بِسْمِ اللهِ الرَّحْمٰنِ الرَّحِيمِ

Фаластин ҳурлари Cedaw конвенциясига ва бошқа шубҳали ташкилотларга қарши чиқдилар

Умму Исом Саййиднинг таклифига биноан Оли Ҳарбавий девонида уюштирилган йиғинда Фаластин аёлларининг Cedaw конвенциясига қарши овозлари янгради. Оли Ҳарбавий девони Cedaw конвенциясини рад этиш учун Фаластин шаҳарларидан келган аёллар билан тўлди. Йиғин қуйидаги мавзуларни ўз ичига олган якуний баёнотни ўқиш билан якун топди:

Cedaw конвенцияси исломий шариатга зид бўлгани учун уни рад этиш.

Ғарбнинг режаларига мувофиқ иш юритадиган ва у томондан молиялаштириладиган шубҳали феминистик ташкилотларни рад этиш.

Турмуш қуриш ёшини чеклаш тўғрисидаги қонуннинг бекор қилинишини ҳукуматдан талаб қилиш.

Қуйида ушбу муборак йиғиннинг якуний баёноти матнини келтирамиз:

Бисмиллаҳир Роҳманир Роҳим

Аллоҳга ҳамд бўлсин ва Унинг Росули Муҳаммадга, У Зотнинг оиласи ва асҳобларига ҳамда У Зотни дўст тутганларга салоту саломлар ёғилсин. Аммо баъд…

Бугун Фаластин аёллари Cedaw конвенциясининг мазмуни ва бало-офатларини ўрганиш ҳамда унинг хатарли натижаларини айтиш учун ушбу мажлисга йиғилдилар. Биз ушбу муборак йиғинда қуйидаги якуний баёнотга хулоса қилдик:

1 – Биз Cedaw конвенциясини ва унинг мазмун-моҳиятини рад этишимизни таъкидлаймиз ҳамда Фаластин ҳукуматидан ундан дарҳол чиқишни талаб қиламиз.

2 – Диндошларимизни ахлоқсизликка бошлаш учун Ғарб томонидан қўллаб-қувватланаётган шубҳали феминистик ташкилотларга умуман алоқамиз йўқлигини билдирамиз. Биламизки, бундай ташкилотлар бизнинг муборак Фаластин заминимизда фасод тарқатувчи барча лойиҳаларнинг ташаббусчисидир. Биз ушбу ташкилотлар Фаластин аёлларини тамсил этмаслигини, балки фақат ўзларинигина тамсил этишини бутун жамоатчиликка маълум қиламиз ва бундай ташкилотларни бизнинг номимиздан гапиришдан огоҳлантирамиз.

3 – Фаластин маъмурияти қадриятларимизни бузишни тўхтатиши ҳамда мактаб ва университетларда дабка, рақс тушиш ва ашула куйлашни ўргатиш каби дарсдан ташқари тадбирларни уюштиришдан тийилиши керак. Шунингдек, фарзандларимизни ахлоқсизликка бошлашга қаратилган, ўғил ва қизлар аралашган ҳолда ўтказиладиган тадбирларни ва режали дастурларни уюштиришни ҳам тўхтатиши лозим.

4 – Биз турмуш қуриш ёшини чеклаш тўғрисидаги қонунни кескин рад этамиз ва ҳукуматдан уни бекор қилишини талаб қиламиз.

5 – Биз ҳар қандай томоннинг васийлигини рад этамиз, ҳеч қайси томонга – улар аёллар вазирлиги бўладими ёки феминистик ташкилотлар ва бошқа томонлар бўладими бундан қатъий назар – бизни тамсил этиш ва бизнинг номимиздан гапириш ваколатини бермаймиз.

6 – Шариатга зид бўлган ҳар қандай шахсий аҳволлар қонунини рад этамиз.

7 – Ислом бизга ҳуқуқларни ҳеч бир камчиликсиз тўлиқ қилиб берган. Бугунги кунда мусулмон аёллар дуч келаётган ҳолат ҳаётнинг барча соҳаларида, хусусан эркак ва аёл ўртасидаги алоқани тартибга солишда исломий ижтимоий низомнинг татбиқ қилинмаслиги натижасидир… Мусулмонларнинг, шу жумладан аёлларнинг адолатсизликка ва таъқибга учраши Аллоҳ шариатининг татбиқ этилмаслигига боғлиқдир. Аёлларга нисбатан содир этилаётган қотилликларнинг сабаби иккита: Биринчи, Cedaw конвенцияси ўз ичига олган фикр ва қадриятлар. Иккинчи, қасддан қотилликни содир этган кишига ўлим жазосини Аллоҳ белгилагандек қўлланмаслиги. Аёлга ҳеч қандай алоқаси бўлмаган қоттилликларнинг содир этилаётганини айтмаса ҳам бўлади. Қолаверса, Исломга зид низомлар ҳам эркаклар ва ҳам аёлларга нисбатан содир этилаётган қотилликларга ҳамда бошқа ҳар хил жиноятларга қулай шароит яратиб бермоқда. Қотиллик қурбони бўлган эркаклар сони аёллар сонидан бир неча баробар кўп. Чунки, мавжуд низомларнинг Исломга ҳеч қандай алоқаси йўқ.

8 – Йиғин иштирокчилари аёлларга нисбатан содир этилаётган қотиллик жинояти жавобгарлигининг катта қисмини феминистик ташкилотларга юкладилар. Чунки, бу ташкилотлар жиноятчига шариат аҳкомлари қўлланишини рад этади ва аёлларни жамият қадриятларига исён қилишга тарғиб қилиб, уларнинг қотиллик қурбони бўлишларига ташлаб қўяди… Бундай ташкилотларнинг муслима аёл азоб-уқубатлари билан савдо қилиш ва чет элликлар режаларини амалга оширишдан бошқа ташвиши йўқ.

9 – Бизга маълумки, бундай шубҳали феминистик ташкилотларнинг барчаси аёлни эмас, балки лесбиянкаларни ҳимоя қилишга ҳаракат қилишади. Шунинг учун биз такрор айтамизки, бундай ташкилотлар мутлақо бизни тамсил этмайди.

Фаластиннинг Халил шаҳри ҳурлари

Оли Ҳарбавий девони                                                       7 январ 2020 йил

Роя газетасининг 2020 йил 15 январ чоршанба кунги 269-сонидан

+1

0

Related posts:

CEDAW конвенцияси Исломга қарши уруш ва муслима аёлни бузуқликка бошлашдир CEDAW конвенцияси фаҳшга чақиради, Ислом эса, поклик ва иффатга даъват қилади CEDAW конвенциясини имзолаш гуноҳи кабира бўлиб, Аллоҳ ва Росулига уруш эълон қилишдир Қуддуси Шарифдаги нуфузли кишилар ва оқсоқоллар CEDAW конвенциясига рози бўлмасликка иттифоқ қилдилар