Фикрлар кураши

بِسْمِ اللهِ الرَّحْمٰنِ الرَّحِيم

Биз жуда кўп бор яккакураш мусобақаларини кўрганмиз. Кураш майдонидаги рақиблар бир-бирини мағлуб қилиш учун жон-жаҳди билан ҳаракат қилишини, ғолиблик учун бор куч ва имкониятларини ишга солганларини гувоҳи бўлганмиз. Бу барча учун таниш воқелик. Аммо мавзуимиз кураш жиҳатидан ўхшаш бўлса-да, жисмоний эмас, фикрий кураш хусусида. Бу курашнинг воқелиги шундан иборатки, ҳар бир инсон ҳаёт ҳақидаги ўз фикрига эга ва бу унинг учун устувор фикрдир, қачонки инсонга ана шу фикрига қарама-қарши фикр берилса, унинг зеҳнида фикрлар ўртасида кураш бошланади. Яъни инсон ўзидаги мавжуд фикр ва унга берилган қарши фикр борасида фикрлай бошлайди, яъни фикрлар ўртасида кураш бошланади.

Аммо бу ҳолат ҳар доим ҳам вужудга келавермайди, чунки ҳамма инсонлар ҳам ҳаёт ҳақидаги устувор фикрга эга эмас. Жумладан, юртимиздаги аксар инсонларни бунга мисол қилсак бўлади. Улар бугунги кунда эргашаётган демократик фикрларни устувор фикр сифатида қабул қилмаганлар, фақатгина уларнинг моҳиятини англамай, кўр-кўрона эргашяптилар холос. Яъни ўзлари мусулмон бўлганлари ҳолида исломий фикрга, демократияга эргашганлари билан унинг фикрларига эга эмаслар. Нафсларига қайси бири тўғри келса эргашиб кетаверадилар. Бутун борлиқнинг Яратувчисини эътироф этсалар-да, ҳаётларини тартиблаштиришда ботил демократик фикрларга таянмоқдалар. Ва бу ишда ҳеч қандай қарама-қаршилик кўрмаяптилар.

Демократиянинг ҳам асл мақсади мана шу. Унга шундай зеҳнли одамлар керак, шу сабабли ўзининг аслий ҳақиқатини яширган ҳолда бузуқ тушунчаларига эргаштириш учун зўр бериб ҳаракат қилади. Гарчи ҳаёт ҳақидаги фикрларни берса-да, уларни инсонни уйғонишга олиб бормайдиган шаклда беради, чунки унинг мақсади юртимиздаги инсонларни уйғониб, фикрий юксалишлари эмас, аксинча фикран қолоқ ва тубан инсонларга айлантиришдир. Шу сабабли халқнинг аксарияти мусулмон эканлигини ҳисобга олган ҳолда, биринчи навбатда, ҳаёт ҳақида фақат тўғри фикрларни берувчи ва тўғри уйғонишга олиб борувчи исломий фикрларни ёмон кўрсатиш орқали динимизга ҳужум қилмоқда. Ва маълум маънода бунга эришди ҳам. Биз унга эргашганимиз сари тобора фикран қолоқлашиб, ўз ҳаётимизга тааллуқли масалаларга беэътиборлик билан қарай бошладик, ўз динимиз ва унинг кўрсатмаларига амал қилмай қўйдик. Оқибатда, уларни ёмон кўриб, ҳаётимиз учун хавф сифатида қарай бошладик. Бундан ортиқ тубанлик, хорлик бўлмаса керак.

Ҳаётимиздаги бу улкан муаммони ечими ўз динимизда. Айнан Ислом ақлимизни қаноатлантирадиган ва яратилиш табиатимизга мос келадиган энг тўғри ечимларни беради. Биз Исломни мабда сифатида ҳаётимизга татбиқ қилишни бошлаган кундан бошлаб демократиянинг ботил фикрлари зеҳнимиздан қувилади. Чунки илоҳий ақида фикрларига инсоннинг ноқис ақли томонидан ўйлаб топилган ботил ақида фикрлари қарши тура олмайди. Шундагина биз бу ботил ақиданинг асл ҳақиқатини англаб, қанчалар разил эканини тушунамиз.

Ҳизб ут-Таҳрирнинг Ўзбекистондаги медиа офиси. Салоҳиддин

03.02.2020й