بِسْمِ اللهِ الرَّحْمنِ الرَّحِيمِ

Халифалик хомхаёл эмас, хақиқатдир!

Ҳизб ут-Таҳрир Халифаликни тиклашни хомхаёл қиляпти, ваҳоланки у шу кунларда иложи йўқ ишдир, деб айтадиган кимсалар борлигини биламиз. Биз бунга шундай жавоб берамиз: Ҳизб ут-Таҳрир Аллоҳнинг имон келтирган ва солиҳ амал қилган кишиларга:

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ

«Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни халифа қилганидек, уларни ҳам ер юзида халифа қилишни ваъда қилди»   [Нур 55]

деб берган ваъдасини тиловат қилаётган бўлса хомхаёл қилаётган бўладими? Ҳизб ут-Таҳрир Росулуллоҳ солаллоҳу алайҳи васалламнинг мана бу зўравон бошқарувдан кейин яна Халифалик янгидан тикланиши ҳақида:

«…ثُمَّ تَكُونُ جَبْرِيَّةً… ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

«… Сўнг зўравон подшоҳлик бўлади… Сўнг пайғамбарлик минҳожи асосидаги Халифалик бўлади» деб айтган сўзларини ўқиётган бўлса хомхаёл қилаётган бўладими? Биз бу ерда: Ҳизб ут-Таҳрирнинг Халифаликдан бошқа матоси йўқ, қаерда бўлса фақат Халифалик ҳақида гапиради, холос, ундан бошқасини билмайди, унинг ундан бошқа улфати йўқ, деб айтадиган кимсалар борлигини ҳам яхши биламиз! Ҳа, тўғри, эй мусулмонлар, Халифалик «мато»дир, у дин ва дунёни асровчидир, у мавжуд бўлса ҳукмлар қоим бўлади, ҳадлар ижро этилади ва ҳақиқий фатҳлар бўлади. Халифалик мусулмонлар Росулуллоҳ солаллоҳу алайҳи васалламни дафнга тайёрлаш ва дафн қилишни кечиктириб киришишган бир шаръий ҳукмдир. Бу дафннинг аҳамияти ва буюклигига қарамай улар шундай иш тутишди. Буларнинг барчасига сабаб Халифаликнинг буюклиги ва аҳамиятга эгалигидир. Чунки кибор-улуғ саҳобалар халифани сайлаш билан машғул бўлишни ана шу буюк фарздан: Росулуллоҳ солаллоҳу алайҳи васалламни дафнга тайёрлаб, дафн этишдан ҳам кўра бирламчи иш деб билдилар… Ҳа, шундай, Халифалик азизлик ва қудратдир. У яҳуд давлатини йўқ қилиб Фаластинни тўла ҳолда Ислом диёри бағрига қайтаради. У ҳиндларнинг Кашмир устидан ҳукмронлигини йўқ қилади. У русларнинг Чеченистон, Кавказ ва Татаристондаги ҳукмронлигига чек қўяди. У Хитойнинг Шарқий Туркистонни босиб олишига барҳам беради. У Қримни ўзининг аслига, Халифалик давлатининг бир қисми бўлишга қайтаради. У барча Ислом юртларини ўз аслига қайтаради. У мусулмонлар юртларида қутириб ўйин қилаётган Америка, Британия ва Франция чангалини қирқиб ташлайди ва бу мустамлакачиларни агар уларнинг уяси қолган бўлса ўша уясига қувиб қайтариб юборади… Халифалик бутун Шом бўйлаб тинчлик ва омонликни ўрнатади. У Ироқнинг парчалаб ташланишига йўл қўймайди, Судандан ажратиб ташланган қисмини асл ҳолига қайтаради, Сомалини бирлаштиради. Индонезия ва Малайзия жойлашган Тинч океан атрофларидан тортиб Мағриб ва Андалус жойлашган Атлантик океани соҳилларигача мустамлакачи кофирлар чизиб қўйган сохта чегараларни ва тўсиқларни йўқ қилади. Халифалик барча тарафга адолат ва яхшиликни таратади, Ислом ва мусулмонларни азиз қилади, зулм ва ёвузликни таг-томири билан қуритади, мустамлакачи кофирларни хор қилади…

Энди бирон киши бундай дейиши мумкин: Халифалик буларнинг барчасини қила оладими? У нусратни юзага келтириб, мағлубиятни даф қила оладими? Биз бунга: ҳа, қила олади, зеро буни Роббимиз Субҳанаҳу ва Таъоло айтяпти:

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ

«Агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга ёрдам берур ва жанг майдонида кадамларингизни собит-барқарор қилур»   [Муҳаммад 7]

деб жавоб берамиз. Аллоҳнинг ҳақ нусрати эса Унинг ҳукмларини қоим қиладиган Ислом давлатини барпо қилиш билангина бўлади. Шунинг учун бу давлат тикланса Аллоҳ Субҳанаҳу унга ёрдам беради, уни мустаҳкамлаб қудратли қилади. Натижада уни дўстлари ҳурмат қиладиган, душманлари эса ундан ҳайбатланиб ҳайиқадиган бўлади. Буни Росулуллоҳ солаллоҳу алайҳи васаллам айтяптилар:

«اَلْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом бамисоли ортида туриб жанг қилинадиган ва ҳимояланиладиган бир қалқондир». Демак халифа ва Халифалик бир қалқондир, яъни сақловчи ҳимоядир. Кимнинг сақловчи ҳимояси бўлса у Аллоҳ изни ила охир-оқибат ғолибдир, унинг ҳуқуқлари ҳам, юртлари ҳам зое бўлмайди, душманлари унга яқин келишга журъат қилолмайди. Буни Халифалик тарихи ўз тили билан айтиб турибди. Масалан қани Византия ва унинг найзалари? Қани Мадоин ва Кисролар? Бутун ер юзи бўйлаб океандан океангача чўзилиб ётган ана шу жойларда янграган такбир садолари кимники эди? Бу такбир садолари агар Ислом давлати, Ислом қўшини ва Ислом адолати бўлмаса қандай янграй олар эди?… Демак Халифалик мусулмонларнинг азиз бўлишлари манбаи, уларнинг уйғонишлари йўли ва бирликлари рамзидир. Мусулмонларнинг дунёда ҳам, охиратда ҳам зафар топишлари Халифаликда бўлади, бу эса буюк зафардир… Эй мусулмонлар ҳақ мана шудир, шунинг учун ҳаракат қилувчилар мана шундай ишга ҳаракат қилсинлар.

فِي بِضْعِ سِنِينَ لِلَّهِ الْأَمْرُ مِن قَبْلُ وَمِن بَعْدُ وَيَوْمَئِذٍ يَفْرَحُ الْمُؤْمِنُونَ

بِنَصْرِ اللَّهِ يَنصُرُ مَن يَشَاءُ وَهُوَ الْعَزِيزُ الرَّحِيمُ

«Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир»    [Рум 4-5]

Ҳизб ут-Таҳрирнинг Ўзбекистондаги медиа офиси

31.10.2014й.