Роя газетаси:

Хитой «қудратли армия» бино қилиш учун ҳарбий ўзгаришлар ўтказмоқда

Ўтган шанба куни Хитой ўз армиясида структуравий ўзгаришлар ўтказилишини эълон қилди. Расмий ахборот воситалари хабарига кўра, Президент Си Цзиньпин бу ўзгаришлар «Хитойнинг қудратли армия яратиш орзусини рўёбга чиқариш йўлида улкан стратегик қарор»дан иборатлигини билдирди.

«Янги Хитой» расмий ахборот агентлигига кўра, бу ўзгаришлар учта янги ҳарбий қисм ташкил қилишни ўз ичига олади: стратегик ракеталарни кузатиш вазифаси топширилган қисм, қуруқлик кучлари бош қўмондонлиги қисми ва жанговор кучларга кўмаклашиш қисми.

Хитой мудофаа вазирлигининг таъкидлашича, ядровий махсус қисм ташкил этилгани Хитой стретегик сиёсатида ўзгариш юз берганини англатмайди, балки бу қайта ташкиллаштириш, холос.

Пекин икки кун муқаддам авианосецлар барпо этаётганини эълон қилган эди. Бир вақтнинг ўзида, қўшни давлатлар билан Хитой денгизидаги бир неча оролларга эгалик қилиш масаласида тортишиб келмоқда.

Яқинда Хитой президенти аскарлар сонини 300 минга камайтириб, икки миллионга тушириш билан Хитой армияси фаоллигини оширишга ва коммунистик партиянинг армия устидан бўлган ҳукмронлигини кучайтиришга уринаётганини билдирди (Alhurra).

Роя газетасининг 2016 йил 6 январ чоршанба кунги 59-сонидан