بِسْمِ اللهِ الرَّحْمنِ الرَّحِيمِ

Матбуот баёноти

Росулуллоҳ САВнинг байроқларига оид «Халифалик исломий фарз ва Умматнинг халос бўлиш йўлидир» номли юриш ниҳоясига етди

Алҳамду лиллаҳ, ҳижрий 1438 йил ражаб ойи, милодий 2017 йил апрел ойи мобайнида Ҳизб ут-Таҳрир-Индонезия томонидан Индонезиянинг 36та катта шаҳарларида Росулуллоҳ САВнинг байроқларини намойиш қилиш юриши тинч ва тартибли равишда ниҳоясига етди. Лекин юртнинг баъзи шаҳарларида давлатнинг ижроий маъмурияти чекловлари сабабли ушбу «Мабара» номли юришнинг жойлари, шакли ва вақтини ўзгартиришга тўғри келди. Аммо бу нарса, ўтказилган табдирлар, одамларга мактуб юборишлар ва унга нисбатан одамлар жавоблари каби юришда эришилган ютуқни камайтирмади, албатта.

Ҳизб ут-Таҳрир-Индонезия «Мабара» юришини Ислом тушунчалари ва рамзларини изоҳловчи бир восита сифатида уюштирди. Алҳол, Росулуллоҳ САВнинг ливо билан роя дохил иккала байроқлари, иккаласи ҳам бир-биридан ажралмас бўлганлари жиҳатидан, Халифалик билан шариатнинг буюк мафкурасини қўллаб-қувватламоқда. Мозийда ливо билан роя Халифалик вужуди ва Уммат бирлиги белгиси ўлароқ ҳисобланган. Аммо айни юришдан мақсад, одамларга мана шу рамзларимиз ва фикрларимиз ҳақида маълумот беришдир, токи, улардан кимлардир буларни яхши тушуниб, қабул қилиб, Исломни бутун дунёга раҳмат сифатида етказиш учун Умматни уйғотишнинг бир воситаси сифатида шу байроқлар остида жангга кирсинлар.

Росулуллоҳ САВнинг роя ва ливолари юриш шаклида намойиш этилиши билан бир қаторда, Индонезиядаги халқаро Халифалик конференцияси шаклидаги бир исломий тўпланишни ҳам пайдо қилди. Бу тўпланиш, ўз навбатида, Ҳизб ут-Таҳрирнинг Индонезиядаги билимдон қобилиятли йигитларининг жамиятдаги турли синф вакиллари билан учрашишлари учун тайёр восита бўлди. Шу восита орқали томонлар Умматни жонлантиришнинг аҳамияти, ҳаётни исломий ҳаётга ўзгартириш ва Умматни бирлаштириш учун ҳамкорликда ҳаракат қилиш зарурлиги, зотан, бу бирликка Ислом байроғи бўлмиш Росулуллоҳ САВнинг роя ва ливолари рамз сифатида намоён бўлгани ҳақида суҳбатлашдилар.

Ушбу тадбирлар ютуғига муносабат сифатида, биз Ҳизб ут-Таҳрир-Индонезия аъзолари қуйидагиларни таъкидлаймиз:

1 –Ушбу «Мабара» тадбирида ғайрат билан иштирок этган жамият етакчилари, уламолар, профессорлар, тадбиркорлар, онаҳонлар, ёшлар, талабалар, журналистлар ва бутун иштирокчиларга ташаккур билдирамиз. Шунингдек, хавфсизлик хизматининг барча бўлимидаги ходимларига ҳам, айни тадбирнинг тинч, тартиб-интизом билан ўтишини таъминлашда кўрсатган ғайратлари учун ташаккур изҳор этамиз. Ливо ва роянинг алоҳида мазмун касб этишини намойиш қилиш учун ўтказилган айни муҳим тадбирда иштирок этишингиз Аллоҳнинг йўлида қилинган яхши амаллардан ҳисобланиб, инша Аллоҳ бунинг учун Парвардигорнинг ҳузурида савобга ноил бўласиз.

2 –«Мабара» тадбирини ўтказишда бирор камчилик ёки заифлик ёхуд хато содир этилган бўлса, бунинг учун барча томонлардан узр сўраймиз.

3 –Шуни таъкидлаймизки, роя ва ливолар тўлқинига қўшимча, «Мабара» тадбирида қатнашган кишиларда намоён бўлган ғоят кўтаринки кайфият Умматнинг Пайғамбарлик минҳожи асосидаги ва исломий шариатни мукаммал татбиқ этадиган Халифалик соясида исломий ҳаётни қайта бошлашга жуда муштоқ эканини кўрсатмоқда. Бир вақтнинг ўзида, бу кўтаринкилик ливо ва рояни террористик жамоалар рамзи эканини таъкидлаётган ёлғон даъволарга ҳам раддия бўлмоқда.

4 –Барча томонларни, хусусан, ҳукумат ва хавфсизлик хизматини айни тадбир-ҳодисаларни ҳамда Ҳизб ут-Таҳрирнинг илгари ўтказган юзлаб, ҳатто минглаб шунга ўхшаш тадбирларини намойиш этишга даъват қиламиз. Чунки булар мусулмонларнинг қонунан кафолатланган интилиш ва ифодаларининг бир қисмидир. Шунингдек, бу тадбирларга Ҳизб ут-Таҳрир-Индонезиянинг Уммат ва давлатнинг уйғонишига қўшган ҳиссаларидан бири сифатида қаралмоқ зарур. Ҳизбнинг бу ҳиссаси, одамларда тавҳид руҳини уйғотиш ва шу орқали уларда яратувчимиз бўлмиш Аллоҳ аҳкомларига бугун ҳам, келажакда ҳам итоат қилишларига туртки пайдо қилишдан иборат. Чунки Ҳизб ут-Таҳрир-Индонезия тобора кучайиб бораётган коррупциянинг ҳамда ахлоқий бузуқлик, жиноятчилик, қонун ва иқтисоддаги адолатсизлик, туғён ва бошқа барча иллатларнинг сабабчиси мана шу тавҳид ва Аллоҳ аҳкомларига итоат қилишдаги заифликдир, деб билади. Шунинг учун бу каби буюк ва аҳамиятли исломий тадбирларни тақиқлаш ёки кечиктириш ёхуд хоинлик каби асоссиз айбловлар билан қоралаш, мутлақо нолойиқдир. Шариатни шахсий ҳаётда татбиқ этиш ва шу йўлда жанг қилиш, ҳар бир мусулмоннинг вазифаси бўлиб, бу билан бугун ва келажакда Аллоҳга қуллик қилиш рўёбга чиқади.

Бизга Аллоҳнинг Ўзи кифоя, У нақадар яхши вакил, нақадар яхши хожа, нақадар яхши нусрат берувчидир.

Бутун олам Парвардигори Аллоҳга ҳамд бўлсин, анбиё ва росуллар саййидига ва покдомон мусаффо оиласига, у кишининг асҳобларига, уларга қиёмат кунига қадар гўзал суратда эргашганларга салоту суломлар ёғилсин.

Муҳаммад Исмоил Юсанто

Ҳизб ут-Таҳрирнинг Индонезиядаги

расмий нотиғи

Телефон: 0811119796

Электрон почта: Ismailyusanto@gmail.com