ХАЛИФАЛИК ДАВЛАТИ ЖИҲОЗИ

(Бошқарув ва идора)

بِسْمِ اللهِ الرَّحْمٰنِ الرَّحِيم

Еттинчи: Ташқи ишлар

Битимлар, сулҳлар, шартномалар, музокаралар, элчи алмашинишлар, вакил юборишлар, элчихона ва консулхоналар қуришлар каби сиёсий алоқалар бўладими ёки иқтисод, қишлоқ хўжалиги, савдо соҳасига оид алоқалар бўладими, почта, телефон, телеграф алоқалари бўладими, Халифалик давлатининг ажнабий давлатлар билан бўладиган барча ташқи алоқаларини ташқи ишлар идораси бошқаради. Чунки бу ишлар чет давлатлар билан бўладиган алоқаларга оид ишлардир.

Пайғамбар ﷺ бошқа давлатлар ва вужудлар билан алоқалар ўрнатгандилар. Танфиз вазири баҳсида бу ҳақда тўхталгандик. Масалан, Пайғамбар ﷺ Усмон ибн Аффонни Қурайш билан музокара олиб бориш учун юборгандилар. Пайғамбаримиз ﷺнинг ўзлари ҳам Қурайш элчилари билан музокаралар олиб боргандилар. Шунингдек, у зот подшоларга элчилар юборар, айни пайтда уларнинг элчиларини кутиб олардилар. Битимлар, сулҳлар тузардилар. У кишидан кейин халифалари ҳам худди шу йўлдан бориб, чет давлатлар ва вужудлар билан сиёсий алоқалар ўрнатдилар. Бир шахс ўзи қилиши керак бўлган бир ишни бошқа биров бажариб бериши учун уни ўзидан вакил қилишга ёки ноиб этиб тайинлашга ҳақлидир, деган асосга таяниб, бу борада ўзларидан ноиблар тайинлардилар.

Ҳозирги кунда халқаро сиёсий ҳаёт мураккаблашиб кетгани ва халқаро сиёсий алоқалар кенгайиб, хилма-хиллашиб кетганидан келиб чиқиб, биз халифа халқаро алоқалар билан шуғулланадиган бир махсус давлат жиҳозини ўзидан ноиб этиб тайинлашини табанний қиламиз. Давлатдаги бошқа ҳар қандай ҳукм ва идора жиҳози каби бу жиҳоз ҳам бевосита ёки танфиз вазири воситасида шу соҳага доир шаръий ҳукмларга мувофиқ халифа назорати остида бўлади.

Ҳизб ут-Таҳрирнинг Ўзбекистондаги матбуот бўлими

18.08.2021й