Халифалик йиқитилганининг хотираси уни қайта тиклашга бўлган ҳаракатларни кучайтиришга ундамоғи зарур

بسم الله الرحمن الرحيم

1924 йил 3 март Ислом тарихидаги энг фожиали кун бўлди. Шу кунда Усмоний Халифалик давлати тугатилди, демакки, Ер юзида Ислом аҳкомлари татбиқ бўлишдан тўхтади. Шу кундан эътиборан инсоният адолат рамзи бўлган Халифаликсиз яшай бошлади. Шу кундан эътиборан кучли кучсизни эзадиган, йирик давлатлар заиф давлатларни қонини сўриб, халқларини қул қиладиган замон бошланди. Дунё қулоғигача муаммога ботиб кетди, кетма-кет келган молиявий-иқтисодий кризислар миллионлаган одамларни хонавайрон қилди, иккита жаҳон урушида ва дунёнинг турли нуқталарида давом этиб келаётган катта-кичик урушлар одамларнинг ёстиғини қуритди, майиб-мажруҳ қилди, яқинларидан айирди. Инсон табиати бузилиб, аёллар аёллар билан, эркаклар эркак билан турмуш қурадиган даражага етиб келди, ҳатто аёл билан эркакни фарқлаш қийин бўлиб қолди, чунки иккита жинсдан ташқари яна бошқа “жинслар” пайдо бўлди. Буларнинг барчасига дунёга капиталистик тузумнинг ҳукмронлик қилиши бош сабабчи бўлди. Капитализм пайдо бўлганидан бери инсониятга шунчалик катта зарар келтирдики, буни таърифлаш учун сўз топилмай қолди. Бугун кўпчилик унинг нақадар жирканч ва шафқатсиз эканлигини тушуниб боряпти. Аммо унинг ўрнига алтернатив мафкура борлигини кўра олмаётганлари учун капитализмни ислоҳ қилишдан бошқа чора топа олмаяптилар.

Аллоҳга ҳамдлар бўлсинки, сўнгги йилларда Ғарб демократиясининг куни битиб бораётгани яққол кўриниб қолди. Бунга унинг инсон фитратига мос келмаслиги сабаб бўлди. Бу, айниқса, мусулмонлар юртидаги ўзгартириш ҳаракатларининг кучайиб бораётганлигида яққол намоён бўлмоқда. Сурия, Ироқ, Афғонистондаги мусулмонларнинг кофир мустамлакачиларга кўрсатган қаттиқ қаршиликлари, қанчалик катта қурбонликлар берганлари куфрбоши Америка ва унинг иттифоқчиларини довдиратиб қўйди, ҳатто Афғонистондан чиқиб кетишга мажбур қилди. Бу шуни кўрсатдики, мусулмонлар заифлашиши мумкиндир, бироқ улар тамоман йўқ бўлиб кетмайдилар, Исломни уларнинг қалбидан чиқариб ташлаш асло мумкин эмас. Чунки Ислом инсонлар қалбини забт этади, ақли ва фитратига мос келади. Шунга кўра, Исломий уйғонишни тўхтатиб қолиш имконсиздир. Мусулмонлар бир асрдан кейинги ухлоқликдан сўнг уйғона бошлаганликларини Ғарб ҳам, Россия ҳам, Хитой ҳам ва бошқа душманларимиз ҳам кўриб турибди. Шунинг учун – улар бошқа ишларда келиша олишмаса ҳам – Ислом ва мусулмонларга қарши курашишда бирлашишмоқда. Шунинг учун ҳам терроризм ва экстремизмга (Ислом ва мусулмонларга) қарши курашиш, деган нарсани ўйлаб топиб, бу кураш учун бор-йўқларини сарфламоқдалар. Мусулмонлар устига ўрнатиб қўйган малай ҳокимларидан бу курашга жиддий қарашга ва бор имкониятларини сарф қилишларини талаб қилмоқда. Аллоҳга итоат қилишдан бўйин товлаган ҳукмдорларимиз ўзларига ўхшаган маҳлуқларга итоат қилиб, уларнинг талабларини ортиғи билан бажармоқдалар. Бу билан Аллоҳ ва Росули ﷺга қарши уруш очдилар, мусулмонларга хиёнат қилдилар, ўз халқларини душманларимизга қул қилдилар. Нақадар ёмон оқибат сари кетмоқдалар-а!

Бугун ҳар бир онгли мусулмонга сир эмаски, дунё бўйлаб ҳақ ва ботил кураши кетмоқда. Адолат ва зулм, куфр ва иймон кураши кетмоқда. Ҳозирги давр икки тарафдан бирида бўлинадиган даврдир, зеро, учинчи тараф йўқ. Ва масала жуда жиддийдир, ҳазил эмас. Чунки инсонлар тақдири – улар хоҳ мусулмон, хоҳ ғайримусулмон бўлсин – мана шу курашнинг натижасига боғлиқ. Ваҳоланки, зулм кўраётган фақат мусулмонлар эмас, балки инсониятдир. Биз мусулмонларнинг зиммасидаги буюк вазифа оламдаги барча инсонларга Ислом нурини ва адолатини етказишдир, токи улар ҳам жоҳилият ва зулм ботқоғидан чиқиб, азиз ва мукаррам бўлсинлар. Бунинг учун Исломни дунёга мафкура сифатида олиб чиқиб, даъват ва жиҳод орқали етказадиган Халифалик Давлати бўлиши зарур. Давлатсиз биз мусулмонлар на ҳимоялана оламиз, на Исломни ёя оламиз, на молимиз, на жонимиз омонда бўлади.

Бугун Халифалигимизнинг аламли хотираси кунида биз мусулмонларга буюк давлатларини яна ёдларига солмоқчимиз. Мусулмон аждодларимизни азиз ва қудратли қилган, душманларимиз қалбига қўрқув солган буюк Ислом давлатингизни яна қайтариб олиш сари қадам ташламайсизми, дея нидо қиламиз! Хорлик ва заифликдан куч-қудрат ва азизлик сари илдам ҳаракат қилмайсизми, дея савол берамиз! Ғайратингиз, қувватингиз, бойлигингиз, илмингиз, хуллас бор имкониятингизни мана шундай буюк иш учун сарфламайсизми, дея ҳимматингизни қўзғаймиз! Аллоҳнинг ғазабини келтирадиган системадан воз кечиб, Аллоҳ рози бўладиган бошқарувни олиб келиш вақти келганини баралла эълон қиламиз! Бундай буюк иш учун бериладиган Аллоҳнинг буюк мукофотига шошилинг! Аллоҳнинг ушбу ваъдаси ҳақдир:

وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡ‍ٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ

– “Аллоҳ сизлардан иймон келтириб, солиҳ амалларни қилганларга уларни ер юзида худди улардан олдин ўтганларни халифа қилганидек халифа қилишни, улар учун Ўзи рози бўлган динни мустаҳкамлашни ва уларнинг хавф-хатарларидан сўнг омонликни бадал қилиб беришни ваъда қилди. Менгагина ибодат қилурлар ва Менга ҳеч нарсани ширк келтирмаслар. Шундан кейин ҳам ким куфр келтирса, бас, ана ўшалар, ўзлари фосиқлардир”. (Нур:55)

Аллоҳнинг Расули ﷺнинг башорати ҳақдир:

ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ

“Сўнгра пайғамбарлик минҳожи асосидаги Халифалик бўлади”. (Аҳмад ривояти)

Ҳизб ут-Таҳрирнинг Ўзбекистондаги матбуот бўлими аъзоси Фаррух

03.03.2022й