Хавфсизлик Кенгашининг Яман учун бирин-кетин чиқараётган қарорлари мустамлакачиликдан ўзга мақсадга хизмат қилмайди
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Хавфсизлик Кенгашининг Яман учун бирин-кетин чиқараётган қарорлари мустамлакачиликдан ўзга мақсадга хизмат қилмайди
Хавфсизлик Кенгаши ўтган душанба куни Яманга қарши санкцияларни янгидан жорий қилиш тўғрисидаги Россия томонидан тайёрланган қарор лойиҳасини бир овоздан тасдиқлади. Бундан олдин, Россия – Британия томонидан ишлаб чиқилган қарор лойиҳасига қарши вето ҳуқуқидан фойдаланган эди. Британия ушбу қарор лойиҳасида Яманга қарши жорий қилинган қурол эмбаргоси Эрон томонидан бузилганидан хавотир билдириб, Ҳусийларни қуроллантиргани учун Теҳронга қарши ҳаракатланишга чақирган эди. Аммо Россия буни тақиқлашга қаратилган мазкур қонун лойиҳасини тақдим қилди. Хавфсизлик Кенгаши эса, АҚШнинг минтақадаги малайларига юклаган топшириғига мос келувчи Россия лойиҳасини бир овоздан маъқуллади.
Бу қарор сўнгги йилларда қабул қилинган қарорларнинг бешинчиси ҳисобланади. Биринчи 2011 йилда 2014 сонли, 2012 йилда эса, 2051 сонли қарор қабул қилинди. Кейин 2014 йилда Британия тайёрлаган 2140 сонли қарор қабул қилинди. Ушбу қарор лойиҳасига кўра, биринчи марта шартноманинг еттинчи фаслига мувофиқ халқаро хавфсизлик ва тинчликнинг бузилиши тўғрисида санкция комиссияси тузилди. Олтинчи фасл ва умумий принциплар доирасидаги олдинги икки қарор ҳамда 2015 йил қабул қилинган 2216 сонли қарордан кейин 2018 йил қабул қилинган навбатдаги 2402 сонли қарорда БМТ санкцияси бир йилга узайтирилди.
Шубҳасиз, Хавфсизлик Кенгашининг бирин-кетин қабул қилаётган бу қарорлари Яманга ҳеч қандай яхшилик келтирмади. Билъакс, вайронагарчилик, қирғинбарот, уруш, фитна ва офатларни… келтирди. Буларнинг барчаси яманлик мусулмон аҳолига берилган жазо бўлди. Зеро, уларнинг юртига нисбатан, еттинчи фасл доирасида БМТ санкциялари жорий қилинган эди. Оқибатда Хавфсизлик Кенгаши улар устидан васийга айланди… Бир вақтнинг ўзида, АҚШ билан Британиядан иборат икки йирик давлат ўзларининг маҳаллий ва регионал қўғирчоқлари ёрдамида Яман устида нуфуз ва бойлик талашиб, кураш олиб боришди. Россияга келсак, у Америкага хизмат қиляпти, унинг Хавфсизлик Кенгашида топширган ролини бажаряпти, бу роль албатта Америка манфаатини рўёбга чиқаради, Британиянинг Ямандаги режаларига тўсиқ бўлади. Зеро, Британия Яманда Ҳусийларни оёғидан чалиб, уларни қамалга олишга, уларни қўллаб-қувватловчи Эрон каби жиноятчиларни жазолашга ҳаракат қиляпти. Буни Хавфсизлик Кенгаши қарорлари орқали ёки Ҳусийларга қарши жанг қилаётган Ҳодий ва Бирлашган Араб Амирликлари ёрдамида ҳарбий амалиётлар орқали амалга оширишга уринмоқда.
Санкцияларни узайтириш ва Яманни еттинчи фасл доирасига киритишдан ягона мақсад, уруш ва курашларни чўзишдир. Бу қарорлар билан амалда жазоланаётган томон, шубҳасиз, Яман аҳлидир, анави уруш тужжорлари бўлган ҳукмдорлар эмас… Бу ҳукмдорлар мустамлакачи ажнабийларга қарата қизил латталарни силкитиб, уларни Яман юрти ишларига аралашишга чақиришдан бошқа нарса билишмайди.
Бутун мусулмонларни, хусусан, Яман аҳли ва уларнинг юртини – улар ҳар қанча ихтилофу низога боришмасин – кофирлар ҳукмронлигига маҳкум қилиш қатъан ҳаромдир. Шу боис Яман аҳли ва бутун мусулмонлар зиммасида, зудлик билан Аллоҳнинг шариатини ҳукмрон қилиб, юртларидан мустамлакачи кофирларни қувиб солиш, уларнинг ҳукмронлигига барҳам бериш вазифаси турибди. Бутун мусулмонлар, хусусан, Яман аҳлининг ўзлари, юртлари ва бойликлари устидан кофирларнинг ҳукмрон бўлишларига ҳамда мустамлакачилик фикр ва туйғуларини турли услублар билан зўрлаб ўтказилишига йўл қўйишлари ҳалол эмас.
Эй Яман аҳли!
Мустамлакачи кофир Ғарб ўзининг курашаётган қўғирчоқлари ёрдамида юртингиз васийсига ва мустамлакачисига айланди. Бу нарса сиз шу золимларга суянган кундан бошланди, уларни ўзгартиришга лоқайд қараб, куфр аҳкомлари, қонунлари ва жинояткорона шартномаларининг устингиздан татбиқ этилишига рози бўлган вақтда келиб чиқди. Шундай экан, Пайғамбарлик минҳожи асосидаги рошид Халифалик давлатини барпо этиш орқали Исломни ҳукмрон қилишга ҳаракат қилмайсизми?! Зотан, ушбу давлат билангина ҳаётингиз ва давлатингиз ҳимояланади, сиз дунёнинг эгаларига айланасиз, Аллоҳ сизга берган бойликлар ва стратегик мавқедан фойдаланасиз, бундан ташқари, Росули акрам ﷺ мадҳ этган имон ва ҳикмат сизда мужассамдирки, уни амалда гавдалантирмоқ вақти аллақачон келган!
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ + وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ﴾
«Эй мўминлар, Аллоҳ ва Росули сизларни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар. Ҳамда сизлардан фақат золим кимсаларнинг ўзигагина етмай (балки барчага етадиган) балодан сақланингиз! Ва билингизки, албатта Аллоҳнинг азоби қаттиқдир» [Анфол 24-25]
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
