بِسْمِ اللهِ الرَّحْمٰنِ الرَّحِيم

Халифалик ағдарилишининг 97 йиллиги хотираси

Ражаб ойида мусулмонлар Халифалик давлатини йўқотганларига тўқсон етти йил бўлди. Росулуллоҳ CAB имом Бухорийнинг Абу Ҳурайра Gдан ривоят қилган ҳадисида

«وَإِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом-халифа қалқондир, унинг ортида туриб жанг қилинади ва у билан ҳимояланилади», дедилар.

Халифа йўқ бўлган кундан бошлаб, еб тўймас очофатлар ўз товоғига ташлангани каби дунёнинг барча томонидан мусулмонлар устига ташланишди, шариатимиз аҳкомларини бекор қилиб, бошимизга не-не балолар ёғдиришмади… Бир бутун давлатимизни майда давлатчаларга бўлиб ташлашди, бойликларимизни талон-тарож қилишди, қонларимизни дарё қилиб оқизишди, икки қибламизнинг биринчисини, Росулуллоҳ CABнинг Исро ва Меърож ўринларини топташди, уларнинг зулм ва қирғинларига дучор бўлмаган мусулмон қолмади. Зулм, қийноқ ва қатлиомлар Сурия, Ироқ, Шарқий Туркистон, Бирма ва Марказий Африкадан тортиб, бошқа юртларимиздаги барча мусулмонларгача етиб борди.

Шу кунларда куфр мустамлакачилари қўшни Афғонистон заминида сунъий ваҳимани пайдо қилиш орқали Марказий Осиёда ҳам Ислом ва мусулмонларга қарши курашни янги босқичга олиб чиқишмоқда. Хусусан, мастамлакачи давлатлар «Мўътадил Ислом» лойиҳасига йўл очиш мақсадида мабдаий даъват юкини кўтариб чиққан даъватчиларга қарши курашни кучайтира бошлашди. Бу курашда расмий ҳукуматнинг зулмлари ожиза аёлларни ҳам четлаб ўтмади. Ожиза аёлларни терговхоналарда таҳқирлаш ва ҳатто зўрлаш билан таҳдид қилиб, кўп болали аёлларни қамоққа ташлашдан тап тортмай қўйди. Марказий Осиё давлатларининг малай ҳокимлари соқол ва ҳижобга қарши кенг кўламли кампания бошлаб, масжидга киришни маълум ёшга чеклашган бўлса, мактаб ўқувчи қизларига рўмол ўраш тақиқланди. Малай ҳукумдорлар Исломга қарши курашда фақат шу билан чекланиб қолмай, ҳатто мусулмонларга ўз фарзандларига исломий исмлар қўйишни ман қилишгача етиб боришди…

Мусулмонлар нафақат хорлик, хўрлик, танг-бахтсизлик аҳволига тушиб қолдилар, балки уларнинг саноқлари жуда кўплигига қарамай, худди очофат бўрилар қуршовига тушиб қолган қўзичоқлар каби чор атрофларидан ҳамма халқлар ёпирилиб талаётган ўлжаларга айланиб қолдилар. Мана, бугун уларнинг юртлари парчаланди, ҳурматлари камситилди, номуслари топталди, муқаддас нарсалари оёқ ости қилинди, бойликлари талон-тарож қилинди, ўрталарига сунъий чегаралар тортилди, ҳаётларидан Аллоҳнинг шариати олиб ташланди, уларнинг устига ғарбпараст, ўз халқи манфаатларидан юз ўгириб, мустамлакачи давлатлар манфаатларини ҳимоя қилувчи малай ҳокимлар ҳукмрон бўлиб олди… Биз бугун Росулуллоҳ CAB ҳақ-рост айтганларидек, худди селнинг кўпигига ўхшаб қолдик!!!

Гарчи кофир давлатлар ўн тўққизинчи асрда фикрий урушни бошлаб, мусулмонларга Ислом фикрларини бузиб кўрсатиш орқали ўнлаб йиллар мобайнида Халифаликка зарба беришган бўлса-да, Аллоҳнинг фазлу карами ила, бугун Халифаликни талаб қилувчи овозлар баралла янграмоқда. Индонезиядан то Малайзиягача, Покистондан Туркиягачага, Шом, Ливан Фаластинда то Марказий Осиёга қадар барча исломий юртларимиз Ҳизб ут-Таҳрир аъзолари олиб бораётган фаолиятлар ва тадбирларга гувоҳ бўлди.

Зотан, ўз ҳокимиятига эга Халифалик давлатисиз ҳаётда Ислом бўлмайди. Ушбу давлат Ислом шариати билан ҳукм юритиб, Аллоҳ ҳалол қилганки нарсани ҳалол, Аллоҳ ҳаром қилганки нарсани ҳаром қилади, мусулмон ва ғайримусулмон дохил ўз фуқаросига шаръий аҳкомлар билан ғамхўрлик қилиб, адолат, хавфсизлик ва тинчлик улашади. Барча инсоният Ислом нури ва ҳидояти соясидан баҳра олиб, халқаро мустамлакачилик зўрлаб ўрнатган репрессив режимлар оловида жизғинак бўлишдан халос бўладилар. Ислом Уммати илгари бўлганидек, яна инсонлар учун чиқарилган энг яхши умматга, раббоний рисолага эга Умматга айланади. Бу Уммат бузуқ ва бузғунчи моддий ҳазоратга тобелик ғуборларини эгнидан қоқиб ташлаб, унинг ифлослиги ва балоларидан бутун башариятни халос этишга киришади, уларни Ислом адолати ва раҳматига буркайди.

وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمْ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُوْلَئِكَ هُمْ الْفَاسِقُونَ

«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир»        [Нур 55]

Росулуллоҳ CAB бундай марҳамат қилдилар:

«إِنَّ اللهَ زَوَى لِي الأَرْضَ فَرَأَيْتُ مَشَارِقَهَا وَمَغَارِبَهَا، وَإِنَّ مُلْكَ أُمَّتِي سَيَبْلُغُ مَا زُوِيَ لِي مِنْهَا»

«Аллоҳ ерни менга йиғиб кўрсатди, шунда унинг кун чиқишидан кун ботишигача барча жойларини кўрдим. Аниқки, Умматим мулки менга йиғиб кўрсатилган жойларгача етиб боради».

Ҳизб ут-Таҳрир                                                                      22 ражаб 1439ҳ

Қирғизистон                                                                            9 апрел 2018м