Халифалик давлати жиҳози
Халифалик давлати жиҳози
(бошқарув ва идора)
بِسْمِ اللهِ الرَّحْمٰنِ الرَّحِيم
МУҚАДДИМА
(3)
Исломдаги бошқарув низоми ҳақиқий маънодаги демократия ҳам эмас, яъни қонун чиқаришни, нарсаларнинг ҳалол-ҳаром, чиройли ва хунуклигини белгилашни ҳамда шариат ҳукмларига риоя қилмай ҳуррият деган ном билан халққа бериб қўйган демократия эмас. Мусулмонлар ҳақиқий маънодаги демократияни қабул қилмаслигини кофирлар жуда яхши билишади. Шунинг учун мустамлакачи кофир давлатлар – бугунги кунда хусусан Америка – мусулмонлар юртларига демократияни алдов йўллари билан киритишга уринишмоқда, мусулмонларга адаштирувчи тасаввурни бериш учун демократия ҳокимни сайлаш механизмидир, деб мусулмонларнинг туйғуларини қитиқлашаётганини кўрасиз. Гўёки демократиядаги асосий иш ҳокимни сайлаш қилиб кўрсатишади. Чунки мусулмонлар юртлари – улар подшолик ёки республика деб номланаётган режимлар бўладими, фарқи йўқ – зўравонлик, зулм, оғизларни ёпиш ва диктатурага мубтало бўлган. Шунинг учун биз айтамизки, бундай балоларга мубтало бўлган мусулмон юртларда кофирлар «демократия ҳоким сайлаш йўли», деб унинг «бозорини чаққон» қилишлари осон бўлиб қолди ва кофирлар ундаги асосий нарсани, яъни қонун чиқариш, ҳалол-ҳаром қилишни Аллоҳга эмас, инсонга бериш эканлигини ўраб беркитишди. Ҳатто баъзи исломчилар, балки баъзи шайхлар ҳам яхши ният биланми, ёмон ният биланми, бу алдовга лаққа тушишди. Агар улардан демократия ҳақида сўрасангиз, уни ҳокимни сайлаш деган эътибор билан жоиз, дейишади. Улардан ёмон ниятлилари эса, демократлар демократияга берган ҳақиқий маънодан узоқлашиб, уни ўраб беркитадилар. Демократиянинг ҳақиқий маъноси эса, ҳукмронликни халққа бериш бўлиб, халқ кўпчиликнинг раъйи билан хоҳлагандек қонун чиқариб, нарсаларни ҳалол-ҳаром қилиб, уларни чиройли ва хунук, дейди. Шунингдек, шахс ўз ишларида эркин бўлиб, хоҳлаган ишини қилади, демократия ва эркинликлар деган ном остида ароқ ҳам ичаверади, зино ҳам қилаверади, муртад ҳам бўлаверади ва муқаддас нарсаларни ҳам сўкаверади. Демократиянинг мазмуни-ю воқеси ва ҳақиқати – мана шу. Шундай экан, Исломга иймон келтирган мусулмон демократия жоиз ёки демократия Исломдан дейишга қандай журъат қилади?!
Аммо Уммат ҳокимни, яъни халифани сайлаш мавзусига келсак, бунга нассда далил келган. Исломда ҳукмронлик шариатникидир. Лекин одамларнинг халифага байъат беришлари унинг халифа бўлишлигининг асосий шартидир. Олам демократия зулмати ва подшолик туғёнида яшаётган даврларда ҳам Исломда халифа сайланарди. Хулафои рошидинлар: Абу Бакр, Умар, Усмон ва Али р.а. ларнинг сайланиш услубларини кузатган одам улардан ҳар бири халифа бўлиши учун аҳли ҳал вал-ақд ҳамда мусулмонларнинг вакиллари тарафидан байъат тамомига етгандан кейингина одамлар итоат қилиши вожиб бўлган халифа бўлганларини аниқ кўради. Мусулмонларнинг вакилларини (улар Мадина аҳли эди) раъйини билиш топширилган Абдурраҳмон ибн Авф р.а. ундан-бундан сўраб айланиб юрди. У киши бу уй, у уйга бориб эркаклар ва аёллардан номзодлардан қайси бирини ихтиёр қиласизлар, деб сўрар эди. Охири одамларнинг фикри Усмон р.а. га келиб тўхталганлиги аниқ бўлгач, у кишига байъат бериш тамомига етди.
Хулоса: Демократия куфр низомидир. У ҳокимни сайлаш дегани учунгина эмас – чунки бу асосий мавзу эмас – балки демократиядаги асосий нарса қонун чиқаришни оламлар Раббиси Аллоҳга эмас, балки инсонга бериш бўлгани учун ҳам куфр низомидир. Аллоҳ Субҳонаҳу айтади:
إِنِ الْحُكْمُ إِلاَّ لِلَّهِ
– “Ҳукм ёлғиз Аллоҳнинг измидадир”. (Юсуф:67)
У зот яна шундай деди:
فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجًا مِّمَّا قَضَيْتَ وَيُسَلِّمُواْ تَسْلِيمًا
– “Йўқ, (эй Муҳаммад алайҳис-салом), Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича-бўйсунмагунларича зинҳор мўмин бўла олмайдилар”. (Нисо:65)
Қонун чиқариш фақат Аллоҳники эканлигига жуда кўп машҳур далиллар бор.
Бундан ташқари, демократия шахсий эркинликка рухсат берганлиги сабабли эркак ҳам, аёл ҳам ҳалолу ҳаромлигига қарамасдан хоҳлаган ишини қилаверади. Шунингдек, у диндан қайтиш ва динни ўзгартириш каби диний эркинликка ҳам рухсат беради. Кейин ундаги мол-мулк эркинлиги сабабли бу жамиятда кучли кимса заифни хоҳлаган воситалари билан эксплуатация қилади, натижада бой бойиб, камбағал камбағаллашиб бораверади. Шунингдек, демократиядаги сўз эркинлиги – ҳақ гапни айтиш учун эмас – балки, Умматнинг муқаддас нарсаларининг зиддига бўлиб, ҳатто улар сўз эркинлиги деб номланган нарса остида Исломга ҳужум қилиб, ҳақорат қилган кимсаларни билимдон кишилар, деб уларни совғалар билан кўмиб ташлашади.
Демак, Исломда бошқарув низоми императорлик, федератив низом ҳам, социалистик ва демократик низом ҳам эмас, фақат Халифалик низомидир.
Учинчи: Халифалик давлати жиҳозлари – гарчи баъзи кўринишларида ўхшаб кетса ҳам – ҳозирги кундаги маълум тузумларнинг аппаратларидан бутунлай фарқ қилади. Халифалик давлати жиҳози Расулуллоҳ ﷺ Мадинаи Мунавварага ҳижрат қилиб, у ерда барпо қилган давлат жиҳозидан олинади. Хулафои рошидинлар ҳам Расулуллоҳ ﷺнинг вафотларидан кейин худди шу йўлдан юришган.
Бу ҳақда келган нусусларни ўқиб, ўрганиб чиқилгандан кейин Халифалик давлатида бошқарув ва идора қилиш қуйидаги тартибда бўлиши аниқ бўлади:
1. Халифа.
2. Муовинлар (тафвиз вазирлари).
3. Танфиз вазирлари.
4. Волийлар.
5. Жиҳод амири – ҳарбий идора (қўшин).
6. Ички хавфсизлик.
7. Ташқи ишлар.
8. Саноат.
9. Қозилик.
10. Одамлар манфаатлари.
11. Байтулмол.
12. Ахборот.
13. Уммат мажлиси (шўро ва муҳосаба).
Бу жиҳозлар ва уларнинг далилларига келгуси бобларда батафсил тўхталиб ўтамиз. Биз Аллоҳ Субҳонаҳудан бизни Ўз нусрати билан азизу мукаррам қилишини ва тўғри йўлни тутувчи иккинчи Халифаликни барпо қилишга муваффақ қилиб, Ислом ва мусулмонларни азиз, куфр ва кофирларни эса, хор қилишини ва бутун олам бўйлаб эзгулик таралишини сўраб қоламиз.
إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا
– “Албатта Аллоҳ Ўзи (хоҳлаган) ишига етгувчидир (яъни Унинг хоҳишига қарши тургувчи кимса йўқдир). Дарҳақиқат, Аллоҳ барча нарса учун миқдор-ўлчов қилиб қўйгандир (яъни ҳаётда рўй берадиган ҳар бир яхши ёмон воқеа-ҳодиса Ёлғиз Аллоҳ хоҳлаган-белгилаган вақт ва ўлчовда рўй беради)”. (Талоқ:3)
Зеро, фақат Аллоҳдангина ёрдам сўралади ва Унинг Ўзигагина суянилади.
Ҳизб ут-Таҳрирнинг Ўзбекистондаги медиа офиси
21.12.2020й
