Халифалик қулатилиши хотираси: уни барпо этинг, Аллоҳ сизни марҳаматига олсин!
بِسْمِ اللهِ الرَّحْمنِ الرَّحِيمِ
Матбуот баёноти
Халифалик қулатилиши хотираси: уни барпо этинг, Аллоҳ сизни марҳаматига олсин!
Эй улуғ Уммат!
Биз шу кунларда аламли хотираларни, аср жиноятчиси Мустафо Камол қўли билан ағдарилган Халифалик хотираларини ўтказяпмиз. Бу ҳижрий 1342 йил 28 ражаб, милодий 1924 йил 3 мартда юз берди. Биз Умматга шундай улкан мусибатни, аламли ҳодисани эслатамизки, у Умматни ҳалок қилди, душманларига талатди, душманлари ёвузлигидан уни мудофаа этувчи ҳақиқий бошқарувчисиз қолдирди, ортида туриб жанг қилиниб, у билан ҳимояланадиган қалқони бўлмиш халифасидан жудо қилди. Бунинг оқибатида биз тубан кимсалар базмидаги етимларга айланиб қолдик, еб тўймас очофатлар ўз товоғига ташлангани каби, чор атрофимиздан ҳамма миллат бизга ташланадиган бўлди, Фаластин зое кетди, унга ўхшаган бошқа юртларимиз ҳам қўлдан чиқди, ишларимиз на аҳдга ва на бурчга вафо қиладиган, бизга қаттиққўллик қилиб, кофирларга хоксор бўлган бир гуруҳ рувайбизалар қўлига ўтди.
Эй улуғ Уммат!
Ёлғиз Халифаликкина бизни бундай вазиятдан халос этади, ёлғиз угина Умматни ўз улуғлигига ва миллатлар, халқлар ўртасидаги олий даражасига қайтаради, ёлғиз угина асир Ақсоимизни босқинчи яҳудийлар қўлидан озод этади, ёлғиз угина бизга ёрдам беради, ёлғиз ундагина бизнинг тириклигимиз, олийлигимиз, ғолиблигимиз, қудратимиз, бахт-саодатимиз, бу дунёю у дунё ютуғимиз бор.
Шунинг учун биз Ҳизб ут-Таҳрир аъзолари сизни чуқур тафаккур қилишга, аҳволимиз ва вазиятимизни кўра билишга, келажагимизни ўзингиз белгилашингизга даъват қиламиз, Пайғамбарлик минҳожи асосидаги иккинчи рошид Халифаликни барпо этиш учун биргаликда фаолият қилишга даъват этамиз. Чунки кофирлар аввалги халифалигимизни қулатдилар. Бас, шундай бўлгач, Аллоҳ сизни раҳматига олсин, уни қайта барпо этишга бел боғланг.
Булардан ташқари, ушбу рошид Халифалик йўлида кунларини тунларига улаб, қаттиқ меҳнат қилаётган яхшилар карвонига қўшилиш билан мусулмонларга ҳақиқий нусрат-ёрдам беришга ҳаракат қилинг. Чунки биз Аллоҳнинг нусрати келаётганидан, Ўзининг мадади ила, Халифалик тонги отаётганидан хотиржаммиз ва бу Аллоҳнинг истаги ва қудрати ила, албатта амалга ошажак.
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
«Аллоҳ сизлардан имон келтирган ва яхши амаллар қилган зотларга худди илгари ўтган зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир» [Нур 55]
Шариф Зойид
Ҳизб ут-Таҳрирнинг
Мисрдаги матбуот бўлими раиси
