Бинкирон: Ғарб билиб қўйсин, Африка халқлари эксплуатация қилинишга энди рози бўлмайди
بسم الله الرحمن الرحيم
Роя газетаси:
Бинкирон: Ғарб билиб қўйсин, Африка халқлари эксплуатация қилинишга энди рози бўлмайди
Марокаш бош вазири Убдулилоҳ Бинкирон «Ғарб билиб қўйсин, Африка халқлари эксплуатация қилинишга энди рози бўлмайди», деди ва «африкаликларни мустамлакачилик қолдиқларига ҳамда қитъада кечаётган ўтиш давридаги сохта мустақилликка бўйсунмаслик»ка чақирди.
У айни сўзларни шанба куни Африка сиёсий партиялар кенгаши доимий комиссиясининг еттинчи сессиясида қилган очилиш нутқида сўзлади. Айни сессия пойтахт Работда шанба-якшанба кунлари ўтказилиб, унда Судан, Синегал, Кения, Эфиопия, Нигерия ва Марокашдан сиёсий партиялар вакиллари иштирок этди.
Бинкирон Африка давлатларини «табиий бойликларни ташиб кетиши ва африкалик инсонни хорлаши билан алоҳида ажралиб турувчи мустамлакачилик босқичи қолдиқларига бўйсунмаслик»ка даъват қилди. Шунингдек, у ўз сўзлари билан айтилаётган «эксплуатация босқичига итоат қилмаслик»ка чақирди ҳамда «бу босқич айрим Африка давлатларида сохта мустақиллик, дея танилганини, Ғарб ҳамон бу давлатлар устида ҳукмронлик ва зўравонлик қилишда ва коррупциячи элита билан тил топишишда давом этаётганини, бу элита эса нуфузли шахсларга табиий бойликларни эксплуатация қилишга рухсат берганини, бир вақтнинг ўзида, айни элита халқларни бостириб, уйғониш ва тараққий топиш ҳуқуқларидан маҳрум этгани»ни таъкидлади. «Африка ўтиш босқичини бошдан кечираётган экан, тўғрисини танламоғи шартлигини, бу ҳақиқий мустақиллик, демократия ва уйғониш йўли экани»ни қўшимча қилди.
Кейин «Ғарб бизнинг халқлар энди унинг эксплуататорларига хизматкор бўлишни истамаслигини билиб қўймоғи керак, чунки улар бизнинг табиий бойликлар ва ресурсларимиздан фойдаланиб қолиш учун келишади, ортларидан эса қашшоқлик ва сиёсий кризис қолдиришади», деди. Африка давлатларини ҳақиқий ҳамкорларга айланишга чақириб, «бу ҳамкорлигимиз африкаликларнинг бировга қарши туриш ва унинг кучли позициядан туриб музокара қилиши масаласида энг кучли халқлар бўлишини таъминлайди», дея таъкидлади. (Онадўли ахборот агентлиги).
Роя газетаси шарҳи:
Ҳа, Ғарб давлатларининг мустамлакачилик сиёсатларидан азият чеккан бу халқлар энди шундай давом этаверишга рози бўлмай қолди ва улар мустамлакачилар нуфузидан, уларга қарамликдан озод бўлишга муштоқ.
Бироқ айни халқларни бу нарсага қандай йўналтирилади?? Бу халқлар тепасидаги ҳукмдорлар ушбу йўналтиришда қандай рол бажаришади? Модомики, бу ҳукмдорлар Ғарб сиёсатини ижро этиб, Марокаш, Миср, Жазоир каби юртларнинг бугунги аҳволида бўлиб тургани каби, бошқарув ва иқтисодда унинг тузумини татбиқ қилишаётган экан, бу халқлар мустамлакачиликдан қандай ҳам озод бўлсинлар?! Бугунги кунда Ғарб давлатлари таянаётган энг муҳим қурол, мана шу ювиндихўр ҳукмдорлардир. Улар ўз халқларининг Ғарбга қарамликдан озод бўлишларига тўсқинлик қилишяпти.
Роя газетасининг 2016 йил 7 сентябр чоршанба кунги 94-сонидан
