалаб яқинидаги қароргоҳида бўлиб ўтган эди. Унда турк разведка хизмати вакиллари, Туркиянинг Газиантеп ва Килис шаҳарлари мэрлари, Туркия махсус кучлари қўмондони, Сурия муваққат ҳукумати аъзолари, Миллий коалиция раиси ўринбосари, Шимолий Ҳалаб яқинидаги Сурия Озод армияси гуруҳлари вакиллари қатнашган.

Эй муборак Шом заминидаги мусулмонлар!

Шубҳасиз, гуруҳларнинг битта вужудда, битта қўмондонлик остида бирлашиши нафақат шаръан матлуб иш, балки шаръий вожибдир. Шу шарт биланки, бу бирлашув Аллоҳнинг арқонини маҳкам ушлаган ҳолда бўлсин, мусулмонларнинг ла илаҳа иллаллоҳ Муҳаммадур Росулуллоҳ ақидасидан балқиб чиққан лойиҳага эга холис сиёсий раҳбарият остида бўлсин. Аллоҳ Таоло айтади:

(وَاعْتَصِمُوا بِحَبْلِ اللهِ جَمِيعًا وَلَا تَفَرَّقُوا…)

«Барчангиз Аллоҳнинг арқонига боғланингиз ва бўлинмангиз!» [Оли Имрон 103]

Шом аҳли гуруҳларни бирлашишга чақириб бор овози билан кўп ҳайқирди. Бироқ бунга қулоқ солувчи ҳеч ким топилмади… Оқибатда Ҳалаб нафақат зое кетди, балки қизил чизиқ дея эълон қилган турк режимининг  тил бириктирувлари ёрдамида бериб юборилди. Натижада, юз минглаган одам инсон ҳаёти учун умуман мос бўлмаган лагерларга ҳайдаб чиқарилди. Улар шундай азоб-уқубатларни бошдан кечирдиларки, буни Аллоҳдан ўзга ҳеч ким билмайди…

Ўз ўзидан савол туғилади:

Бу бирлик мужоҳид биродарларимизга ҳамда тарихдаги энг манфур жиноятларга юз тутган диндошларимизга нусрат-ёрдам бериш учун бўлдими?! Бу бирлик Дамашқдаги қонхўр режимни ағдариш ва қўзғолоннинг ўзгармас мақсадларини ҳимоя қилиб, рўёбга чиқариш учун бўлдими?! Бу бирлик бизни қарорларимизни ўзимиз қабул қилишимизга олиб келиб, кучларимизни бирлаштирадими. Шунингдек бу бирлик, барчамизни анави қонхўр режимни башараларию арконлари билан қўшиб ағдариб ташлаш сари етаклайдиган ва кучларимизни бирлаштирадиган онгли холис етакчилик остида душманимизга қарши бир мушт бўлишимизга олиб келадими?! Бу бирлик Роббимиз амрига ва Шом аҳли нолаларига жавобан бўлдими?!

Ёки биз буларнинг барчасидан ўзимизни гўё бехабар тутиб, фақат Туркия режими амрини қабул қилган ҳолда бирлашяпмизми?! Яъни, турк разведка хизмати вакиллари, Туркиянинг Газиантеп ва Килис шаҳарлари мэрлари, Туркия махсус кучлари қўмондони, Сурия муваққат ҳукумати аъзолари, Миллий коалиция раиси ўринбосари, Шимолий Ҳалаб яқинидаги Сурия Озод армияси гуруҳлари вакиллари ҳозирлигида «Сурия миллий армияси», дея номланган армия тузиш учун бирлашяпмизми?!

Бу армия турк режими томонидан молиялаштирилса ҳамда турк режими томонидан қуроллантирилиб, ўшалар томонидан машқдан ўтказилса, бу армияни нима деб аташ мумкин?! Унинг буйруқлари ким томонидан берилади? Вазифаси нималардан иборат бўлади?!! Ҳеч шубҳа йўқки, унинг вазифаси турк режими манфаатларини амалга оширишдан бошқа нарса бўлмайди. Зеро, турк режими АҚШ етакчилигидаги кофир Ғарб манфаатларини амалга оширишга ҳаракат қиляпти. Шунинг учун бундай армия эртага, Америкага итоат қилишни истамаган, унинг сиёсий ечимини рад этган ҳамда унга итоат қилишдан чиқишни хоҳлаётган бошқа гуруҳларга қарши жанг олиб борувчи бир қуролга айланиб қолади.

Эй Ислом диёрининг маркази бўлган Шомдаги мусулмонлар!

Шуни билингларки, Аллоҳ Таоло Ўзининг динига албатта нусрат беради, ва албатта қийинчиликдан сўнг енгиллик беради. Ботил қанчалар зўравон бўлмасин, эртами-кечми ҳақ уни албатта йўқ қилади. Бу Аллоҳнинг суннат-қонунидир. Аллоҳнинг қонунини на ўзгартирувчи бор ва на алмаштирувчи. Шуни унутмангки, биз Аллоҳнинг шариатидан узоқ бўлсак, нусрати келмайди. Аҳволимиз фақат Ислом билан тузалади. Қўлида Еру Осмон аҳли рози бўладиган сиёсий лойиҳаси бор холис сиёсий етакчилик қўлидан маҳкам тутиб, атрофида бирлашмас эканмиз, ҳаргиз ечимга эришолмаймиз. Фақат мана шу билангина Аллоҳнинг нусратига лойиқ бўламиз.

(…وَيَوْمَئِذٍ يَفْرَحُ الْمُؤْمِنُونَ * بِنَصْرِ اللهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ)

«Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир»  [Рум 4-5]

Аҳмад Абдулваҳҳоб

Ҳизб ут-Таҳрир-Сурия вилояти

матбуот бўлими раиси

Skype: TahrirSyria

Электрон почта: media@tahrir-syria.info – ahmadabdalwahab2@gmail.com

Сурия вилояти расмий сайти: www.tahrir-syria.info