Хитой зиндонида шаҳид бўлган ўзбекистонлик биродаримиз Сайиджаҳон хусусида таъзия
Хитой зиндонида шаҳид бўлган ўзбекистонлик биродаримиз Сайиджаҳон хусусида таъзия
بسم الله الرحمن الرحيم
Биз чуқур қайғу ва изтироб билан юртимиз мусулмонларига ва Ислом Умматига Ҳизбнинг шаҳидлар карвонига яна бир сафдошимизни келиб қўшилганлиги хабарини бермоқдамиз. Ҳизб ут-Таҳрир Исломий сиёсий партиясига 1995 йилларда кириб келган Нодиров Сайиджаҳон Муҳаммадхонович, 1964 йилда Андижонда туғилган эди. Машаққатли даъват юкини ўз зиммасига олган биродаримиз Шарқий Туркистондаги уйғур биродарларимиз сафида Аллоҳнинг сўзини олий қилиш учун фаолият олиб бориб 2000 йилларда Хитой ҳукумати томонидан қамоққа олинган эди. Ўзбекистон ҳукумати яҳудий, золим Каримов бошчилигида 1998-99 йилларда мусулмонларни оммавий қамашга киришган йиллари Хитой ҳукумати ҳам Уйғур биродарларимизни устида зулмни бошлаган эди. Биродаримиз Сайиджаҳон ҳам ўша йиллари қамалган бўлса-да, Хитой судининг ҳукми 19 йилдан кейин ўқилган эди. Суд қарорига кўра, 20 йил озодликдан маҳрум этилган бўлиб, судгача қамоқда ўтказилган йиллар ҳисобга олинмаганди. У ердаги жуфти ҳалоли ҳам ҳозиргача Хитойнинг зулм маскани бўлган лагерларида сақланмоқда. Шуни ҳам айтиб ўтиш лозимки, биродаримизни шаҳид бўлишидан аввалроқ ҳолатига гувоҳ бўлган яқинларининг таъкидлашича, Сайиджаҳон сўнгги кунларида Пекин қамоқхонасидаги даволаш бўлимида сақланган. Биродаримизни аввалдан таниганларнинг у ҳақида айтганларини жамласак, Уммат ўзининг бугунги Мусъабидан айрилганини биламиз. Сиёсий Исломга – Халифалик давлатини қайта тикланишига қарши кураш оламда шиддатли тус олган даврда, уйғонган мусулмонларга бирорта ҳам омонлик диёри қолмади. Ислом бешиги саналган Макка ва Мадина юртлари ва биринчи қибламиз саналган Масжидул Ақсо диёрларидан то мусулмонлар истиқомат қилаётган юртларнинг барчасига қадар малай ҳокимлар туфайлигина бирлашолмай турган Умматни миллионлаган шаҳидларимиз қайта жонлантириб юборди. Шаҳидлар қонлари ила униб ўсувчи нусрат дарахти оламга соя солмоқда. Мусулмонларни азизликка ва инсониятни нажотга қовуштирадиган нусрат шабодаларини аламзада кўксида ҳис этаётган уммат бу оғир йўлда шаҳид кетган рижолларини асло унутмагай! Шу ўринда Ўзбекистон ҳукуматининг қамоқларида ҳам чорак асрдан буён қолиб келаётган ва оғир синовлардан бирин-кетин шаҳид бўлиб чиқаётган биродарларимиз хусусида огоҳ этамиз! Юртимиздаги режим ҳам мусулмонларга нисбатан муносабатда Америка, Россия ва Хитой кабиларнинг куфр сиёсатини айнан ўзини юритиш билан ўша золимлар сафидан тушмай келаётир. Шу боис Ўзбекистон ҳукумати Исломга нисбатан ўз сиёсатини ўзгартирмас экан, Хитой нажаслари қўлида шаҳид бўлган Сайиджаҳон каби азизларимиз юрт қамоқхоналаридан чиқишда давом этаверади. Ва жавобгарликда куфр давлатларининг Исломга қарши жиноятларида баб-баробар шерик бўлиб қолаверади.
Биз сўзимиз сўнгида, Аллоҳ Таолодан биродаримиз Сайиджаҳонни шаҳидлар саййиди Хамза р.а. билан бирга қилишини сўраймиз, унга ҳам Ўзини йўлида шаҳид кетганларга ваъда қилгани – Фирдавс ул-Аълони насиб этишини сўраб дуо қиламиз! Ва барча оила аъзоларига гўзал сабр ва офият ато қилишини сўраймиз! Уларнинг ҳаққига самимий дуоларимиз ила чуқур таъзиямизни изҳор этамиз.
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً
– “Мўминлар орасида ўзлари Аллоҳга берган (У зотнинг йўлида жиҳод қилиб, шаҳид бўлиш ҳақидаги) аҳду паймонларига содиқ бўлган кишилар бордир. Бас улардан (айрим) кишилар ўз аҳдига вафо қилди (яъни шаҳид бўлди), улардан (айрим) кишилар эса (шаҳид бўлишга) интизордир. Улар (Аллоҳга берган аҳду паймонларини) ўзгартирганлари йўқ”. (Аҳзоб:23)
Ҳизб ут-Таҳрир Ўзбекистон матбуот бўлими
