Матбуот баёноти

Хавфсизлик органлари Американинг Дарфурни ажратиб ташлаш режасини барбод этишни талаб қилган Ҳизб ут-Таҳрир аъзоларини ҳибсга олмоқда

Хавфсизлик органлар Шувак шаҳрида Ҳизб ут-Таҳрирнинг беш нафар аъзосини ҳибсга олди. Улар: Усмон Амин Канда; Ҳасан Амин Канда; Муҳаммад Самин Одам; Аҳмад Бобакр ва Амин Абдуллоҳдир. Мазкур ҳибсга олиш Ҳизб ут-Таҳрир – Судан вилояти томонидан Шувак шаҳридаги «Масжидул Атиқ» олдида ўтказилган норозилик намойишидан сўнг амалга оширилди. Намойишда Ҳизб ут-Таҳрир аъзоси шайх Усмон Амин Канда минтақа аъёнлари ва омма халқдан иборат йиғилганларга нутқ сўзлаган эди. Шайх ўз нутқида Американинг Дарфурни ажратиб ташлаш орқали Суданни парчалашга қаратилган режаси нақадар хавфли эканини баён қилди. Шунингдек, йиғилганлар зиммасига Уммат ва давлат бирлигини ҳаёт-мамот масаласига айлантирувчи шаръий масъулиятни юклади. Шу билан бирга, айрим аъёнлар ҳам сўзга чиқиб, Суданни бўлиб ташлашга қаратилган режаларга қарши туришда Ҳизб билан елкадош эканликларини таъкидладилар.

Ҳизб аъзолари намойиш давомида қуйидаги ёзувлар битилган плакатларни кўтариб чиқдилар:

• Американинг Дарфурни ажратиб ташлаш режасини барбод қилинг!
• Қонли чегаралар режасини пучга чиқаринг ва Дарфурнинг ажратиб ташланишига йўл қўйманг!
• Юртларингиздан кофир Ғарб нуфузини илдизи билан суғуриб ташлаш учун Халифаликни барпо этинг!

Шунингдек, намойишда мазкур мавзуга оид бошқа шиорлар акс этган плакатлар ҳам кўтариб чиқилди.

Хавфсизлик органларининг ушбу хатти-ҳаракати ҳукуматнинг Дарфурни ажратиб ташлаш орқали Суданни парчалашга қаратилган Америка режасини амалга оширишда давом этаётганини тасдиқлайди. Зеро, ҳукумат илгари мамлакат жанубини ҳам айнан шу услубда ажратиб юборган эди. Акс ҳолда, юрт яхлитлигини асраб қолишга ва унинг парчаланишига йўл қўймасликка чақираётганлар қандай қилиб ҳибсга олиниши мумкин?!

Аслида, бундай кишилар ҳибсга олиниши эмас, балки эъзозланиши лозим. Зеро, улар мамлакатдаги кўпчилик – хоҳ ҳарбийлар бўлсин, хоҳ фуқаролар – адо этишда сусткашлик қилган шаръий фарзни бажардилар.

Биз Ҳизб ут-Таҳрир – Судан вилояти сифатида, ҳокимият ва унинг хавфсизлик органларига шундай мурожаат қиламиз: Ҳибсга олиш ва овозларни бўғиш орқали бизни ҳақ сўзни айтишдан ҳам, унга амал қилишдан ҳам асло тўхтата олмайсиз. Ҳатто бунинг бадали жонимиз ва қонимиз бўлган тақдирда ҳам, биз бу йўлдан қайтмаймиз! Биз уларга яна шундай деймиз: «Уммат масаласида Аллоҳдан қўрқинг! Даъватни кўтариб чиққан кишилар борасида Аллоҳдан қўрқинг! Шуни яхши билингки, сиз Аллоҳни ҳеч қачон ожиз қолдира олмайсиз!».

﴿وَسَيَعۡلَمُ ٱلَّذِينَ ظَلَمُوٓاْ أَيَّ مُنقَلَبٖ يَنقَلِبُونَ﴾

«Золим кимсалар эса яқинида қандай оқибатга қараб кетаётганларини билиб олурлар»    [Шуаро 227]

Иброҳим Усмон (Абу Халил)

Ҳизб ут-Таҳрирнинг Судан

вилоятидаги расмий нотиғи